كن مسيحي
† لماذا ينبغي أن أكون مسيحياً †
نعلم بما لا مجال للشك فيه أن حياتنا على هذه الأرض لن تتكرر و أننا موجودين عليها كرحلة قصيرة مؤقتة أشبه باختبار لننال بعده إما حياةً أبديةً أو عذاباً أبدياً.
من هنا يأتي سعي كل البشر الى الطريقة المثلى التي تضمن لهم النعيم الأبدي ( ملكوت الإله ) و من هذا المنطلق عليك أن تسأل نفسك بعض الأسئلة التي ستوصلك لنقطة البداية :
1- هل أتبع الإله الحق؟ أم ورثت ديني عن أهلي دون تعمق وفهم؟
الدين الذي يوصل للإله الحق ينبغي أن يتمتع أتباعه بالمحبة و الرحمة و الانسانية حيث علمنا الرب يسوع المسيح أن نميز الدين الحق من الدين المزيف الذي يأتي به نبي كذاب بقوله ( متى 7: 16 احترزوا من الأنبياء الكذبة من ثمارهم تعرفونهم )
2- كيف أعلم أني على الطريق الصحيح أو أني ضال هالك ؟
من شكل حياتك على الأرض فان كانت حياتك تعيسة مدمرة مليئة بالاخفاقات و المرض و العوز فاعلم انك على طريق الشيطان لأن الرب الإله الحق وعد اتباعه بالنجاح و الشفاء و النصرة و القوة و يؤكد على ذلك يسوع المسيح بقوله في لوقا 17: 21 لأن ها ملكوت الله داخلكم. ولا يمكن أن يكون ملكوت الإله داخلك و يتركك تعاني الذل و الحاجة.
3- كيف أميز الإيمان الصحيح الذي يوصل للحياة الأبدية ؟
من ممثل هذا الايمان، حيث ممثل ايماننا هو الرب يسوع المسيح الذي قام من بين الأموات معطياً لنا وعداً أنه سيقيمنا بعد الموت بينما أنبياء الأديان الأخرى ماتوا دون حتى أن يستطيعوا أن يقيموا أنفسهم من الموت.
فمن نصدق ؟ أنصدق الحي الى أبد الآبدين ؟ أم نصدق الموتى ؟
† كيف تصبح مسيحياً †
1- آمن أن الإله يحبك
تبدأ بشرى الإيمان المسيحي بإدراك أنك محبوب ومقبول من الإله خالق الكون. علمنا يسوع المسيح أن ندعو الإله ب “الآب”. على الرغم أن بعض الناس قد يفتقرون إلى الخبرة الإيجابية لأبوين محبين، إلا أنه يمكن لمعظم الناس تخيل ما يمكن أن تعنيه كلمة “أب” في أفضل حالاتها ومعناها الإيجابي. إنه الشخص الذي يساهم في مجيئنا للحياة، ويمدنا بالحب، ويوفر الرعاية، يحمي، يوجه، يراقب، ويساعدنا على النمو والنضوج. هذا بالفعل نموذج جيد لنفهم كيف يقوم الإله بعمله الأبوي معنا. حتى عندما نبتعد عنه أو نرفضه، فهو يبقى يهتم بنا مثل الأم التي ترعى أطفالها. يعرفنا الإله عن كثب ويحبنا للمنتهى.
2- أدرك مدى حاجتك للخلاص
يعلمنا الكتاب المقدس بوضوح أن جميع البشر قد أخطأوا وأعوزهم مجد الإله، وليس لديهم القدرة على تخليص أنفسهم من نتائج خطاياهم. نرى هذه الحقيقة بوضوح في مختلف اخفاقاتنا، وخياراتنا الخاطئة، ضعفنا وعجزنا وارتفاع منسوب الأذى والضرر في حياتنا قبل قبول المسيح مخلصاً على حياتنا. ليس ذلك فحسب، بل إن الخطايا البشرية تؤثر على مجتمعنا كله، فتخلق عالماً مليئاً بالظلم والجشع والقمع والمواد الإباحية والتلوث والعنف والفقر. لكن على الرغم من كل الخطايا والمعاصي التي نرتكبها، لم يتوقف الإله عن حبنا و رغبته في خلاصنا وإرجاعنا إليه. قد يبدو هذا غريبًا بالنسبة لنا ، لكن يوحنا 3: 16 يخبرنا أن “ الإله أحب العالم لدرجة أنه بذل ابنه الوحيد، حتى لا يهلك كل من يؤمن به بل تكون له الحياة الأبدية”. من خلال حياة يسوع المسيح وصلبه وقيامته ننال نعمة أن نصبح بنات وأبناء الإله ونحصل على أمل أكيد بأن هذه الحياة الجديدة ستستمر إلى ما بعد الموت، وتأخذنا إلى السماء. هذه هي الأخبار السارة للإيمان المسيحي.
3- اعترف بخطاياك
لا يكفي أن تعترف بأنك أخطأت. يجب أن تندم على تلك الذنوب، ثم تبتعد عنها. يستخدم العهد الجديد عدة كلمات لوصف الاستجابة الحقيقية لرسالة الإنجيل. الكلمة الأولى هي “التوبة”، والتي تعني حرفياً في اللغة اليونانية الأصلية “استدر” أو “تغيير الفكر”. عندما تسمع كلمة “توبة” ، قد تفكر فورًا في الشعور بالأسف. إن الشعور بالأسف أمر جيد، لكنه ليس المعنى الرئيسي لكلمة “توبة” على الإطلاق. التوبة هي “الالتفاف”، أي تغيير اتجاه حياتك. إنها أكثر من مجرد أن تشعر في داخلك بالأسف، تتضمن التوبة تغييرًا في تفكيرك وأفعالك. سوف تتغير إرادتك وسلوكك أيضًا. بالمختصر إن التوبة الحقيقية هي اصرارك وسعيك لإرضاء الإله بدلاً من إرضاء نفسك.
4- سلّم حياتك للمسيح
يستخدم أيضاً الكتاب المقدس خاصة في عهده الجديد كلمة الإيمان بشكل واضح ومكرر لوصف الاستجابة الحقيقية للبشارة. أعلن سجودك للإله خالق الكون وكل ما فيه بالإيمان واقبل الخلاص كعطية. و لكي تنعم بالخلاص الأبدي، خصص حياتك لاتباع المسيح، وادخل في علاقة معه من خلال الصلاة وقراءة الكتاب المقدس.
5- تعمّد على اسم الآب و الإبن و الروح القدس
لن تصبح مسيحياً ان لم تحقق شرطي الخلاص ( مرقس 16: 16 من آمن و اعتمد خلص و من لم يؤمن يدن ).
بهذا تدرك انك بالايمان و المعمودية معاً تصير مسيحياً و تُدعى ابن الإله.
6- نل عطية البنوة
المسيحي هو الانسان الوحيد على الأرض الذي يسكن فيه الروح القدس ( روح الإله ). حيث لم يأتِ نبي أو دين استطاع أن يعِد أتباعه بعطية الروح القدس إلا الرب يسوع المسيح، ستنال بعد المعمودية عطية الإله لك كإبن/ابنة له فسيسكن فيك الروح القدس الذي سيتولى مهمة أن يعرفك على أبوك السماوي تدريجياً بحسب إيمانك و ما قد تحتمل، ويستمر في العمل داخلنا لنكون بحق بنات وأبناء الإله ولندرك عمق الإله. قال يسوع في يوحنا 16: 13-14 ، “وأما متى جاء ذاك روح الحق فهو يرشدكم الى جميع الحق،… ذاك يمجدني لأنه يأخذ مما لي و يُخبركم.”
7- عش شاكراً وممتناّ للإله.
تصنع المسيحية تحولاً في حياتنا كلها من لحظة قبولنا وشكرنا للإله على عمله الصالح فينا. وبهذا تصبح طاعتنا لشريعة الإله في الوصايا العشر فرصة للتعبير عن الشكر لله على ما فعله من أجلنا. لا يُنظر إلى هذه الطاعة على أنها فروض قسرية يصعب عيشها ، بل على أنها وسيلة لإظهار المحبة والتقدير للإله. علّم يسوع تلاميذه ، “إن كنتم تحبوني ، فستحفظون وصاياي” (يوحنا 14: 15). هذا النهج في الحياة ينتج عنه أمران مهمان. أولاً ، يحررنا من القلق المستمر بشأن حياتنا ومستقبلنا. فعندها لا نعود نحتاج إلى الاستمرار في التساؤل “هل أنا أسير في الطريق الصحيح أم لا؟” لأن حياتنا ببساطة أصبحت فرحاً متجدداً وشفاهنا تنشد على الدوام تسبيحاً وتمجيداً وامتناناً للرب مخلصنا. ثانيًا، تتحول حياتنا من خدام لشهواتنا وذواتنا إلى أبناء لملك الملوك ورب الأرباب وبالتالي نفرح وننضج ونثمر، ومن خلال خدماتنا المسيحية نحن نظهر إمتناننا للرب الإله بواسطة الصلاة والأعمال والخدمات التي نقوم بها على اسم الرب المبارك. ومن خلال الطريقة التي نتعامل بها مع أفراد عائلتنا ، وكيف نؤدي وظائفنا ، نستخدم أوقات فراغنا، عملنا، مشاركتنا في العمل المجتمعي، طريقة تفاعلنا مع محيطنا، طريقة انفاق مالنا وعشورنا، و الأهم شهادتنا المتجددة للمسيح الذي غير حياتنا. فنعيش نحمد الرب ونخدمه بكل جهدنا ونشارك الآخرين فرحنا ودعوتنا باسمه القدوس.
كمسيحيين ، نحن نظهر محبتنا للإله من خلال الطريقة التي نتعامل بها مع الآخرين. “أيها الأحباء ، ان كان الله أحبنا هكذا ينبغي لنا أيضاً أن يحب بعضنا بعضاً” (1 يوحنا 4: 11) ؛ “لا نحب بالكلام ولا باللسان. بل بالعمل والحق “. (1 يوحنا 3: 18)..
باختصار وبطريقة تعبير أخرى ينبغي أن نلبس المسيح.
† هل أنت مستعد ؟ †
بعد أن تتيقَّن أن المسيح هو الطريق و الحق و الحياة و أن لا خلاص إلا به و لا ملكوت سماوي ستناله ان لم تتبع رب الملكوت و الديان الذي دُفع إليه كل شيء من الآب، عليك أن تبدأ أولى خطواتك الفعلية لتكون مسيحي :
1- اقرأ الكتاب المقدس بعهديه بدءاً من الانجيل ( العهد الجديد) و وصولاً للعهد القديم.
2- اطلب أن تتلمذ على يد أحد المرشدين من معلمي الكتاب المقدس.
3- بعد التلمذة تأتي المعمودية حيث سيؤمن لك مرشدك الروحي كاهناً أو قساً يعمدك.
† اطلب مساعدة من معلمة الكتاب المقدس ماغي خزام وهي سترشد خطواتك وستشرف على تلمذتك شخصياً †
قصص العابرين
– انا من ام سنية و اب علوي كان في شي جواتي يقلي في شي غلط بالطائفتين كنت اتسائل بما انه الله محدد مصيرنا وكلشي كاتبه مسبقاً ليش حتى يحاسبنا؟ و اسئلة كتيرة وكنت حب المسيحيين كتير وقول ياربي ليش ماخلقتني مسيحية ؟
ليوم وصلني فيديو للمدام ماغي خزام ومن أول مرة في شي شدني بكلامها وكأني عمدور على ألف سؤال ولقيت الإجابة عندها وحضرت أول فيديو قلب مفاهيمي قلب الفرق بين يسوع و عيسى وكنت بوقتها حامل وبعدها أجتني طفلة متل الملاك بس صرت اتكسلن احضر وقول ماعندي وقت بعدين بشوف وبعدين بتعمق ورحت لقصص البخور والصلاة للعدراء
لحتى أجى يوم الكف يلي صحاني هالطفلة لي كنت مكرسة كل حياتي لإلها وكانت بالنسبة ألي كل الدنيا فجأة وبظرف 4ساعات بتموت كيف وليش؟ مابعرف تبخرت من بين أيديي.
بعد وفاتها بكم يوم كنت واصلة لدرجة الهستيريا شفت برؤيا البنت بين أيدي عايشة وعم أشكر والفظ أسم الرب يسوع وقله بشكرك يا يسوع انت الوحيد لي قهرت الموت وقمت من بين الأموات وأقمتلي بنتي من بين الاموات باليوم التالت لإنك انت المعجزة.
وبعد هالقصة ب3أيام بالضبط كانت المدام ماغي ناشرة بوست للي حابب يعبر للمسيح ويتتلمذ فهون تأكدت أنه الرب يسوع اله كل المجد ناقش اسمي على كفه وبده ياني
تواصلت مع المدام وضافتني لغروبات التلمذة واتعمدت على اسم الرب يسوع المسيح
بشكر الرب كان الخلاص الي ولعيلتي كلها عن طريق القديسة الأمينة على كلمة الرب
ماما ماغي و تعمدنا انا و زوجي و اولادي ال ٢ وانا هلق حامل و ناطرة بعد شهر تعويض ربنا إلي بمولود قررت سميه ماتيوس ( عطية الإله ).
– نور الدين من سوريا
سنوات وسنوات وأنا كنت اركع وصلي واسجد لإله الاسلام وأطلب بشفاعة محمد وأنا من سيئ للأسوأ سنوات وقول وأطلب إني انشفى ولا كان في مستجيب لوصلت معي وقلت هاد الرب الي عم صليلو عم يتلذذ بعذابي ومابدو ياني طيب واشفى وكرمال هيك مارح صليلو ولا عاد آمن فيه صرت ماعد صلي ولا اطلب ورحت لطريق الالحاد وصارت حالتي اسوأ من قبل ووصلت معي صرت فكر بالانتحار وانو حياتي مالها طعمة ومن كتر ماني مقهور ومتعذب قلت بقلبي يارب اذا انت فعلاً موجود أظهر لي ذاتك لآمن فيك واذا مانك موجود ماني مآمن فيك وصرت دور وابحث بصفحات الملحدين وعن التناقضات بالقرآن وهيك شغلات فخطر عبالي سؤال غير حياتي كلها إنو ليش الإسلام والمسيحية مختلفين على صلب المسيح وليش مختلفين عن انو بيقولوا عنه ابن الله ولأني واصل لمرحلة تشكيك بكل شي قلت ما رح احكم قبل ما شوف وجهة نظر المسيحية ومعتقدهم وبحياتي كلها مابعرف شي عن الكتاب المقدس إلا إنه محرف متل ماكانوا الاسلام يكذبوا علينا لوقت بالصدفة وهي مو صدفة هو جواب لسؤالي مين هو المسيح بحلقة لأمنا ماغي اسمها الفرق بين يسوع وعيسى ومن هي العذراء مريم في القرآن، العنوان جذبني فتت وسمعت الحلقة كاملة انصدمت من المعلومات وقلت فعلاً كلامها منطقي وفعلاً الأجوبة منطقية وحق الكلام مانو عبث وبآخر الحلقة حطت تحدي وقالت جربوا اطلبو باسم الرب يسوع المسيح وبتستجاب طلبتكن عتحدي وانا قلت بقلبي اي بجرب ماني خسران شي وطلبت بقلبي بيومها وقلت يارب اذا كنت فعلاً الإله الحقيقي أظهر لي ذاتك أو عطيني إشارة باسم الرب يسوع بطلب منك من لحظتا صرت ابكي وشي جواتي حسو متل النار ماعرفت شو معناه وبعدا حسيت بفرح كبير وصرت متلهف أكتر لأعرف عن المسيح وصرت احضر كل لايفات وحلقات امنا ماغي وبعد تلات شهور زاد حبي وتعلقي بالرب يسوع وصرت بكل لايف اكتب تعليقات لامنا ماغي وكتبتلا أنا عابر للمسيح وآمنت بالرب يسوع بدي اتلمذ وكنت متلهف لدرجة إني مستعد اترك كل شي كرمال أعرفه اكتر، وفرحتي مابتنوصف وقت اجتني عالخاص وسألتني : ليش بدك تصير مسيحي؟ وقلتلها عن إيماني وكيف آمنت وطلبت مني تتلمذني واتعمد لانو آمنت بالرب يسوع وقبلت وتتلمذت عايدها وبعدها تعمدت والشكر والمجد لإلهنا القدوس وبعدها انضميت لكنيسة الرب وصليت وطلبت اني اشفى من مرضي الي كان معذبني وخلاني إلحد والشكر لربنا والهنا الحي الي شفاني وماعد حسيت بألم وتعامل معي وانتشلني من قبضة ابليس يلي كان موديني للهلاك وكنت عم فكر بالانتحار من الكآبة.
عمل ربنا بحياتي اذا بضل بشكرهوكل عمري ما بوفيه أنا الغير مستحق
المجد والكرامة لالهنا القدوس يسوع المسيح الي فدانا بدمه الطاهر عالصليب وقام من بين الأموات وهو حي الى الأبد وناطرين مجيئه التاني آمين.
– من شخص درزي “مسلم” حياتو عم تخرب كل يوم زيادة بسبب اللعنات المتوارثة و قرَّب يوصل للإلحاد بسبب الإستفهامات اللي بالحياة اللي ما إلها ولا أي جواب حق بديانته لَ نائل إبن للرب اللي ما بيخيب أولاده
بإختصار بيوم تعبت بجد من حياتي و من البحث وقلت (يا رب بعرف انك موجود بس ما بعرف كيف بدي اوصلك، فرجيني طريقك لأوصلَّك) بشكر ربنا اللي بدأ يتعامل معي عن طريق أمنا ماغي خزام وعن طريقها عرفت الحق والحق حررني ووصلت للخلاص عاسم الرب الحق يسوع المسيح.
– أنا عابرة من خلفية علوية الى نور المسيح قررت أعبر بعد كذا أشارة اجتني من ربنا رح بلش فيهن من وقت كنت صغيرة بسبب قمع المرأة في ديننا وعدم معرفتها للدين بسبب انها ناقصة عقل ودين
بالبداية لما كنا صغار وقت كانوا يقولولنا ان الله بيحرقكن بالنار بلشت حب الله لأن بخاف منو بس كل مرة كنت فكر ان الله هو شخص شرير و لما بلشت اوعى واكبر صرت خاف منو اكثر من دون تفكير.
كان عمري ١٥ سنة (حد بيتنا في مقبرة للطائفة الانجيلية ) شفت منام ان هي المقبرة مزرعة لربنا يسوع وهو حطني حارسة عليها وكنت جوعانة كثير والمزرعة مليانة أشجار فواكه من كل الأنواع بس ماكنت مد ايدي وقطف شي لأن هو أمنني عليها قلت بس شوفو بقلو هو بطعميني ولما اجى قعدني بعرزال بين شجرتين موز وطعماني جبن و خبز و خيار و غطاني بثوبو . كنت كثير مبسوطة وضل المنام ببالي وماكنت احكي لحدا وكل ما كبرت سنة صارت تكبر محبتي لربنا يسوع اكثر و يزيد كرهي لرب الاسلام هاد لي بيحرق و بيسكب رصاص بالأذن و بيعلقنا من لساننا وبدو يحرقنا بنار جهنم و كل ما متنا بدو يرجع يحرقنا.
هيك لحتى ظهرت بوجهي بنت الرب ماغي خزام وحضرت أول فديو الها وهي عما تحكي عن ربنا بطريقة بتدخل القلب و بتخليك تحبو لأن هو بحبنا وبخاف علينا وبوقف معنا ومامنخاف معو من شي وهيك تلمذت ع أيديها و اتعمدت وصرت بنت من ابناء الرب وكان الها فضل ان تقربت من ربنا .
– انا كنت مسلم لفترة طويلة من عمري والاسلام مافادني غير انو تحجر مخي لدرجة كبيرة وبعدها مرضت وصرت عاجز وانا بعمر العشرينات وقت تعرفت ع الرب يسوع صليتلو وكنت كتير تعبان وبحاجة ماسة للشفاء اجا قلي انت ابني تعال اشفيك وبالفعل طبت ومن هداك اليوم وانا نادر حياتي للمسيح وتعمدت بفضل ربنا من كم يوم مع العلم صرلي ثلاث سنوات بالإيمان بحب قول لكل الناس مسلمين او غير ربنا ينجيكن من يد الشرير وينولكن الخلاص لان بس بالمسيح بتخلصو .
فَٱلْجُمُوعُ إِذْ عَلِمُوا تَبِعُوهُ، فَقَبِلَهُمْ وَكَلَّمَهُمْ عَنْ مَلَكُوتِ ٱللهِ، وَٱلْمُحْتَاجُونَ إِلَى ٱلشِّفَاءِ شَفَاهُمْ. شكراً مدام ماغي خزام.
– أنا طبيبة من عائلة ملحدة متوارثة الإلحاد لسنوات طويلة
كان دائما البحث و السؤال موجود بحياتنا
و كان دائماً الشعور بلعنات متوارثة من أجدادنا و ضربات الحياة بتزايد
بعد طول مقارنات بين العقيدة المسيحية و باقي الديانات و انعكاسها عطبيعة الحياة العائلية
و بعد محاولات كتيرة لفهم الحقيقة وصلنا لمكان محتاجين فيه للرب بقوة
طلبنا الرب و استجاب أعطانا بكلمته كل الأجوبة عالأسئلة اللي كانت موديتنا للإلحاد
وقف معنا بكل الظروف ومازال .. خلق منا أشخاص جداد مسنودين فيه
انتقلنا كان بكل معنى الكلمة من الظلمة إلى النور .. وتعمدنا و انا و زوجي صرنا مسيحيين .
المجد كل المجد لأبانا السماوي
– كتير كان يتردد عليي نفس المنام ،إني شوف حالي بحضرة أبي يسوع ،أخرهم إني كنت راكعة قدامو وايده على راسي ،صليت وقلتلو اذا عم تدعيني لعندك ،دلني ويسرلي طريقي لعندك وبعد شهر لقيت الطريق وكملت لعمادتي ومكملة بمشيئته لمماتي ،صعب احكي عن عمله بحياتي بكم سطر واشكره بكم كلمة ،المهم هوي بيعرف اني معه ماشية ع المي وبصليله عطول ماكون من قليلي الايمان،أنا الساكن في ستر العلي ،فلتكن مشيئتك يارب
– انا كان اسمي تمام زهر الدين من طائفة الموحدين الدروز
.من اكتر من 8 سنين كنت اسأل أسئلة (غريبة بالنسبة للأديان) عن تعدد الأديان
بس بفضل ربنا عرفت انو الأديان كذبة كبيرة واسم الإله مو الله والعلاقة مع الرب الإله ليست دين او طقوس والكتاب المقدس هو الكتاب الوحيد يلي جاوبني على كل اسئلتي
وواحد من الاسئلة عن آدم ليس اول البشر على الارض .
وحدة من المعجزات يلي عملها الرب بحياتي ،طلبت بإسم الرب يسوع واستجاب الرب الإله :
بعد تدخين متواصل لمدة 10 سنين، اتخلصت من الدخان بيوم واحد بدون معاناة ابداً ابداً
بشكر ربنا على كل شي عملو معي بحياتي وعم يعملو ورح يعملو ، وبشكر ربي على الاشخاص الطيبين يلي استخدمهن لمجد اسمو، وبشكر ربنا على كل شي عم تعملو معنا امنا الحنونة ماغي
– قصتي مع الرب : بعد ما نكرت كل الوحشية الموجودة بكتاب المسلمين، تمنيت لو كان في إله محب، حنون، معطاء، عادل، فيه سلام، وأثناء البحث بالعقل والمنطق وجدني ربي وإلهي ومخلصي يسوع، وجدني (هو)، وجدني بالروح القدس من حلقات ماغي خزام
أيقنت إنه في إله محب وهو (أب)، كل أحلامي عن هالإله تحققت وفاقت توقعاتي ، ماعاد يهمني أهلي اخوتي حياتي المصاري الشكل، بيهمني هلق يسوع، هو الحب الأول والأخير والوحيد، تعمدت على اسمه ونلت الفرح والحياة الأبدية
– علي من سوريا / طرطوس
مثلي مثل أي حدا ولدت وتسلمت دين كنت شوف اهلي يروحوا عمزارات ويعملوا أعياد وحسنات ولكن بيتنا ما كان فيه سلام وكان عندي مرض جلدي وكنت أندر و زور مزارات وأطلب من (علي) يشفيني بس ما كان يسمع لأن الشيطان بيحب يعذب أتباعه
كنت افرح وقت أسمع انه في ناس ماتوا بحادث، مرض، طلاق كنت حب هاد الشي وقول مو لحالي لازم اتعذب وكنت جدف ع الرب كتير.
لمرة ركعت وبكيت وطلبت يرشدني فتعامل معي بأحلام وأنا مدور عتفسير هالأحلام طلعتلي ع غوغل امنا ماغي خزام وصرت تابعها واقرأ بالكتاب لمقدس لفعلاً لقيت الرب ونشكر الرب تعمدت و شفيت من مرضي كل لمجد والكرامة للرب يسوع.
– كنت مسلم من عيلة متشددة جداً لدين الإسلام كلو قتل وعنف ومافي مجال للتوبه أو لغفران الخطايا، كان أبي يطبق الإسلام بكلام محمد عليي و عاخواتي السبعة كان أبي يضربنا ضرب مبرحح جداً لدرجة الموت مشان الصلاة ومشان الالتزام بالدين بشكل عام كان يبعتني عشيخ مشان ادرس قرآن كنت اهرب ويضربني ويحبسني، مرة كمان كنت حامل القرآن وقع مني ع الارض بدون قصدي فإجا ضربني بحد المعلقه الكروم القاسية عراسي وبقيت دايخ ٣ ساعات هاد جزء من طفولتي.
بعد كل هالتعنيف هربت من أبي وجيت عتركيا وانا عمري ١٥ سنة وعشت لحالي و كبرت و لسا جواتي كرهي ل ابي، بعد ما كبرت ووعيت حسيت لازم ارجع ل ربي واطلب منو يكون معي ويغير حياتي فرحت لعند ابي وقلتلو هيك صاير معي قلي اقرا قرآن وصلي ف انا ما حسيت بشي ولا حسيت اني مع ربي فصرت ابحث ع الإله الحقيقي وكنت اصادف ناس مسيحين ع نت أو نكون قاعدين شباب يحكو عن جار مسيحي عمل معهن شي منيح ومن خلال الحكي عن المسيحين شفت المحبه والثقه وتواضع صرت ابحث عن هاد الإله المحب لقيتو وآمنت فيه رب ومخلص لأنال الحياة الأبدية؛ وتتلمذت و تعمدت.
– كنت مسلمة متعمقة بدين الإسلام بس ما كنت مقتنعة فيه لاني حدا منطقي والدين الاسلامي بدو حدا يسلّم بدون منطق وألف اشارة استفهام وإذا بتسأل بيكفروك، بهالدين مافي محبة او رجاء كنت شوف اله الاسلام مستبد وقررت ما اعبده ابداً.
قبل سنة عندي صديقة مسيحية سألتها عن عيسى قالت اسمه يسوع وسألتها ليش انصلب ماخلص نفسه فبعتتلي حلقة للمدام ماغي الحلقة استفذتني كيف بتقول يأتي بعدي انبياء كذبة وخاصة كلمتا انو ((العبد بحياته مارح يفهم شو يعني يكون ابن الرب ))
انفصلت عن العالم كله 3 اشهر مابعرف النوم اكتر من ساعتين وانا اطلع من فيديو فوت بغيره بدي رد و اثبت عكس كلام ماغي لوقت شفت حلقة اللعنة التي تقيد الانسان و اللعنات المتوارثة هون اجاني الكف والصدمة ربنا مانه ظالم وكله من ايدنا، بس مين ربنا؟ قررت فوت اتلمذ لافهم اكتر مين يسوع صرت اطلب بدي اشارة :يارب انت قبلتني؟ لوقت سمعت صوته عم يقول لايدخل الملكوت الا المساكين بالروح وانقياء القلوب يابنية نقي قلبك.
بثقة وحب وفرح طلبت اتعمد باسم الاب والابن والروح القدس وموت وأحيا مع الرب اولد من جديد والبس المسيح وعيش بنت للرب مو عبدة مابتعرف مصيرها.
بشكر ربنا ع امي الروحية ماما ماغي وربنا يزيد الحصاد وتخلص النفوس باسم يسوع.
– انا كنت دائما مكتئب وفاقد الرجاء وكأني بعبد الاه ميت بطلب مابيستجيب بعمرو ما سمع صوتي بعمري ماحسيت انو في شي عم يتغير كان عندي كتير اشارات استفهام بس بالدين الإسلامي ممنوع تسأل ممنوع تفكر واذا سألت الجواب دائما بكون انو الحكمة من عندو وهيك هو بدو وهيك ارادتو مابصير تحكي او تفكر لانو هاد كفر وحرام
ليوم كان في حدا من الي بعرفو ترك الإسلام وعم يتلمذ عند المدام ماغي ويتعلم عن المسيح فانا صرت اسأل ودور وتابع المدام ماغي ودخلت عالموقع وصرت اقرأ بالكتاب المقدس
وصرت اسمع عن الرب يسوع، حسيت في شي كتير حلو حسيت بفرح حسيت بشغلات ماقدرت اوصفا طلبت انو اتلمذ لأتعرف اكتر عن سبب هالسلام وبعد فترة حسيت انو صار الوقت لاتعمد ع اسم الاب والابن والروح القدس وموت واولد من جديد مع الرب يسوع المسيح.
– انا من خلفية درزية تزوجت وسافرت وعشت بفنزويلا كنت دائما خايفة من الله اللي بيحرقنا وبيعذبنا لاي ذنب ممكن نعملو وكنت خاف ربي اولادي على انو الله بيحرقكن ومن فكرة التقمص وبعد الحرب بسوريا حسيت انو مافي وجود ل الله ولو كان موجود ما كان قبل يصير هيك بالناس او انه هو الاه قاتل وبيحب يعذبنا وهاي جهنم اللي وعد فيها وكنت تابع سياسة كثير فمرة بالصدفة طلع قدامي بوست لمدام ماغي عم تحكي سياسة ففتت عصفحتها لان لفت نظري جرأتها وبلشت احضرلها فيديوهاتها واقتنع بكلامها لانو بيحاكي العقل والمنطق وحقيقي ومافي خرافات او ايمان مبني على التزمت وعدم الفهم متل اتباع باقي الاديان وضليت معها لوصلت لحلقة اهمية المعمودية وهون حسيت انو انسكب بقلبي الحب والايمان والعشق للرب يسوع المسيح وما بدي شي بالدنيا غيرو وبشكر ربنا انو زوجي كمان آمن واولادي وتعمدنا على اسمو وحياتي كلها تغيرت كليا وعمل عجائب بحياتي ولليوم بحس بحبه وبحنانه وانو بجنبي بكل لحضة ورح ضل معو للمنتهى.
– ربيت بعائلة معتدلة دينياً، بعرف انو في إله بس ما بلجألو، وصلت لمرحلة احتجت ربنا و رحت ع جامع صليت ليوفقني ب تمريني..و لأني توجهت ل إله غلط، بعد الصلاة صار معي اصابة أدت لأذية دائمة و منعتني من الرياضة، هالشي خلاني ألحد و اقتنع تماماً انو مافي اله وصرت جدف و اكفر …مضت ثلاث سنين، طلعلي فيديو لمدام ماغي خزام عم تشرح كيف يسوع هوي الله المتجسد وانصدمت لما فهمت و عرفت اديش ربنا بحبني حتى قدم ابنو كرمالي انا الخاطية يلي قضيت سنين عم جدف عليه فيها..ركعت و صليت قلتلو يارب أرني ذاتك، و من هداك اليوم آمنت انو ربنا إله حي و فعال لانو صار يحكي معي بالكتاب المقدس و يشرحلي و يوجهني و كل ما ارجع صلي يفتح عن عيوني و افهم اشيا اكتر بالانجيل..
هو دعاني للعرس و انا تعمدت ووعدته كون حكيمة و عم صلي ليحضرني للخدمة و لجبله اهلي ثمر معي.
– من احمد ل دانيال.
انا كنت مسلم سني سابق وكان عندي فضول ولهفة للايمان المسيحي وشو ماكنت اسيأل بالدين الاسلامي كان ما يوصلي جواب بحجة افكارك بتتشتت… ليوم من الايام ماعاد آمن بمنطق الدين الاسلامي وبهالفترة كان عندي فضول عالمسيحية بس ماكنت اعرف شي فيها… حتى طلبت من الله يفرجيني الحق لانو ما بدي ألحد ف شفت المسيح بمنامي وقلي اتبعني ف بلشت اقرأ وقارن بين الاسلام والمسيحية وفررررق معي من تأسيس الكون حتى النهاية ف ربنا فتح بصري ونور عقلي وقلبي وطبعا شفت المسيح بغير احلام ومرة حلمت بمريم العذراء وهاد الشي كلو صرلو ٤ سنين وصار قصص شوي حسو فيها اهلي حاولت هدي الوضع وارفض انو مافي من هالشي.. ليوم من الايام شفت اول فيديو لماغي خزام عن طبعات الكتاب المقدس واثرت فيني لهفتك يلي فيها حق وواقع وحضرت كل الفيديوهات وكملت لهلئ ورح كمل للمنتهى معك امنا ورح نخدم مع بعض لنكرز بأسم الرب يسوع للمنتهى…. وهيك آمنت بالرب يسوع المسيح لحد ما اتعمدت.
– من خلفية اسلامية (شيعية) من صغري كنت حب المسيح والمسيحيين وقت كبرت بلشت معاناتي بالحياة مع عيلتي المنفصلة اب بمكان وام بمكان ودراستي تعبت نفسيتي تعبت كتير وهون كان عندي بكلوريا بلشت استنجد بالحسين والزهراء قدمت ومانجحت بعدا شكت بديني وبلشت ابحث شفت فيديو المدام ماغي بحثت بكلامها وطلع كلو صح سلمت حياتي لرب السنة الي بعدها استنجدت فيه وبنشكر الرب نجحت وبعدها بلشت التلمذة مع المدام ماغي وتعمدت بسم الرب يسوع.
– نسرين من سوريا
عمري ٢٦ سنة كنت مسلمة سنية امنت بالمسيح من سنة و تعمدت بتاريخ ٩/٦/٢٠٢١ كان احلى يوم بعيشو بكل عمري
باختصار من وقت كنت صغيرة و عندي ميل كبييير للسيد المسيح حب مزروع بقلبي مابعرف ليش رغم اني كنت مسلمة بس كنت بحبو اكتر من نبي الاسلام محمد بس مابسترجي احكي طبعا كنت حب افهم و اتعلم عن الايمان المسيحي و اول مرة سترجيت و سألت رفيقتي المسيحية و طلبت منها تعطيني كتاب الديانة تبعا استعارة و عطتي ياه و قريت منو و كنت مبسوطة كتير و كنت عيش احلام يقظة و اتمنى صير مسيحية بس كلا هي كانت مشاعر و بس لوقت عرفت انو المسيحية بيامنو ب ٣ الهة انصدمت و صرت بدي افهم بس مع الاسف مافي حدا يفهمني صرت اسمع من شيوخ و تشويه تشويه تشويه بس للاسف اقتنعت قناعتي كانت انو المسيحية باطلة بس حب المسيح بقلبي ما انتهى و لا خف و بقيت بحبو اكتر من محمد و استغرب من حالي تزوجت و التزمت بالدين و اتحجبت و صرت كل يوم صلي و اقرا قرآن و صوم رمضان و يمرق عليي آيات من القران تصدمني اسمع شيوخ اكره الدين بس من تم ساكت و خوف من النار لغير المسلم لوقت شفت فيدو لشب كان مسلم و كفر بالاسلام وقتا حسيتو كف الي انو قومي دوري عالحق حاج قاعدة مسلمة تسليم بدون فهم و فتحت القرآن و صرت اقرا بدون قدسية و صرت ابكي يوميا و الو يارب انت مين انا بعرف انك موجود سمعني انا ما بدي لا بيوت و لا مال و لا عيشة ارضية بدي اعرف مين انت كيف لازم اتبعك اذا الله رب محمد عطيني اشارات و اذا انت غير إله عطيني طريقة اتعرف عليك انا عجزت و مافي شيخ عم يدلني عليك و تاني يوم بفتح يوتيوب و كالعادة بحث عن الحق عن قصة اسلامية او عن لماذا المسيح رب و هيك فبيطلعلي فيديو لامنا ماغي عم تحكي مع مسلم ليش المسيحين بيعتبرو المسيح رب و الجواب من قلب القرآن شدتني طريقة الشرح و فتت عالقناة و ماعاد عرفت اطلع منها و سمعتلها فيديو بتقول مسموح لغير المسيحيين يجربوا الرب ليلاقوه جربه بأمر ماعم يزبط معك و قله اذا انت الرب الاله ابو يسوع المسيح بدي كذا و هاد بالضبط يلي عملتو بعد طلب سنتين من اله القران بدون نتيجة بطلب باسم يسوع و باقل من شهر الامر الصعب صار سهل و صرت كلشي بدي ياه قول باسم يسوع و يصير و اكتشفت انو يسوع رب و رب حي لليوم و الى الابد اتواصلت معي الاخت سيدرة ساعدتني و فهمتني شغلات كتيرة و من خلالها وصلت لامنا ماغي و تلمذت و انا غير المستحقة تعمدت باسم الاب و الابن و الروح القدس و بصلي كل يوم اسحب معي عائلتي للخلاص.
– أمل من سوريا
انا من خلفية اسلامية كنت اكره احكام الاسلام و ظلم المرأة بمجتمعنا الاسلامي . كنت دايما خاف كتير لما اسمع قرآن . بلشت ابحث اكتر و دور ع عن تفاسير للقرآن تكون رحيمة لأن كنت ازعل من قلبي لما اسمع بخطبة الجمعة الدعاء ع غير المسلمين بالقتل بس للأسف ما كان شي يريحني . كنت دايما اطلب من ربنا يدلني ع الطريق الصح لاني كنت خاف كتير من عذاب القبر حسب مو مذكور بالقرآن. و حسب الاسلام مافي ضمان للجنة.
بلشت ادخل ع اليوتيوب و احضر اختبارات الناس يلي كانوا من خلفية دينية اخرى وقبلوا المسيح. حضرت فيلم عن المسيح و بعدها صار عندي شغف اني إقرأ الانجيل . وصلت ل كنيسة عربية و قدرت احصل ع نسخة من الانجيل . و لما بلشت إقرأ كنت حس كأن عم آكل عسل من حلاوة و روعة كلام الرب. سلمت حياتي للمسيح لان هو الطريق و الحق و الحياة و ياللي بيآمن بالمسيح بيضمن الحياة الابدية و الملكوت.
عظيم و متواضع الرب لأن بيطلب منا نقبلو . نحنا غير المستحقين و فوق هدا مغفرة للخطايا مجاني. محبة المسيح غمرت قلبي . كنت اسمع اقوال الرب يسوع كل يوم اكتر من مرة بدون ملل. انتقلت من الظلمة للنور وغيرني للأفضل .صار عندي سلام و فرح و نعمة . الرب يسوع اتعامل معي بشكل شخصي . كذا مرة وقعت بضيقات بس ما تركني لما كنت صلي كنت لاقي الاستجابة لأن رب حي بيسمع و بيحس فينا و لما نطلب بيستحيب . طبعا في تفاصيل و قصص كتير عن تعاملات الرب معي. الايمان المسيحي هو علاقة مباشرة مع الرب . علاقة بنوة حاولت لاقي كذا كنيسة ل إتعمد بس للاسف ما كان في استجابة . لحتى صليت لربنا انو يساعدني ، بوقتها كانت الاستجابة لأن الوحيدة مدام ماغي ما ترددت و رحبت فيني و تلمذتني و رتبت ل معموديتي . نشكر الرب نلنا الخلاص من يومين و اتعمدنا انا و بناتي وصرنا أبناء للرب بنعمة ربنا و بفضل تعب إمنا ماغي معنا. و بتمنى انو ما حدى ينحرم من هالنعمة. بتمنى كل حدى عم يقرأ قصتي انو يقرأ الانجيل بتجرد و يبحث لحتى ينال الحياة الابدية. ما تضيعوا الوقت ابحثوا و اطلبوا من الرب إنو ينور طريقكم. ربنا يبارك حياتكم باسم الرب يسوع المسيح، آمين. بشكرك إمنا ماغي ع تعبك ربنا يبارك حياتك.
– أمية و عائلتها من سوريا
انا كنت انتمي للطائفة الدرزية، انا الغير مستحقة عرف الرب اني بحبه وعرف انه انا من جوا روحي بتدور على طريق الخلاص بس ما كنت بعرف انه هو المسيح والدين المسيحي مع انه كانت أفكاري عن هذا الدين انه كله خزعبلات (آسفي على هالكلام) بس هيك كنت فكر وكنت قول شو يعني مات ٣ ايام وقام ماكان في تطور بالطب ممكن هي كومة غاب عن الوعي من الوجع، بس اجاني رسالة من الرب عن طريق منام اجا لبنتي صرت دور بالنت بدي اعرف مين المسيح و المسيحية اول فيديو طلع لي تذكره ومستحيل انساه لانه الشعور لهذا الوقت صعب اوصفه كان عن مفاتيح البركات مع ماغي خزام وصرت غوص وعمق ببحر هالمعرفة مع إيمان كل يوم أكثر من الي قبله من حلقات الوصايا لحلقات المشاكل والأمراض و اللعنات و للحسد ووو الخ طلبت انظم للتلمذة مع إيمان انه هو الطريق والخلاص والشكر للرب تتلمذت وصرت جاهزة لكمل و اتعمد، طلبت من الرب اني اخلص انا وكل عائلتي مع انه جوزي مستحيل يقبل بس على الرب ما في شي مستحيل وهو فاحص الكلى والقلوب وتمت المعمودية وتم معها والشكر لرب شفاء عيون جوزي بسبب ضعف نظر كان معه ورجع يقشع متل الاول. المجد كل المجد للرب هللويا.
– حسين من سوريا
هكذا بدأت قصتي مع الرب يسوع رغم ولادتي في عائلة علوية تعتبر علي هو الرب وتقدس قبور حجر لشيوخ يسموهم أولياء
، إلى أنني كنت مرارا التجأ لرب أجهله باكيا طالبا منه أن يسمع صراخي ويدلني إلى طريق الحق ويرشدني إليه أنا الغريب ناجيت الرب وسمع صراخي رغم أنه أرسل الي العديد من الاشارات للوصول إليه ولكني كنت أجهلها ولكن لأن الرب أحبني لم يتخلى عني وأرسل لي أقوى إشاراته في هذا العصر و الزمان إشارة من ملاك أرسلها على الأرض لتتم ما بدأه الرسل وما أمر به الرب يسوع أن اذهبوا إلى جميع الأمم وعمدوهم باسم الأب والابن والروح القدس ف لبت هي النداء وبدأت تتحدث وتعرف الناس عن الرب يسوع ف تخيلو أنني من أول فديو أحضره لها شعرت بطاقة الروح بداخلها وقلت في نفسي يا رب هل هذه هي الإشارة ف أدخلني الشرير في تجربة ليبعدني عنها ولكن قلبي وشوقي للرب جعلته يؤكد لي أن هذه اشارته وأنه هو الرب يسوع وأن ماغي قديسة تنادي باسمه والروح التي شعرتها بداخلها وهي تتحدث هي الروح القدس ، بدأت رحلتي باكيا فرحا بمعرفة الرب الآب الحنون الذي أرسل ابنه ليصلب ويقوم حيا بعد 3 أيام ماحيا كل خطايا البشر واليوم كانت أجمل محطات رحلتي بأني تعمدت باسم الأب والابن والروح القدس وسأكمل رحلتي مع الرب إلى المنتهى وأكرس حياتي له و بدل حسين صار اسمي فادي .
– غسان من سوريا
انا عابر لنور الرب يسوع المسيح كنت فايت بالالحاد بعمق من عائلة مسلمة وكان عندي كتير افكار واسئلة عن الإله ما لقيت لها تفسير بالاسلام ولا بالقرآن وبعد ما تعسرت حياتي كتير من كل النواحي والدتي آمنت بالمسيح و تعمدت فقلت لازم اعرف الأديان التانية بركي بلاقي إجابات لأسئلتي وبلشت اقرأ بالانجيل صرت لاقي اجوبة ووالدتي تشرحلي كمان وبعدين صارت تظبط حياتي وعمل ربنا معي شغلات إعجازية ففهمت انه المسيحية هي الدين الحق فتواصلت مع امنا ماغي والاخوة يلي بكنيسة الرب ما قصروا تتلمذت وضلوا معي لتعمدت وكسبت الروح القدس والخلاص باسم ربنا يسوع المسيح وقبلت الرب يسوع المسيح ان يكون سيد على حياتي ومخلصي الوحيد.
– عبد الرحمن من سوريا
انا متل كل إنسان خلق بعائلة لها دين او طائفة معينة بس انا من الأشخاص يلي ما أخذت الدين عن قناعة بل كان تسليم من الأهل وخوف من عذاب الله . كان من بداية طفولتي عندي ميول للرب يسوع المسيح وكنت صدق انه ابن الله وانه صلب رغم التشويش يلي الموجود في المجتمعات العربية عن المسيح كنت حب المسيح من بداية طفولتي وكنت اتمنى كون مسيحي لكن بسبب الخوف من المجتمع والعائلة ماكنت اقدر احكي لكن اليوم انا انسان جديد مع يسوع المسيح للمنتهى و حذفت اسمي القديم و صار اسمي استفانوس.
– رفاه من سوريا
من وقت كنت صغيرة كنت دايما اسأل ابي مين هوي الله وكيف خلقنا وكان يجاوبني بطريقة تقنعني على قد عقلي بس وقت كبرت زادت كتير عندي الاسئلة وخاصة اني من أب علوي وأم مرشدية بس ماقدرت اقتنع بحدا وصرت قول ليش الرب كل فترة بيبعت ناس جداد وبغير صلواته واحكامه وليش الصلوات باطنية ليش مافي شريعة واضحة وصريحة فكفرت بكلشي ورحت للإلحاد لوقت ماربنا مهدلي الطريق وبدأت افهم الحقيقة من خلال فيديوهات إمنا ماغي الي جاوبني ربنا على كل اسألتي من خلالها وانه الرب واضح وصريح ومابيغير كلامه وكأنه عم يقلي أنا الرب الحقيقي ومو بس هيك هوي ابونا السماوي ووقتا ركعتله وبكيت بحرقة وحكيتله كل شي بقلبي وصار ربنا يتعامل معي وشفاني من المرض العصبي وحالات التوتر وكنت اخد مهدئات كتير بسبب الحالة السيئة الي كنت موصلة الها بس بفضل ربنا تغيرت كل حياتي ولمست الاله الحقيقي الرب يسوع المسيح الي فدانا وخلصنا بدمه
بسلمه كل حياتي وبشكره انه استردني بقبضة من حديد كل المجد لإلهنا ربي ومخلصي يسوع المسيح.
– مهران من سوريا
نشأت بالطائفة الدرزية وكنت شيخ وتعمقت بكتب الدين بس ما قتنعت لأن مالقيت صفات الرب يلي بعشقه، رجعت اخدت دروس دين عند السنة عند الشيخ عبد القادر و شفت كتير كفر ومفاهيم مقلوبة، فدرست عند الشيعة بحوزات و عشت حقد شيطاني فوصلت لأنه مافي دين كله كذب.
بهالوقت كنت كل فترة احلم اني عم شوف مسيحيين جايين ياخدوني عمكان كبير وحلو.
ومرة شفت بمنامي حدا عالصليب، وبعد فترة بالصدفة عم قلب باليوتيوب شفت فيديو لأمنا ماغي حبيت طريقة تعليمها و صرت تابعها ليوم حكت شي بيخص الدروز و تحركت النعرة عندي وعلقتلها بطريقة غضب ونمت وشفت نفس الشخص عالصليب فيقني وشفت أمنا ماغي وقلي ابنتي درب الخلاص، وصرت تابعها عطول وعرفت انه المسيح عم يدعيني و حبيت صير مسيحي وبمرة علقت مع شباب عم يسيئوا للمسيحيين فضربوني ٣ سكاكين وحدة منن كانت بضهري قاتلة وقعت عالأرض نشقت رئتي قمت قلت ياربي انا متت منشانك وانا بالأرض شفت ابيضت الدنيا بوجهي وشفت حدا مسك ايدي ووقفني وقلي انت حي وصحيت لقيت اللي ضربوني هربانين فاسعفت حالي عمستشفى الراضي و عملولي عملية وقلي الدكتور انت ربك بيحبك رئتك مليانة دم لازم انت تكون ميت.
و هون صار ايماني بربي يسوع المسيح مطلق وعرفت انو في دين وفي رب وفي كتاب مقدس و اليوم تعمدت والمجد لربنا يسوع مخلص لأمم وفادي البشر آمين.
– ريم من سوريا
كان عمري ٣٠ من أكتر من ٣ سنين لمًا تأكدت إنو حياتي لازم تاخد طريق تاني
وتأكدت إنو إحساسي كل حياتي إني بمكان غلط مو من فراغ
دخل المسيح عقلبي و أخده كله
ضليت سنتين دور و اسأل عن حدا يساعدني و يمسك بإيدي و يعلمني صح لما فوت بطريق غلط وما ضيع باقي عمري متل ما ضاع نصه الأولاني
طلبت من ربي يساعدني هو وفعلاً
طلع ڤيديو لأمنا ماغي خزام بدون مقدمات عندي عالفيس و أدمنت ساعات وأنا اسمعلها و أقرأ الكتاب المقدس
لحد ما تجرأت و بعتلها ومن لحظتها ما تركتني لحالي بنوب
بشكر الرب كل لحظة لأنو اختارني
هو اختارني بكل معنى الكلمة و سمع طلبي و رجائي وما تركني بنوب وما تخلى عني و وصلني بأمنا ماغي لتدلني أكتر عالطريق الصحيح
كل شي بحياتي تغير و روحي رجعت فرحت وكأني ولدت مرة تانية
بشكر ربنا وأمنا ماغي وكل الشباب والصبايا اللي معنا بالغروب و القسيس اللي عمدني و بدعي من قلبي يوقف ربنا مع كل ضال و يرجعه عالطريق الحق ليخلصن متل ما خلصني
هلق بقدر قول عن حالي عايشة فعلاً والنور دخل قلبي من لحظة قلت للمسيح لتكن مشيئتك .
– شادي من سوريا
أنا نشأت في بيئة إسلامية متشددة وكنت من عمر صغير خاف فكر وابكي وما اعرف لمين احكي الي جواتي، لوقت كبرت والحيرة بقيت مرافقتني لعمر ٣٠ لوقت تضخم الامر كتير ووصلت للشك وصرت ابحث كتير اسمع كتير وقصص الوحي و الاسراء والمعراج الي عم تنبنى عليه أجيال و هو مجرد اسقاط نجمي ومالو أي إثبات.
وصلت ليوم ع كتر التفكير نمت وانا بعرف بحياتي مافقت متذكر منام بشوفو
الا هالمرة شفت حلم وكان شخص حاملني وطاير ويطلب مني احمل حجر من بعيد لابني كنيسة وانا قلو انا ضعيف كتير مابقدر احمل هالقد وابكي وهو يشجعني ويقلي انت بتقدر وياخدني لبعيد احمل حجر وارجع معو نبني كنيسة كتير ضخمة
وفقت بعد هالمنام الي لليوم مابنساه ومستحيل اقدر انساه لانو كانت اشارة عظيمة لالي لحتى اعرف الإله الحقيقي واعرف انو الرب يسوع هو وحده مخلصي ومافي غيرو الإله الحق
من وقتا صرت كتير اسمع للام ماغي خزام لحتى نلت خلاصي وتعمدت والرب يسوع غير حياتي كتير.
– ناصر من سوريا
كيف شعورك بس تكون مربوط؟ مكبوت عنفسك..كرهان وغيران حاسد للأحسن منك؟؟ دراستك معصلجة؛ علاقتك مع أهلك فاترة. دينك بتمارسوا منشان يقولوا عنك منيح، مبرمج عليه مافي قدرة تخلي حدا يغير وجهة نظرك فيه..وفلان سيدنا وفلان نبينا وفلان شيخنا…حياة عبودية قذرة…
ليأتي النور على هيئة بشر (ماغي خزام) تحضرلا فيديو لأول مرة وتقول لحالك: شو عم تخبص هي؟؟
تحضر التاني وتقول فيها وجهة نظر .. تحضر التالت .. الرابع لتعرف إنو أنت شخص عبد عايش بجحيم أرضي.. ويا محلاه…جاييك جحيم سماوي
عرفت الرب منها..ضليت شاكك.. جربت ناديتلو ..لباني ..صليتلو رد عليي.كل شي في عقد صارت تتحلحل . جربت العشور.. ارتحت مادياً من لاااا شيء
قرأت الكتاب المقدس ..
قويت معد تأثرت نجحت وعليت وحسيت شو يعني تكون (((إبن للرب))) شو يعني تحب الكل تتمنى الخير للكل
وهلق اي تعليق سلبي..رح أضحك عليه عقد ما رح ازعل عصاحبو
شكراً إمنا ماغي يلي عرفتينا عالرب .. الرب يبارك حياتك وعيلتك الحلوة متلك.
– سامر من سوريا
أنا كشخص مسلم الولادة فهمونا انو القرآن آخر الكتب السماوية بس أنا دائما كنت شك أنو يكون القرآن كلام رباني لكثرة آيات القتل فيه وخاصة انو الاسلام بيضم خمس طوائف خلافهن دموي بحت بسبب القرآن وتعاليمه وكله بيقتل بعضه تحت مايسمى الجهاد..
بأحدى المرات شفت بالصدفة فيديو لإعلامية سورية اسمها ماغي خزام لابعرفا ولا بتعرفني فهي الاعلامية قرأت أية انو احزروا من الانبياء الكذبة رح يضلوكن وبهي الآية أكدتلي انو فعلا القرآن من صنع يد بشرية فصار كل وقتي متابع الها وضليت معها لحتى كانت سبب بخلاصي ولدتني روحياً وعن طريقها أمنت بيسوع الملك و تتلمذت عندها و تعمدت وقبلت عطية الروح القدس وعرفت انو الرب الإله محبة وليس ماكر وانا بنصح كل مسلم يدور ع الحقيقة منيح وبقلو انو الرب لايعذب من يشاء ويذل من يشاء الرب مانو مزاجي.
و ربنا يهدي الكل لطريق الحق مثل ما هداني .
– لميس من سوريا
انا بنت عانيت كتير بطفولتي من لما وعيت عهالدنيا ، من مس وأمور شيطانية تسلطت عليي بسبب حجابات ورقيات شرعية وتلاوة قرآن عليي طول الوقت كرمال انشفى بالقرآن بس كان الوضع يزيد بدل ما يروح .. تحولت حياتي لكابوس ،كنت طفلة اقصى احلامها انها تقدر تنام ، صرت اسأل حالي ليش ما عم انشفى بكلام ربنا ! ليش لما عم اسمع قرآن عم حسو كلام شيطاني وعم ضل شوف كوابيس وأمور رهيبة! ضل ملاحقني لكبرت تعبت كتير من الموضوع وكانت هي اول خطوة الي لحتى بلش اوعى انو هالدين مو مزبوط دورت واتأكدت ووصلت لأول طريق الإلحاد بس في شي بقلبي بقلي لا أكيد في رب .. بليلة ما بنساها دعيت للرب يلي لسا ما بعرفو وقلتلو انا بعرف انك موجود بس ماعم بعرف الطريق الك عرفني انت طريقك يارب ..فوراً مسكت جوالي فتحت اليوتيوب وكلنا منعرف انو اليوتيوب بيعرضلك الشغلات يلي بتبحث عنها عادةً ،وانا بحياتي مابحثت عن المسيحية او المسيح .. وإذ بلاقي كلشي فيديوهات انعرضتلي عن المسيح ، ومن بيناتها فيديوهات لامنا ماغي يلي بلشت احضرها واتعلم منها ، كان في فيلم اسمو “آلام المسيح” اجاني فضول كبير احضره فحضرتو ، من أول لحظة لآخر لحظة ودموعي ما نشفت عم ببكي مابعرف ليش ولشو بس في شي لمس قلبي وكأنو أنا خلص وصلت للشي يلي بدي ياه بعد تعب كبير ، بعديها نمت شفت منام الرب يسوع عم يقلي “أنا هو ، أنا شافيكي “.. ومن وقتا انشفيت تماماً من كل شي ، وصرت إنسانة تانية بتليق لتكون بنت للرب يلي دعاها . بأي موضوع بنده وبقول يا يسوع فوراً بينحل ، هو ماسك ايدي عطول ، وتعمدت و ملّى حياتي بركات .. هو الاله الحي ،المجد لأسمك يارب.
– علا من سوريا
بدأت قصتي بعمر 10 سنوات أو يمكن أقل بسنة ماكنت بعرف شي عن الأديان بشوف بمنامي بوقتا المسيح ماكنت بعرف عنو شي حكيت المنام لأمي قالتلي هاد النبي عيسى ابن مريم وبس .
شفتو نايم بتختي وكلو جروح من أثر الصلب بوقتا ما كنت بعرف انو بالاسلام أنكرو موضوع الصلب والفداء ،طلب مني كاسة ماء رحت عل المطبخ بدي جبلو بس ماطلت لا الكاسة ولا الحنفية رحت لعندو قلتلو انو ما بطول قلي مشي الحال شربتيني وكنت عم ضمضلو جروحو من الأقدام بس وأثر الصلب واضح وكنت أكد لأهلي انو تم صلبو وما كنت صدق الرواية الاسلامية لانو كانت رؤيا واضحة مضت الأيام وقت صار عمري 25 سنة برجع بشوف بمنامي ربنا واقف بنص البحر وكان البحر هايج والجو ماطر وبرق ورعد بمدلي ايدو متل كأنو عم يدعيني بالايمان في وأنا دغري تذكرت المنام القديم بوقت طفولتي ومشيت بالطريق الصح مانكرت الصلب وآمنت بالفداء وصرت اقرأ وكل مالو ايماني يكبر ويزيد صرت فوت كنائس حتى اتعلم أكتر بس ماكنت استفيد شي لحتى اجاني الهدى وتعرفت على أمنا ماغي اللي عن طريقا تلمذت وكان خلاصي بفضلا بعد ما تلمذت وعرفت كلشي كان نفسي اتعلمو عن طريق الكنائس، وتعمدت على اسم ربنا يسوع اللي دعاني بشكل واضح وهداني على طريق الخلاص وكل يوم بدعي ينتشر الهدى وكل الناس تعرف الطريق الصح تعرف الآب اللي بعت ابنو ليفدي البشرية.
– مرام من سوريا
أول مرة حضرت فيها امنا ماغي لفتني وقت قالت من ثمارهم تعرفونهم..
صرت تابعها بشكل مستمر وبشكل حيادي لأنني بوقتها كنت موصلة لعدم الأيمان بأي شي وكنت قريبة جدا من الالحاد..وهاد الشي بسبب التناقض الكبير بديانتي السابقة ..
لما قريت الانجيل لقيتو كتاب رائع وواضح للفهم وكل شي فيه محكم وبالرغم من هيك هو سلس وبيتطبق بكل العصور والازمنة.. بدون ما يكون فيه ايات ملغومة و بتحمل 100 وجه وتفسير.. كتاب غير مضلل ..كتاب واضح هو فعلا عبارة عن نور بالحياة .. و بدي قول شغلة مهمة انه الاعجاز الحقيقي هو أنه يكون عندك كتاب بالسلاسة وهالوضوح يكون طريقك لتمشي عليه بكل زمان.. اما التعجيز وقمة الظلم والمكر هو انه أمة كاملة تستمر لنهاية هالحياة وهي مختلفة وعم تتخبط على تفسير ايات بكتاب متعدد الأوجه.. وبتمنى من ربنا يلي فتح عيوني ونور قلبي يكمل معي للمنتهى.. تتلمذت و تعمدت و تخلصت ومخلصي يسوع يلي كل الامم بتشهدله وناطرته حتى غير المسيحيين.
– مايا من سوريا
انا كنت مسلمة سنية بس من انا وصغيرة بحس في شغلات غلط بهالدين وطقوس فكنت بعيدة عنه ومو مقتنعة بس اهلي متشددين شوي وخلوني اتحجب اجباري او بيخلوني اترك دراستي فتحجبت وصرت اكره حالي كتير وكل ما تعمقت بالدين اكرهه اكتر قد مافي قتل وشغلات متناقضة واهانة مرأة وعبودية وكذب.
فقررت اتزوج واحد اكبر مني ب٣٠ سنة لأخلص من اهلي
لوقت اختي قالتلي انو تعمدت وصارت تقلي شوف فيديوهات امنا ماغي، شفتن وتعلقت فيكي وبأسلوبك وصرت اتعلق برب السلام يسوع المسيح مخلصنا الحقيقي الوحيد واعشقو وصرت اتعمق اكتر واكتر لأكتشفت انو كنا بمجرد حفرة مظلمة وسخة وانتي دليتينا عطريق الخلاص المنير الرب يسوع يلي مع اسمه مابخيب شي ولا بيصعب شي ومن لما آمنت في صار في راحة نفسية بقلبي، وحياتي بلشت تتحسن لوقت ما تعمدت وانتقلت من كوني عبدة الى ابنة للرب.
بشكر ربنا يسوع وبشكرك امنا ماغي ع تعبك معنا.
– رنيم من سوريا
أنا رنيم عمري ١٨ سنة من خلفية إسلامية كبرت بعيلة متشددة جداً شيوخ متل ما بيقولو بيطلعو جن ومن جماعة الرقيات، كنت حب المسيح وعندي فضول اعرف اكتر بس للأسف شوهو صورته حكولي انه عند المسيحيين مات ع الصليب وبيعبدو ثلاثة وغيرو من هالحكي.
قبل سنتين تعرفت عأصدقاء مسيحين وبلشنا نتناقش بأمور دينية و شفت حبهن للرب حب عظيم فزعلت عليهن وقلت هن بطريق الغلط لازم انا أخبرهم انو دينهن محرف، فتحت عالنت شفت كذا قسيس وشفت ماغي خزام سمعتها وصرت سكر الفيديو حكيها كان ضربة ورا ضربة عليي، كنت قول مو معقول رجعت شفت منام اني بكنيسة وناس عم يصلو فقت قلت يمكن مكان عادي و رجعت تابع فيديوهاتها قلت اكيد معلوماتها غلط رح افتح الكتاب المقدس بتكون عم تزت حكي لتنصر دينها وفعلاً بعد ما بلشت اقرأ بالكتاب فتت بحالة من البكي وبلشت من العهد القديم للجديد لشوف اذا حكيها صح وقتها آمنت وقلت يارب انا سلمتك حياتي ومعي اختي الصغيرة عمرها ١٣ سنة كمان عم علمها وأعطيتها الكتاب المقدس تقرأ فيه و دخلت لعند امنا ماغي عالفيسبوك و تتلمذت عندها ومبارح كانت معموديتي وبصلي لربنا ييسر معمودية إختي كمان. بعرف اني طولت الحكي ولسا في كتير تجارب مريت فيها وكان كل مرة ربنا ينجيني منها كنت ما بآمن بالمعجزات بس كل مرة معجزة كانت اكبر وأعظم من تانية نشكر ربنا عكل شي وبطلب من ربنا يفتح وينور عقول وقلوب الكل.
– منار من سوريا
انا نشأت من طائفة إسلامية سرية يعني بس رجال الدين بيعرفو شو فيها.. المهم من شي ٣ سنين عم قلّب باليوتيوب واذا بتطلعلي الاعلامية ماغي خزام بحضرلا فيديو ما بتعحبني بسبب التعصب الأعمى يلي عندي لدين مابعرف شو فيه.. مرة تاني عم افتح اليوتيوب اذا بيطلعلي فيديو للست ماغي خزام ماكنت بدي افتحو بس في صوت جواي كان عم يدفشني لحتى احضرلا.. مرة من الأيام فتحت كتاب طائفتي السري لحتى اعرف شو فيه.. واذا بتفاجأ بأيات تكفير الاديان الأخرى والشتائم والقتل.. قلت مستحيل هذا يكون كلام الله.. وتذكرت وقتا انو المسيحية كلا محبة وسلام وهدفها واضح … المهم من وقتا صرت اتعمق بالدين المسيحي اكتر واكتر لحتى فهمتو منيح وبعدا اتطور الموضوع لحتى وصل لمرحلة الإيمان بالعقيدة المسيحية وكنت اطلب مساعدة السيد المسيح وكان عطول بيستجيبلي ويريحني من جوا حتى وقت المعمودية طلبت منو مساعدتو سمعت صوت جواتي عم يقلي احكي مع ماغي خزام المهم الست ماغي ماقصرت.. تلمذتني لحتى تعمدت.. هديك اللحظة كانت أجمل لحظة عشتها بحياتي كلها.. حسيت بالروح القدس هبّ بقلبي متل النار.. بتمنى من كل الناس غير مسيحيين انو يفتحو قلبن للمسيح لانو رح يلاقو تحسّن جذري بحياتن ومن المسيحيين يتمسكو بالمسيح لآخر نفس بحياتن .. سلام ونعمة للجميع.
– ملاك من سوريا
انا كنت مسلمة عايشة بظلمة وكان في ألف سؤال براسي عن الدين الإسلامي وخاصة عن الصيام والصلاة لان كنت حس انهم تعذيب جسدي ونفسي وكالعادة ممنوع نسأل لأن حرام. أجيت على ألمانيا وشفت الناس هون كيف عايشين بسلام ومحبة مو موجودة ببلادنا العربية وصرت أسال حالي ليش ؟
أختي بتابع أمنا ماغي وأتعرفت عالمسيح وأتعمدت قبلي وصارت تحكيلي عن الرب يسوع المسيح وتبعتلي فيديوهات لأمنا ماغي وهيك فيديو ورا التاني وكلما يخطر ببالي سؤال افتح فيديو من فيديوهات أمنا ماغي لاقي الجواب وأكتر فيديو أثر فيني هو الفرق بين المسيح يسوع وعيسى وبعدما اتعمدت صرت حس بسلام كتير وحياتي صارت للأحسن شغلي نفسيتي وتعاملي مع الناس صرت بدي أعمل الشغلات يلي بتقربني من الرب يسوع المسيح وبعدها شفت فيديو لأمنا إنه بتلمذ عابرين وتواصلت معها وبشكر ربنا وبشكر أمنا ماغي أني هلق مع الأخوة بكنيسة الرب وربنا يثبتنا جميعاً للمنتهى لوقت مجيئه.
– محمد من سوريا
أنا من خلفية إسلامية معتدلة وبيئة طيبة بس من أنا وصغير كان عندي إشارات استفهام عالدين الاسلامي … كان في شي ما يفوت بعقلي مثلا انو آيات التهديد والوعيد والعذاب والنار .. قول لحالي معقول الله بيحب هالقصص يعذب العالم ويحرقهن ويشويهن معقول في مسلخ فوق معقول؟، ما كان يفوت براسي هالحكي وفي كمان كتير تناقضات اذا بدنا نحكي فيها ما بنخلص. وبعدها ما تبعت أي دين لأن ما بقى عندي قناعة …
مرة كنت عم ابحث بالفيس طلعلي مقطع فيديو لأمنا ماغي حضرتو حبيت الرحمة و الإنسانية لمست شي من الرب الإله انو فعلاً ما في شي عبثي والرب بيحب ابنائه بيكون معهن وبيساعدهن.
بصراحة أنا من الأشخاص يلي صعب اقتنع بفكرة لمجرد حدا قالها، صرت دور عالحقيقة وشفتها بفضل الرب، الرب يلي خلق عالعالم وهالبشر هوي رب عظيم رب خير ومحبة وسلام وراحة رب فعلاً قريب بدون أي تهديد ووعيد.
حبيت إنو أي سؤال بينطرح بيتناقش بطريقة حضارية وألو جواب منطقي.
بشكر الرب يسوع يلي قبلني و تتلمذت و تعمدت و انا اليوم مسيحي.
– آراس من سوريا
أنا من صغري كنت خاف من الموت وشو في بعد الموت، كنت اقرأ القرآن وأصلي وأصوم بس كل مالو حياتي لأبشع.
صار عمري ٣٣ ماقدرت كمل جامعتي فشلت وماتزوجت وحياة مشاكل على طول ومرض
فرحت عالشيوخ ليقرولي لينفتح نصيبي تزوجت بعمر 33 و حبلت 3مرات ومل مرة كنت روح عشيوخ ليصلولي احبل و اجهضت بالمرات الثلاثة وتطلقت وصار الحرب بعفرين وراح بيتنا .
سكنت مع بيت عمي ووقتها رجعت دور عشيوخ يساعدوني، حط الرب بطريقي وحدة بعرفها من بعيد اتصلت فيها لأنها مرشدة اجتماعية و قلت لها عن مشاكلي فقالت لي: ادعي الرب يسوع و كبي الحجبات. بهالفترة مرضت ماما و توفت.
طلبت الرب وقعدت دور عليه، كان معي بكل خطوة وعزاني ورجعنا بيتنا من الأتراك وما بعرف كيف طلع لي فيديو من فيديوهات أمنا ماغي وتابعت سنتين كنت عم حاول اتواصل معها والرب ساعدني ووصلت و سافرت و بتركيا الرب يسر معموديتي بالمي و رجعت سافرت أثينا وهون عمدتني أمي ماغي بالروح القدس.
– نيرمين من سوريا
انا من خلفيه مسلمة بس دائماً من أنا وصغيرة كنت ١٣ سنه وقت كنت اتمنى كون متل رفقاتي مسيحية كنت وقت روح معون ع الكنيسة حس بشعور غير وبديت دور إنه شو الفرق وليه نحنا ماعنا هاد شعور شي جواك بحسسك إنك قريب من ربنا شي بقربك وبحببك بربنا مابخوفك منو حاولت اسأل حتى المسيحية كيف بقدر صير مسيحية كلهن رفضوا هاد شي قال مابصير لوقت ماشفت صور ع صفحة ناس متعمدين وفي ناس عم تباركلهن بلشت اقرأ لقيت صفحه الأم ماغي تواصلت معهن وفعلا رحبوا فيي حسسوني انو الحلم صار واقع وفعلا الحلم صار واقع تتلمذت و تعمدت وصرت مسيحية
شكراً إلك أمنا ماغي شكراً الك من القلب انت عطيتيني ولادة جديدة وحياة جديدة أنا ممنونة إلك لكل العمر.
– رهف من سوريا
انا وبعمر صغير كنت كتير حب اتعرف ع الدين المسيحي و حسو قريب على قلبي بس بنفس الوقت كتير يخوفونا و يقلولنا الكتاب المقدس محرّف و بس ديننا الاسلامي هوي الصح و انا اتفاجئ كلو آيات قتل و ترهيب و بس اقرأ قرآن اتضايق. و بس صرت بالجامعة بالسنة التانية كان عندي صديق و كنا نحكي بقصص السفر بدنا نسافر.
بالفترة هي انا كان في كتير امور تاعبتني و صرت فكر انتحر و امسك المسدس و بس ناقص اكبس عليه و صلي و ادعي باسم محمد و رب الاسلام و اتعب اكتر، وقتا سألني اذا جربت شي اقرأ بالكتاب المقدس قلتلو لا. قلي جربي قلتلو ماشي و طنشت رجع خبرني انو تابع فيديوهات امنا ماغي خزام انا كنت اسمع باسمها بالإذاعة من زمان و انا عمري صغير قلتلو شو بتنشر خبرني عن الكتاب المقدس كمان طنشت شهرين، بالأخير فتت ع فيديو من فيديوهاتها و قلت أول شي أنا شو عم اعمل و صرت تابع فيديو ورا فيديو وبعدا انشديت كتير و حبيتها كتير لدرجة ما بتنوصف حسيتها متل الملاك يلي عم يشدني للطريق الصح و صرت صلي ليسوع و كتير ارتحت و شلت فكرة الانتحار من راسي قلي في غروبات تلمذة عم تعملها امنا ماغي قلتلو يحاكيها مشان اتتلمذ ع ايدها و اتلمذت و تعمدت و هلأ انا بفتخر اني نتقلت من الدين الغلط و العبودية للدين الصح الحقيقي بفتخر اني من اولاد الرب و كانت امنا ماغي سبب لإني نشديت للرب يسوع كانت متل الحبل يلي شدني و رفعني من الظلمة لنور المسيح. و اكتر شي بفرح فيه انو حتى اختي بعد فترة اتلمذت ع ايدين امنا ماغي و تعمدت و بتمنى اني اقدر و كون سبب حتى شد كل عيلتي للرب يسوع ليعرفو المعنى الحقيقي لآية “ذوقوا و انظروا ما أطيب الرب”. بدعي كل الناس انها تفكر بعقلانية لمرة وحدة بس يجربوا و رح يعرفوا انو ربنا يسوع هو الرب الإله الحقيقي هو الطريق و الحق و الحياة. و يكسبوا الملكوت و يثبتوا للمنتهى.
– وفيقة وعائلتها من سوريا
أنا كنت عايشة بلا أم ولا أب كانوا متوفين من أنا وصغيرة وخالتي مرت أبي هي سبب زواجي، كان زوجي يضربني ويجوعني ما يشتغل عندي بنت اسمها أليسار، كان يضربني وشوهني من كتر الضرب. كنت كل يوم اندر شي خروف وشي فروج بس لأخلص منه.
ومرة كنت ماشية بطريق بيجي شخص لعندي بيقلي شبكي؟ قلتلو أنا ما في رب شو ذنبي لعيش بدون أب أو أم تجوزت إجباري لشخص بيضربني و هلق قلعني و ماعندي محل روح عليه جسمي أزرق من الضرب وفقر كنت طالعة بشحاطة صيفة وبرد وحاملة بنتي عمرها سنة عحضني مامعي طعميها ولا فيني آخدها عدكتور بنص ليل لو كان الله موجود ماكان صار فيني هيك قلتله مافي الله أنا تعبت الله مانو موجود الله كذبة. فصار هالشخص يحكيلي عن يسوع انو بحبنا بس انا هون خفت لأنو بيتي كان كله سحر وحجابات صرت كل مايجي اسم يسوع ارجف من الخوف وشوي شوي صرت حب أعرف عن يسوع هيك لمرضت ماخليت دكتور ولا مستشفى كان فيني وجع كبير باسفل بطني و ما حدا يفهم شوبني
آخر شي صرت اصرخ وانا عم ابكي بحرقة: يايسوع اذا إنت موجود ليش هيك تاركني موجوعة أنا بنتك ونمت أنا عم ابكي فإجاني بالمنام قلي حطي ايدك عالوجع حطيت ايدي حط ايده عجنبي ومابنسى هالحضن كان أجمل حضن أحن حضن مابنساه بعمري ومن هداك اليوم ماعاد حسيت بالوجع وهبت حياتي ليسوع هو كل شي هو حياتي هو أبي وأمي وأخي هو كل حياتي .. بعدها زوجي مات بالحرب و تزوجت بلال و صار عندي منه ٣ بنات غير اليسار و اليوم 25 ايلول 2021 تعمدت انا و اليسار و زوجي و اخي و بناتي الثلاثة الصغار و نلت الخلاص أنا و كل عيلتي.
– آلاء من سوريا
اسمي آلاء عمري ٢٧ كنت مسلمة آمنت بالمسيح وتعمدت من يومين على اسم الآب والإبن والروح القدس وكأني خلقت من أول وجديد وبعتبر هاليوم احلى يوم بحياتي.
قصتي باختصار ولدت ببيئة متشددة كتير وانفرض عليي كلشي، من أنا وصغيرة مابعرف شي إلا حرام وبروح عالنار. لما كبرت عشت ٧سنين من حياتي كان أصعب شي مرق عليي من إهانات وذل وأوقات كتير وصلت لموت وديما ادعي إله الإسلام ومافي أي إستجابة وقول ليش طالما أنا مظلومة ماعم يسمعني؟ هيك لحتى تعرفت عشخص خلاني حب الإله وعرفني ع امنا ماغي صرت تابع الفيديوهات وكتير أوقات ابكي ماعرفت شو اعمل صرت روح كل يوم لقدام الكنيسة وادعي الرب ومستحيل ارجع عالبيت ويردني خايبة وكل يوم صار تعلقي أكبر وصرت حس براحه جواتي وهلق بشكر الرب لأن هداني و تعمدت وبشكر أمنا ماغي يلي عم تتعب معنا وبشكر الشخص يلي كان سبب بخلاصي.
– عدنان من سوريا
انا شب متل أي شب عايش ببيئة مسلمة ونتيجة هي البيئة الحدت من عمر صغير لانو ما كنت اقتنع بتصرفات المسلمين ولا بأفكارهم كلشي ممنوع تسأل عنو وحرام تسأل وتعارض الدين كنت شوفون بيصلوا وعاملين حالون متدينين وهنن بالحقيقة بينصبوا على بعض وبيغلطوا مع بعض وبياكلوا حرام وبيسكروا من تحت لتحت.
من وجهة نظري كنت قول مستحيل يكون رب خالق الكون كله يقول للعالم تقتل بعضا!
نص القرآن غزوات وقتل وحرب ودم كنت قول شو هاد الرب يلي بحرم أصغر الأمور متل أكل لحم الخنزير ومحلل قتل الانسان بس لانه مو مسلم وضليت عايش بالالحاد ليوم والدتي حكت معي عن الإيمان المسيحي والدتي كمان عابرة ومتعمدة انا ما كنت ركز بكلامها كان الإلحاد مسيطر علي ليوم بعتتلي فيديو لامنا ماغي خزام انا ما كنت بعرفا وشفتا عم تحكي عن الصلاة وشفتا عم تبكي استغربت وقلت شو هاد الايمان لبخلينا نبكي ورجعت حضرت الحلقة من الاول شدتني كلمة انو الرب بحبك الرب ناطرك ومن يوما صرت تابع كل حلقات امنا وصرت اقرأ بالكتاب المقدس ليوم سمعت امنا عم تقول جربوا اطلبو من الرب بتلاقوه وبنفس الليلة سكرت باب غرفتي وصرت قول يارب اذا انا غلط وانت موجود اثبتلي حالك وتأتي يوم بسمع صوت بأدني عم يقول كمل بالطريق يلي انت فيه وانا معك للخلاص وفعلاً تواصلت مع أمنا ماغي وتلمذتني لشهور تعبت معنا وكأنو نحنا ولادها و تعمدت و بلش عمل ربنا تغيرت حياتي كلها من شب عاطل عن العمل ومهموم لحياة مليئة بالسعادة والشغل والتطور بشكر ربنا انو قبلني كون ابن وعطاني نعمة الخلاص بدمه وطهرني من كل خطيئة وعطاني اخواتي بكنيسة الرب إخوة بالمسيح إخوة حقيقيين منحب بعض بمحبة المسيح.
– جيهان من سوريا
انا كنت ايزيدية وكنت ضايعة ما بعرف شو بدي ولما احتل الأتراك عفرين جينا على حلب لانو خفنا انو يصير فينا متل ما صار بإيزيدي شنغال ورحت على كنيسة لادعي للرب وهنيك قرأت بكتاب عن انو المسيح ابن الله وتعرفت اكتر على المعتقد المسيحي بس كنت مترددة وكان عندي أسئلة كتير فشفت فيديوهات الاخت ماغي خزام كأنها كانت تعرف اسئلتي وتجاوبني وعرفت انو اذا ما اتعمدت ما رح ادخل الملكوت وشفت كل فيديوهاتها ونزلت الكتاب المقدس على تليفوني وبلشت اقرأ الاناجيل و تتلمذت عند أمنا ماغي وصارت معي معجزات كتيرة بس جوزي ما قبل انو اتعمد وركعت وصليت لربنا وبشكروا استجاب وجوزي اللي كان بده يطلقني اذا بتعمد حضر معموديتي وصورلي فيديو المعمودية لانو صار يشوف انه الرب معي وشاف المعجزات الي عم تحصل.
– نور وبناتها الثلاثة من سوريا
اخ عابر حكا قدامي انه ترك الاسلام وصار مسيحي تفاجئت من هالكلام وصار يحكيلي كتير عن يسوع لحتى وصلت بمحبة يسوع لمرحلة العشق بس كان يضل عندي خوف انه اذا صرت مسيحية رح يقام عليي حد الردة لهيك قررت خلي محبته بقلبي وبيوم من الايام اجاني خبر وفاة اخي انهرت وقعدت ابكي وعاتب ربنا وقله بكل مرة كنت قلك كرمال حبيبك محمد ساعدني ما ترد عليي هالمرة رح قلك كرمال ابنك يسوع مو هو اله المستحيلات؟ مو هو يحيي الاموات؟ خليه يحييلي أخي وأبكي واصرخ يا يسوع فجأة شفت يسوع قبالي وحط ايده عراسي وقلي انا معك ما تخافي صرت ابكي اكتر وقله سامحني لانه الي ٣٣سنة بعبد اله غيرك وانت من اول مرة طلبتك لبيتني وكنت معي وهون بلش ايماني بالرب يسوع ومريت باختبارات كتير وكانت يد الرب واضحة فيها منها مرض بنتي وشفائها المستحيل والرب لمسها ورجعها لحضني سالمة لأخدت القرار و تتلمذت عند أمنا ماغي و تعمدت اليوم بتاريخ 25 ايلول 2021 أنا و بناتي الثلاثة.
– ناتالي من سوريا
انا من خلفية علوية,عانيت كل عمري من الضياع كبنت من هالطائفة مامطلوب منها اي شي إيماني غير انها راح تكبر وتتزوج لتكون عبور للاطفال يلي هنن “ارواح متقمصة” للأجساد,و طبعا متل الإسلام بيعتبروا مرور المرأة من أمام المصلين تنجيس للصلاة, ممنوع تحضر الإناث صلاة الرجال ممنوع تقرأ كتاب الايمان الخاص فيهن ممنوع تسأل عن أي سؤال إيماني,مهمتها كمؤمنة بتبدأ وبتخلص بالحمل والإنجاب فقط, بسبب حبي للرب وفضولي إني أتعرف عليه فتحت هالكتاب ( الدستور ) وقرأته واكتشفت انه الكلام طلاسم وأسماء موتى بصياغة لغوية أشبه بالتعاويذ، انتقلت بعدها لأتعرف على الرب بالقرآن وهون بدأت رحلة مريرة من الألم والمرض والتعاسة واللعنات,انصدمت بالتكرار الممل والأخطاء العلمية,الإباحية بوصف الجنة,انصدمت بقيمتي كمؤمنة عالأرض وكمان بالسماء مجرد سلعة تافهة للضرب والخدمة والمتعة,,بالنهاية استوعبت انه هدا كتاب تعجيز إباحي محدود مو كتاب إعجاز من الرب قطعاً.
صليت كتير للرب يدلني عليه، كنت اعتبر يسوع المسيح معلم وسيد ونبي لحد ما شفت فيديو للأم ماغي عن آدم انه مو اول انسان عالأرض, جذبتني لاتعرف عالكتاب المقدس, بلشت من سنتين ونص احضر بشكل منظم قناة fmc world ,حمّلت الكتاب المقدس من الموقع وبلشت اقرأ المزامير وسفر التكوين وانجيل متى بالبداية وكنت بحالة فرح وحزن وندم كيف كانت هالمعرفة مخبية عني كل الوقت ؟ كيف بيقدر الشيطان يزور بهالشكل ؟تتلمذت وتعمدت بفضل هالانسانة يلي بعتها الرب لكتيرين بيحبوه بالفطرة بس عميان بالبصيرة ومكبلين بالاكاذيب لتعرفهم على رب الحياة وبشكر ربنا اليوم نلت شرف المعمودية والولادة الجديدة من فوق، عقبال كل إنسان عهالادأرض ينال السلام يلي تركلنا اياه الرب يسوع المسيح واكدلنا انه بيعجز كل العالم يمنحنا اياه.
– نورما من سوريا
نشأت ببيت كله لعنات وأمور مخالفة للرب.. أقرب الناس بيشتغلوا بالسحر و الكتيبة وبسبب الحسد شربّوني أشياء بالقهوة من ضمن هالأشياء في زرنيخ وبلشت عندي أمراض جسدية ونفسية وحاربونا جماعة السحر بوالدي كتير بس لأن ماما ربتنا عمحبة الرب وعالخير ضليت صلي سواء بكتاب الحكمة او بالقرآن بس كان يزيد تعبي، كنت شوف شي عم استفرغ رجلين دجاج و اشياء بشعة واوقع بالخط ( امور شعوذات مخيفة ) المهم ضليت صوم وصلي للرب وقلو ليش كاتب عليي هيك، لمرة كنت تعبانة وشفت باب من السما بنجومها انفتح وطلع لي المسيح ابتسملي وضحكتله وبعدها بتطلعلي فيديوهات أمنا ماغي عن الثالوث المقدس ولماذا كان ينبغي أن يصلب؟ وقريت من الكتاب المقدس وصمت وصليت ليسوع وقلتلو بوعدك ان شفيتني بوعدك اتعمد وكون بنت لالك، تواصلت مع امنا ماغي و تتلمذت وتعمدت .. المجد لاسمه القدوس.
– مروة من سوريا
في البداية كان متلي متل كل لناس يلي خلقو بعائلة مسلمة، أعجبت بشاب مؤمن مسيحي لفتني السلام والنقاء الجواتو وما خبرتو، صار عندي حب الاطلاع بس حاطة براسي انو شو ما يصير مستحيل فكر انو غير ديني هون أنا حبيت اتعرف عالمسيحية بشكل عام وطلعت قدامي أمنا ماغي بعد ما سمعتا اكتشفت أنه المسيحية بتختلف عن الأقوال الّي كنت اسمعها انهم شاربو خمر ومشركين وكفار وما شابه، ومع مرور الوقت صرت اعتبر الشب الّي انعجبت في متل أخ بالنسبة إلي وآخر اهتماماتي، بس بلشت حب يسوع وحسو مخلص عنجد وحسيت بقوة عم تشدني ويسوع لمس قلبي وكأنه استخدم اعجابي بالشب المسيحي ليجيبني يسوع لعنده و لحبه إلو ، هون صار خوف و تضارب جواتي انو معقول الشيطان عم بيجملي المسيح ؟ المهم بكل منطق لأول مرة بحياتي قررت حط قدسية حبي للإسلام على جنب واقرأ بالكتاب المقدس وقد ما كنت اقرأ ما أرتوي حس كلام واقعي حلو عقلاني منطقي وطلع الكتاب المقدس هو الحب الي عم دور عليه من سنين، كان المسيح عم يقرع على الباب فتحتلو دخل وجلس معي و بعد ما عرفت الحق، حررني. تعرضت لمحاربة من قبل الشيطان بحوادث مميتة و كان عطول يسوع ينجيني كأن عم بيقلي ما رح تموتي قبل ما تخلصي. واليوم انولدت من جديد وأنا بعتبر حالي عمري ساعات بس لأن من ساعات قليلة تعمدت
يا رب خلص أهلنا وخلص العالم أجمع.
– فاتن من سوريا
اسمي الجديد تقلا بعد المعمودية من خلفية درزية
محبتي للكنيسة والراحة النفسية والسلام الي كنت اشعر فيهم كل ما مريت من امام الكنيسة الي ما كنت أعرف عنها شي غير إنها مكان عبادة للأخوة المسيحين خلتني ابحث كتير وفتش ولكن كتير اسئلة كانت تراودني ما لاقيلها أجوبة تقنعني وبيوم بالصدفة شفت فيديو للمدام ماغي خزام ع الفيس الي ما كنت بعرفها ولا سامعة عنها والفيديو ما كان في شي بخص الايمان والدين كان بيحكي عن وضع سوريا فضولي خلاني أدخل لصفحتها وهون بلشت لاقي أجوبة للأسئلة الي بقيت سنين ابحث عنها وعرفت إنه مش فضولي خلاني ادخل عالصفحة هو ترتيب ربنا الي لحياة جديدة مع الإله الحقيقي وانتقال من الظلمة للنور بشكر ربنا وبشكر المدام ماغي ع تعبها معنا وبصلي للكل ربنا يفتح بصرهم وبصيرتهم لمعرفة طريق الحق.
– مجد من سوريا
أنا من خلفية درزية و عنا ممنوع الواحد يعرف شو في بدينه غير ليستلم دينه يعني يصير رجل متدين وانا هاد شي ما كان عاجبني ابداً
بحثت بالدين الدرزي لقيته غير منطقي لأكثر من سبب، أحد هي الأسباب فكرة التقمص ولهيك بلشت ابحث عن الرب برحلة طويلة شفت وبحثت على أكثر من دين لشوف شو هالأديان وشو تعاليمهم منهن شيعة و سنة و بوذيين لآخر شي صديقي مسيحي قلي شوف هاد الفيديو لماغي خزام شفت انا الفيديو عجبني وصرت احضر فيديوهات لأمنا ماغي وجاوبتني على كل سؤال كان يخطر ببالي كنت قبل ما بعرف الكتاب المقدس نزلته وبلشت اقرا فيه كلامه لمس قلبي من جوا وعرفت انه فقط في طريق واحد للخلاص هو الرب يسوع المسيح .
تعمدت و أنا اليوم مسيحي.
– بتول من سوريا
خلقت بعيلة علوية نعتبر الدين معاملة (هيك هيك ما فيني قول شو الدين العلوي لأنهوالدين العلوي دين باطني بيتسلم للرجال فقط مو للنسوان)
ثقافتي الدينية اجت من المدرسة وهنيك بلشت الأسئلة للمعلمة :
_نحن مخيرين ولا مسيرين؟ إذا أقدارنا مكتوبة ليش الله عاملنا لعبة Sims وبيحاسبنا ع دور حددلنا ياه؟ ما في جواب اطلعي برا
_ وين معجزة النبي؟ القرآن.. طيب وين الإعجاز بالموضوع؟ أنتِ قليلة ترباية اطلعي برا..
عشت مآمنة أنو في رب لأن بحسه موجود بس لا أسلوب الصلاة بيشبهني ولا بتشبعلي حاجتي للرب فكنت صلي بأني أحكي مع الرب ..
2011 كانت نقلة غريبة.. كنت عم ادرس مادة جنين ودكتور المادة حاطط ببداية كل فصل آية قرآنية (فكسونا العظام لحماً) الغريب بالموضوع أنو نحن حرفياً مندرس عكس هالحكي ! قلت لحالي هالكتاب إما محرف أو مانو من الرب بالحالتين ما فيني اوثق فيه.
مع تصاعد المد الإسلامي بسوريا والفصايل المسلحة وداعش وكلو يقول هيدا ما بيمثل الإسلام اصفن قول العمى الكذب بتذكر وقت يحفظونا بالمدرسة (أعدوا لهم ما استطعتم من قوة..) كيف ما بيمثل الإسلام؟
لما بلشت احكي مع رفقاتي شفنا التشابه بين محمد وزرداشت وأنا ما فيي اقبل فيه كنبي وهو حدا بيدوفيل مزواج رسالته دم وسيف وجنس.. برأيي حدا ذكي بس مو نبي.
ألحدت وفكرت أنو ما زال ألحدت برب الإسلام ف خلص هو الرب الواحد للأديان ال3 ..
مو بيقولوا كلهم أديان ابراهيمية ؟
ع مدى السنين رجعت احكي مع الرب وقول في رب بس الطرق لعنده ما بتشبهني ف خلص اعترافي فيه بدون ممارسة بيكفي .
بال2020 صارت معي مشكلة خسرت كل شي ضليت حرفياً شهور ابكي وقول يا رب ليش ؟ بيوم نمت فقت بالليل متل اللي استوعب شي أو انتبه ، ما بعرف كيف كنت عرفانة بقلبي متل لو ختم ع قلبي أنو يسوع هو الرب.
لأن متل ما أنا قلت ليش الرب ما بيجي أكيد ملايين غيري قالوها ولهيك اجا يسوع لحتى مين يقولا يفيق ع أنو الرب إجا فعلاً ليسد احتياجنا لمجيء الرب وليعلمنا كيف نعيش .
من لما بلشت دور ع الرب واقرأ بالكتاب المقدس حسيت حالي لقيت كل شي بحلم فيه رب بيعرف نوع وجعي وبيقلنا لا أترككم يتامى. يسوع عطاني بداية جديدة.
بوقت كان بدي سنة وسنتين لحصل شي هو عطاني ياه بظرف 25 يوم.
الشي اللي خسرته عوضني ياه بأحسن وأحلى، الناس اللي بعتلي ياهن الرب كانوا أنضف من كل المرقو بحياتي.
قلت رح اتعمد وحطيت موعد رجعت أجلت قول يا رب خايفة إجيك جاهلة فيك غير مستحقة وضعيفة وأنت لا يليق فيك حدا متلي.
صليت : يا رب قول لي إذا بجيك هلق أو بستنى ؟
وبعد ساعتين حكيت مدام ماغي وقبلتني بغروبات التلمذة.
بعد معموديتي حسيت روحي بسلام صرت حس حالي بمشي ورجلي ثابتة بالأرض واثقة أني ماني لحالي .
الحياة مع يسوع غير، ما فيني اشرحها بس هي بالحق متل ما الكتاب بيقول “ذوقوا وانظروا ما أطيب الرب”
– علاء من الجولان
خلقت بعيلة مسلمة تقليدية تتبع طقوس بتقدس وبتدبح لشيوخ بيعملو حجابات الخ بس ماكنت مقتنع بكل هالاشيا من لما كنت صغير
بالبداية كان عندي حب وانجذاب للمسيحيين لاسلوب حياتهم وكنت اتقصد صادقهم
مرت سنين وكانت بمعظمها مليانة معاناة وضياع وخوف
سنة 2017 حلمت بالصليب المقدس وصوت عم يقلي قول شوبدك اطلب وبوقتا طلبت منو يحمي امي ويرعاها
سنة 2019 كنت عم شوف مقطع فيديو على اليوتيوب بيحكي عن السفر ل ايطاليا فجاة بيتغير صوت الشخص اللي عم يحكي واجاني صوت مرهب هزني لمدة عشر ثواني و قلي انت رح تسافر ع ايطاليا وفعلا هيك صار وسافرت
ماكنت عم افهم شو عم يصير خوف قلق مرافقني ..عم دور ع طريق لحتى لاقي سلام بس مافي جدوى
لقبل سنة ونص شفت فيديو للست ماغي خزام الفيديوهات كانت جدا ملفتة للانتباه وكنت اقتنع بكل كلامها وصرت طبق شو بتقول وبلشت يوم بعد يوم فوت بالايمان المسيحي وأقرأ بالكتاب المقدس وابحث احياناً عن الشروحات ومن حوالي سنة حياتي تغيرت للأفضل لقيت طريق السلام اللي كنت عم ابحث عنه سنين بدون خوف، صحتي للافضل، نفسيتي للافضل تركت الطبيب النفسي اللي كنت اتردد عليه، بدل السكن ربنا بعتلي سكنين بالجامعة نجحت بكل المواد مع انو عندي صعوبة بالدراسة.. اشخاص كتار بيساعدوني وبيدعموني واكتر من هيك.. بعد 4 شهور من التلمذة مع الأم الغالية ماغي خزام المحاربة اللي عطتنا اساس صلب متين بالايمان، تعمدت بكنيسة اورثوزكسية وبدأت بداية جديدة مع المسيح
أشكرك ياربي وإلهي يسوع.
– حلا و ابنها تيم من سوريا
لما كنت مسلمة كنت انسانة مدمرة بكل ما لكلمة دمار من معنى رغم اني كنت ما اقطع فرض و صوم و صلي، عانيت بطفولتي مع أهلي ذل و ضرب و حرمان من التعليم، و لما تزوجت فشل زواجي الأول و رجعت تزوجت و كان مثل سابقه يضربني و رجعت تطلقت وبقيت وحدي بهالدنيا ومعي طفلين من زيجاتي.
فبلشت حياة سهر وشباب وادمان و مالقيت السعادة و لا عرفت معنى الراحة والسلام فقررت الانتحار و فعلاً قطعت شراييني و اسعفوني بس الدولة أخدوا اولادي مني بسبب انتحاري
و فجأة حط ربنا بطريقي امنا ماغي، حياتي كلها تغيرت بظرف سنة وحدة الرب يسوع رجعلي اولادي حررني من الادمان والشهوات والدخان والسهر، وعطاني الرب قلب جديد مع اولادي و تعمدت أنا و ابني و قريباً باسم يسوع ابني الصغير التاني، و من الجحيم لحياة الملكوت و أبناء الملكوت باستقرار و سلام و حب ما حسيت فيه بحياتي .
اليوم انا وبيتي كرسنا حياتنا للرب يسوع للأبد.
– دعاء وابنتها من سوريا
انا من خلفية اسلامية سنية تعرفت ع الرب يسوع من بعد ما يئست من اله الإسلام القاسي ومن الإسلام يلي كل تعاليمو بتهين المرأة.
طلبت من الإله يلي خلقني انو يعطيني إشارة اذا هو موجود فكانت الإشارة هي الرب يسوع فحبيت أعرف الفرق بين عيسى ويسوع احضرت فيديو لأمنا ماغي وفهمت.
وانا مابقبل كون مسيرة مجبورة على دين أغلب تعاليمه بتحرض عالزنى الروحي والجسدي فقررت صير مسيحية واذ شفت الرب يسوع برؤيا غيرت حياتي بشكره و بشكر أمنا ماغي يلي كان إلها الفضل بإني أفهم الإله الصح وأعرف إني أنا جوهرة وبنت للرب بيسوع المسيح يلي لما اطلب منو بيلبيني هو حماني من الشيطان ومن المرض أعطاني اكتر ما استحق بشكر يسوع ان اختارني، واليوم 26/ 12/ 2021 تعمدت أنا و بنتي وصرنا للمسيح.
– رولا و زوجها من سوريا
أنا كردية عابرة من خلفية مسلمة، كنت مقيمة في أسطنبول وهنيك كان تدخل الرب بحياتنا أنا وعيلتي، زوجي كان عندو صديق مسلم صدفة شافو عالطريق وعزمو عالبيت وهاد الشخص كان متعمد من كذا سنة وصاير قسيس وكان مسؤول عن كنيسة بإسطنبول.
صار القسيس يروح ويجي لعنا ويحكيلنا عن الرب يسوع كيف ولد على صورة الإنسان كيف تجسد وتعذب وصلب وقام من بين الأموات في اليوم الثالث وكيف الرب هيأ خطة عن طريق ابن الإنسان ليحمل عنا كل خطايانا ونتحرر من عبودية أبليس وشره على الأرض وكيف لازم يكون خلاصنا بحسب خطة الرب إلنا وكيف كان معجزات الرب الإله كل هالكلام أثر فيني صرت أقرأ بالكتاب المقدس لحتى وصلت لعند آيات رؤيا يوحنا الإصحاح 3 من آية 19حتى 22 هدول الآيات هزوني من قلبي وكررتهن كتير، شو هل الإله المتواضع لسى بدو يستأذن منا نحن الخاطئين لحتى يدخل لبيوتنا وقلوبنا أنا هون وقفت وفتحت بابي وقلبي وحياتي لحتى يتنور بنور الخلاص بالمحبة الامحدودة اللي عطانا ياها الرب الإله.
تعمدنا أنا وزوجي و دخل الرب عيلتي وتغيرت تدريجياً وصرنا خليقة جديدة بإسم يسوع آمين.
– ماريا من سوريا :
من لما كنت طفلة كنت حس بحب كبير للرب يسوع وكان على طول مرافقني نفس الحلم اني شوف حالي بالكنيسة عم صلي وما أعرف سبب تكرار هالحلم.
عشت طفولة صعبة أبي تركني وتعرضت للتحرش بطفولتي من أقرب الناس إلي تحطمت من جوا وانكسرت وكل سنة تمر أتعب نفسياً أكتر حتى صار معي رهاب اجتماعي.
لحد ما انفتحلي باب النور .. والرب مدلي ايدو وقلي تعي أنتِ بنتي وأنا مابتركك
الرب سخرلي طرق كتيرة لأوصل لعندو اشتغل معي وبعتلي أمنا ماغي حطها بطريقي لأوصل ومن لما وصلت تغيرت .. شفيت من الرهاب الاجتماعي والاكتئاب استعدت شعور الأمان يلي كنت فاقدتو حتى بين أهلي .. هو شفاني بمشيئته و تعمدت عإسمه.
بصلي من كل قلبي لكل حدا بطريق الظلام يلاقي طريق النور .. آمين باسم الرب يسوع المسيح.
– سمرنار من سوريا
بشكر الرب لما ندهلي سمعت الندا ولما اشتقلي وقلي تعالي يابنتي لحضني حنيني للأب جابني لعنده عن طريق أمنا ماغي ربنا يباركها .قصة حبي للمسيح بلشت من زمان بس الخوف كان مانعني لوقت شفت مقطع لأمنا ماغي عم تشرح عن حبها وعشقها للرب، يا الله هديك اللحظة مابنساها قلت بقلبي نيالها لأنها مسيحية الولادة فيها تعبّر وصرت دايماً احضرها واحضر عاليوتيوب كيف عم تحكي وكيف مو خايفة لأن الرب معاها وعاطيها القوة ومحبة الناس وشفت كيف الرب عاطيها أكبر و أحن قلب. علمتنا كيف نحب الرب وكيف نشوفه واقف معنا .
اتواصلت معها ودخلتني غروبات تلمذة ومراحل تعليمية وكل يوم عن يوم حبي للرب عم يزيد لخلصت تلمذة و بعتتني تعمدت.
بشكر الرب إني نلت الخلاص ويارب ثبتني للمنتهى وتقبلني يارب يايسوع جندية من جنود الرب جاهزة لخدمتك بكل وقت.
– أمجد من سوريا
بلشت قصتي مع أحد اصدقائي المسيحيين حكالي إنه أبوه كان عم يقرأ عن نهاية العالم بالإنجيل بسفر اسمه الرؤيا، جذبني الحديث كتير فطلبت منه يخلي ابوه يقرالنا شوي وفعلاً إجا والده قرأ شوي، بعدا طلبت من صديقي الكتاب المقدس وفعلاً جبلي ياه.
بلشت قراءة بس ما كنت افهم شي بكل صراحة يعني ما حس بالكلام ابداً، بلشت بالتكوين قرأت شوي لعند قصة لوط و انو أسكروه بناته واضجعوا معه! لهون سكرت أنا وقلت شو هالحكي هاد؟! بعدها بكم يوم فتحت نت وبالصدفة شفت فيديو لإمنا ماغي، مو صدفة هاد ترتيب إلهي أكيد، وسمعت حكيها و صرت تابع حلقاتها و صار في تشتت بدماغي وصرت اسأل حالي: حكيها كله صح، وارجع وشوف القرأن واتأكد، و هي تطالع أشخاص يسألوها و تجاوبهن وحكيها يضرب بقلبي. بعدا سمعت انو فينا نصلي و نطلب من الرب يظهر ذاته فصليت وشفت حلم شفت انو الدنيا عتم و في صليب عليه المصلوب صحيت من نومي و ضليت شاكك تاني يوم قلتله: سامحني، بدي ارجع اطلب شوف حلم تاني بدي اعرف مين الإله الحقيقي بالدنيا لاعبده، فتاني يوم حلمت شخص لابس ابيض و قدامه في كتاب مفتوح أشّر بأيده لألي وكأنه عم يقلي تعال و أنا مشيت وراه، و بعدها بلشت الاختبارات و آمنت بالرب.
لجئت لكتير كنائس أرثوذكسية و لكثير كهنة ما حدا عبرني بكل صراحة و رحت ع كنيسة انجيلية كمان رفضتني وبعدها صار في تدبير إلهي رحت على كنيسة انجيلية ورحبوا فيني و عمدوني و نشكر الرب صرت مسيحي.
– روان من سوريا / حمص
انا حابة اشهد لربنا يسوع المسيح انا من خلفية علوية كانت حياتي كلها أمراض و مشاكل نحن دين باطني النساء ممنوع تتعلم دين بيقولولنا نعمل متل السنة صلاة وصوم كنت اطلب من رب المسلمين اللي ما الو وجود ما كان يستجيب ابداً وعلي بن أبي طالب كان متل فيلسوف بنظري.
من 5 سنين قبل ما إتعرف على المسيح كانت حياتي دمار كان بحياتي شخص متسلط كان حارمني من كل الحياة وكنت كتير افشل بأي شي ابدأ فيه.
بمشيئة الرب سافرت ع بغداد اتعرفت عالمسيح عن طريق أمنا ماغي خزام عن طريق فيسبوك اتلمذت وبعدها أنا انشفيت من مرض كان عليي من ٦ سنين ما كان معروف تشخيصه و حالياً مستلمة شي مهم بشغلي وكتير متفوقة فيه و تعرفت ع شخص شبه المسيح مسلم علوي عابر ورح نتزوج حياتي كلها تغيرت للأفضل من لما صليت أول مرة لربنا يسوع المسيح واليوم ربنا بمشيئته يسرلي معموديتي وولدت من جديد بالمسيح ربنا يبارك حياة أمنا ماغي ويستخدمها لخلاص أكبر عدد من النفوس الهالكة.
– محمد من سوريا / دمشق
انا من خلفيه مسلمة علوية بس ما كنت آمن بإله الإسلام كنت ملحد، كان عندي قرايبة اسمها ضحى كتير كنا نتخانق لما سب على محمد و أنكر وجودهو كانت هي لسا مسلمة، و أنا بهديك الفترة كنت ضايع مافي حدا يدلني على الطريق الصحيح فسحبني الشيطان لعنده و صرت بعبد الشيطان و تطورت عبادتي و صرت احكي معه مباشرة و خلص ماعد عندي مهرب نهائياً لا أرجع مسلم ولا أي دين غيره، لوقت ما ضحى تتلمذت و تعمدت عأيد امنا ماغي وصار اسمها المسيحي ليديا هون حسيت انه الرب يسوع هو الرب الحقيقي بس كنت ضل خايف و شاكك و اسئلة كتير براسي و بنفس الوقت الشيطان ما كان يخليني لانوطه اتحارب بشكل قوي اذا فكرت هيك تفكير لدرجة انو قبل ما بلش تلمذة كنت اذا بتكون الأخت ليديا عم تسمع ترنيمة أو تسمع أمنا ماغي او أي شي فيه الرب يسوع اهرب لا ارادياً ما اقدر اقعد.
لوقت ما الرب لمس قلبي كنت قاعد بالغرفه لحالي ضايق صدري و تعبان و قلتله ياربي يا يسوع أنا تعبت و أنا خلص رايح عالهلاك، حسيت بوجوده وقتها و حسيت حدا عم يقلي تعالوا إلي يا أيها المتعبين ، تلمذوهم وعمدوهم باسم الآب والابن والروح القدس وصارت فيي سكينة وهدوء مو طبيعية وصار بدي بس اتلمذ و اتعمد وفعلاً مبارح كانت معموديتي و اليوم رح انضم لكنيسة الرب.
– فاطمة من سوريا / ادلب
قصة عبوري كتير قاسية وصعبة نحن من عائلة متشددة أبي شيخ بالعقيدة الإسلامية السنية من اللي بيعملوا طقوس وحفلات مع المريدين بيقولولها حلقات ذكر لنبيهم محمد يلي بيمجدوه اكتر من ربهم.
كان يضربنا لحتى نصلي ونصوم ونحط حجاب، كنت اضطر أكذب لأني مو مقتنعة بالدين الإسلامي لأني بشوف أبي الصبح بيعمل حلقات ذكر وعبادة وبالليل أفلام إباحية.
صرت إتمرد لما كبرت شوي وانضربت وانشتمت لأني مانه مابدي صلي وإعبد إله واعدني بالنار، هيك لمرة عقد ما أكلت قتل غميت وشفت وأنا غايبة عن الوعي حدا مسك ايدي وقلي قومي ماخلقتي لتموتي قومي وافتحي الباب هالجملة سمعتها بس ماشفت يلي قالها وفقت كنت مسبحة بدمي غسلت ورجعت ع غرفتي وطلعت لفوق بالسقف وقلت أنا بعرف انك موجود ساعدني تاني يوم فقت ولافي اي وجع بجسمي، بلشت دوّر عتفسير للي شفته عغوغل طلعلي معجزات المسيح بلشت جبت إنجيل وقريت فيه مافهمت بس ارتحت جربت رحت عكنيسة ارتحت اكتر وهون بلشت البحث للحظة طلعت حلقة لإمنا ماغي وشفتا إجاني فضول أدخل عصفحتها وشفت الفيديوهات هون إجاني أجوبة كتير على اسألتي وبعد مدة صار معي حادث بسيط بس أثر على معصمي اليمين وبقيت عاني لمدة ٣ سنين وبالصدفة شفت الها حلقة بتحكي عن الرب كيف بيقدر يسمعنا ويشفينا اذا كان عنا ايمان مطلق فيه وقتها باللحظة يلي كنت عم احضر الفيديو حطيت ايدي على معصمي وطلبت باسم الرب يسوع يشفيني وراحت القصة بعد شي اسبوع عم تسألني جارتي كيف صارت ايدك وانا هون كنت نسيانة الموضوع لان ماعاد في وجع كنت ما اقدر ارفع كيلو بأيدي مسكتها وبلشت حركها يمين وشمال مافي وجع مافي وجع ربي شفاني من لحظة يلي طلبته فيها من هون قررت اخد طريق الحق وامشي فيه لحتى عيش متل ما اجاني وقلي اني خلقت لعيش مو لحتى موت بليلة ركعت وصليت باسم الرب يسوع و تعمدت مبارح .
– زين العابدين من سوريا
أنا ابن عيلة شيعية معروفة، فغير مسموح دينياً وسياسياً إني شكك بطائفتي. بلشت خلافات عائلية تطاول وتجريح وصل لحد التهديد بالقتل ، فهالمشاكل وهالضغط النفسي وصلني للمستشفى، جلطة دماغية تسببت بشلل وخلل بالإدراك و صحيت عذاكرة مشوشة. كل شي بعرفه ( لتكن مشيئتك ) الكلمة اللي ما فارقت لساني وانا ممدد على سريري بالمشفى بلبنان
بين نايم و واعي مابعرف، كنت نص جسد بنص ادراك ، شفت يسوع مخلصي ربي ودقت طعم حلاوة نوره و حسيت جسمي رايح لعنده بس بحركة إيده، وجّه اصبعته لقلبي و قال لي: خليك مكانك بدي قلبك ، هون بسرعة فهمت ( يابني اعطني قلبك ولتلاحظ عيناك سبلي) وتركني وراح ومن وقتها قلبي صار له وحده، أي شي بحياتي تمحور على أساس يسوع المسيح. وبعد فتره ٣شهور شفيت بالتدريج ورجعت امشي واحكي واركز يمكن اكتر من الاول وصرت شوف صفحة السيدة ماغي خزام وبلش مشواري معها وتعمدت.
بلشت معها ومكمل معها والبركة صارت بكل شي حياتي من وقتها.
– أحمد من سوريا
من عائلة إسلام علوية ولكن منقدر نقول لا دينية، أنا كشخص لا ديني كنت دائماً أبحث و اقرأ عن الأديان والسماء والأرض و كان عندي أصدقاء بسوريا من الطائفة الإنجيلية.
كانو يحكولي عن الرب يسوع المسيح، أكتر شي لمس قلبي وروحي ( أحبو أعدائكم )
معقول من 2000 سنة بشر يلي حكاها لهالعبارة، قمة في الإنسانية من 2000 سنة وقت كانت العالم عايشة من غير التحضر الإنساني يلي عايشينو نحن بزمننا هاد.
تتلمذت وتعمدت و شكراً للرب يسوع المسيح يلي نورلي قلبي.
– حسن من حمص
سلام المسيح أنا حسن ولدت بعائلة مسلمة من طائفة مرشدية كنت حدا مسلّم تسليم بعرف انه اسمه الله ولازم نعبده بدون فهم بدون ما يتعامل معانا
كانت الحياة كلها سواد حياة دائماً ناقصة مافيها بركة وكنت فاقد سلامي وفاقد راحتي النفسية وفاقد رجائي وخطايا كتير بدون أي رادع ولا خوف كنت أوقات اعتقد انو مافي رب وقول لو في رب ما كان تركني هيك حياتي واقفة ثابتة بمكانها مافي أي تغيير مافي شيئ بيكمل او بيزبط مع تعب أو بدون تعب.
تعرفت عالرب يسوع عن طريق فيديو ( غير ديني ) لأمنا ماغي خزام حسيت في راحة ونور واضحين عليها شاهدت اغلب فيديوهاتها وتعرفت عالرب تعرفت انه الرب معنا بحبنا دفع تمن أخطاء نحن عاجزين تماماً عن دفع ثمنها تعرفت على رب بيقلنا أنا بحبكن أنا انصلبت لأجلكم آمنت وصدقت وتتلمذت وتعمدت.
مجرد إني فكرت اتعرف وأحفظ وصايا الرب الحق، أدق تفاصيل الحياة تغيرت وحياتي كلها مشت.
علمني الرب شو يعني خطيئة صرت خاف ارتكب خطايا صرت أعرف شو يعني الرب يبعتلي بركات بحياتي وأعرف شو يعني رب بيحبني بيتعامل معي غيّرلي كل تفاصيل حياتي صرت بالنور نفسيتي ارتاحت راحة الرب وسلام الرب ملأ حياتي تعلمت أي شيئ بالصلاة والشكر بحصل عليه أي خطيئة عالقة بصلي لأجلها وبتخلص منها مافي مستحيل مع رب المجد ورب المعجزات .
بشكر الرب عكل تعاملاته ومعجزاته وتغييره لحياتي شكراً يسوع لأنك دعيتني شكراً لأنك قبلتني شكراً لروحك القدوس الساكن فيني.
– نغم من سوريا
انا من خلفية علوية، طبعاً عنا النساء ممنوع يتعلموا دين هم مجرد شيئ بدون قيمة تابع للرجل .. تعرفت على الرب يسوع من خلال فيديوهات الأم ماغي بالصدفة وبلشت فيديو ورا فيديو تعلقت بشخصية يسوع ببداية الأمر ولما بلشت اقرأ الانجيل تعمقت أكتر وتأكدت انه اذا في إله حقيقي موجود فهو الرب يسوع ولا ممكن يكون في غيره ، الوحيد اللي بيسمعك جرب واطلب منو يسمعك رح تلاقي عم يدق باب قلبك ويعرفك على نفسه بمواقف بحلم بطرق ما بتتخيلها . بتمنى من كل حدا يرجع يعيد النظر بشو عم يعبد واذا انت انسان نضيف اكيد الرب رح يظهرلك ذاته بكتير طرق بس انت آمن .
كل الشكر للرب بالبداية اللي تنازل إلي أنا غير المستحقة وعرفني على ذاته وللأم الروحية ماغي اللي كانت ولا زالت ورح تبقى سبب بخلاص كتير نفوس الرب يبارك جهودك.
– روان من سوريا
بدأت قصتي من لما كنت بعمر ال17 كنت حب زور الكنيسة مع أصدقائي مابعرف ليش وكنت حس لما زورها بارتياح وسلام وأمان موطبيعي بس ماكنت أعرف شي عنن ماكنت اعرف انه هنن يلي إلهن حي وحقيقي ..كانوا يخبروني بمجتمعي انه انتي مابتقدري تصيري متلهن وانه هنن مانن دين صح وطبعاً ماكنت صدق.
مرقت بظروف قاسية بحياتي ماكنت آمن بشي معين بس كنت قول يا الله يارب وما يستجيب واقعد خاف وأبكي مرقت باكتئاب شديد صرت خاف إني موت.. بلشت ابحث وأقرأ لحتى اعرف مين هوي ربهن وإلهن للمسيحيين وأقرأ المقارنات بين المسيح والاسلام وطبعاً مافينا نقارن أبداً بس بوقتها كنت بحاجة لأعرف صارت تمرق عليي صفحات تزيدني نور وإيمان بتحكي عن المسيح وأمور مرقت معي وكأنه ربنا اختارني حتى اعرف واكتشف انه هو الإله الحقيقي هو مخلصي هو أبي لحد مابين هي الصفحات صرت تابع المدام ماغي ولاقيت كتير أجوبة للضجة يلي براسي صرت شوف أحلام شي شفت الصليب قدامي مرسوم من السما للأرض.. وشي شفت أشخاص وأمور صارت بالحقيقة وتحققت.. فقررت وتعمدت وولدت من جديد باسم الرب يسوع وكلي ثقة بربنا يسوع المسيح ابن الله. الوحيد مخلصنا يلي فدانا بدمه كفارة لخطايانا ورح يبقى معنا للمنتهى ونحنا ولاده على هي الأرض .
– جودي من دمشق
انا كنت بمدرسة قبيسيات، كبرت وحسيت انه هاد الدين مو صح، مو صح فكرة 4 زوجات وما ملكت ايمانكم ، الفكرة عم تشتت أسر وأطفال، مو صح فكرة الغزوات، مو صح ١٠٠ شغلة وشغلة.
كبرت والله جمعني بشب أجنبي مسيحي صرنا نحكي عن الله وحبيت فكرته وعرفني قصص ما كنت بعرفها وكانت مفاجأة لألي مثلاً أنه الرب ممكن يحكي معنا كانت بالنسبة إلي فكرة غلط وصعبة بس أنا كنت حس فيها كل حياتي ولقيت حدا تاني بيشاركني نفس الفكرة.
سافر الشب على سوريا واتعرف عأهلي لحالو لنتزوج وانا كنت حاسه انو اهلي مارح يوافقوا لانو مسيحي اجنبي بدو ياخدني معو.بس قلي كلمه وقفتني قلي الله خبرني وقت حط رجلي ببيتك رح حط رجلي معك بالفعل فات عالبيت والكل حبو ماما وبابا العصبي الغيور عليي كان شي مفاجئ بس بالنسبه لألو كان يقين. تزوجنا طبعا اسلم لأنو بسوريا مافي زواج مدني وبس رحت معو كان عمري ٢١ سنه حبلت لأبني الأول صرت شوف أحلام غريبه وفي حلم ما بنساه وقت الرب حكى معي بصوتو وكان صوت رعد فقت فرحانه مو خايفه وبعد فتره سنتين زوجي قرر يتعمد فقبل بيوم فتحت النت وشفت فيديو لماغي عم تقول بدكون جواب لشي محيركون افتحوا الانجيل لا على التعيين والرب بيجاوب فرحت جيت الانجيل وفتحوو على صفحه بمعناها انو الرب سعيد كتير بتلميذه يلي بيجي عكنيسته، فرحت قلت لزوجي الله حكى معي بكرا بدي اتعمد رحت معو عالكنيسه تاني يوم والأخ كان عم يقول بيوم التعميد نفس الصفحة يلي انا فتحتها قبل بيوم.. فاتعمدت.
– صهيب من دمشق
لماذا اخترت الرب يسوع إلهاً ومخلصاً ؟ في البداية لم أختره أنا بل هو الذي اختارني ، منذ كنت شابا صغيراً كنت انجذب وبشدة إلى الكنائس وجمالها و أيقونات القديسين الموجودة بها ، كنت معجب وبشدة بالتراتيل الغريغورية ، في تلك السنين كنت مسلم ، لكن علماني ، أحاول الاقتراب كل فترة من الإسلام لكني لم أشعر بأي ارتياح ولا سكينة ، كنت أبحث عن (الإله الحقيقي ) وكنت أشعر ضمنياً بوجود مشكلة بالدين الاسلامي وإله الاسلام ، مرات كثيرة كنت أبكي بحرقة وأطلب حضور الله بحياتي وبكل حرقة ، وبالفعل بدأ الرب يسوع عمله ، ابتدأ المشوار بأكثر من رؤية لم استطيع فهمها في ذلك الوقت ، ومن ثم بدأ المشوار العملي ، عندما كنت أمر بفترة ضيقة شديدة جدا ، وجدت في مكتبتي كتاب يتحدث عن ( الكارما ) للكاتب الروسي لازارييف ، قرأت الكتاب واشتريت كل كتبه ، وبدات حياتي تتحسن للافضل ، اكتشفت بعدة فترة من التعمق ، ان منبع فكر هذا الكاتب هو الكتاب المقدس العظيم ، ومن ثم بعد حوالي السنة ابتدأت الأزمة التي تحولت إلى حرب في سورية ، وبدأت ظهور الكتائب الإسلامية الدموية ، بدأت بالبحث عن حقيقة الإسلام بالوقت نفسه بدأت البحث في العقيدة المسيحية من خلال العديد من البرامج و المواقع على شبكة الانترنيت ، وبدأت اعرف الحق ( تعرفون الحق و الحق يحرركم ) ، القسم الثاني من المشوار هو علاقتي مع الكهنة المتمسكين بالطقوس و التعاليم الغريبة ، إلى أن قادني الرب يسوع إلى الأم الراعية ماغي خزام ، وبعد التلمذة على يدها بدأت اعرف التعاليم الصحيحة ، وبدأ عمل الرب يسوع الحي العجيب في حياتي .. لايوجد أي وصف يكفي للرب يسوع المخلص و الفادي ، ملك الملوك .
– يوسف من سوريا
من مسلم إلى مسيحي ، خبرونا إن الله منتهى الطرق سواء شو ما كنت بتعبد وهيك مشينا،
إجا وقت بحياتي كنت محتاج فيه إن الرب يسمعني لأني متعب وما حدا بيشعر فيي وحاسس شي ناقصني
طلبت من ربنا بدموع إني لاقي الطريق الصح لأنو بيعرف قلبي وبعد تفتيش صرت إقرأ بالكتاب المقدس وكل ما اقرأ عيش هالكتاب ويوم عن يوم صرت افهم الكلمة بجهود الأم الروحية ماغي خزام
تتلمذت وتعمدت على اسم الرب يسوع المسيح لأن هو الطريق و الحق والحياة.
ودفع ثمن خطايانا لنكون أبناء الله
لا تسمح ل حدا يضللك ويقلك نحنا منآمن ب عيسى اقرأ بالكتاب المقدس ورح تكتشف إنو مافي اسم عيسى،هو الرب يسوع المسيح يعني المخلص.
أعمال الرسل ٤ : ١٢ “وليس بأحد غيره الخلاص لأن ليس اسم آخر تحت السماء قد أعطي بين الناس به ينبغي ان نخلص”
بهالأيام الأخيرة قول أنا للرب يسوع رب السلام رح تلمس تغييرات كتير بحياتك وأمور يمكن ما فيك تخبر حدا فيها أو لعنات أو صعوبات كلها بتنحل مع ربنا يسوع المسيح لأنه إله أحياء وليس إله أموات.
وهو وحده يلي قال بيوحنا ١١ : ٢٥ “قال لها يسوع أنا هو القيامة والحياة من آمن بي ولو مات فسيحيا.
– كريم من دمشق
مع بداية الأزمة بسوريا والتهجير والقتل والمناظر البشعة وعدم الرحمة ,كنت دائما اسأل حالي إذا الاسلام دين سلام ليش كل هالقتل والموت ليش الكل عم يقتل باسم الله , فوقتها بلشت اتعمق بل اسلام اكتر وانصدمت من يلي شفتو لانو ماكنت بعرف شي غير يلي علموني ياه بالمدرسة ماكنت بعرف كمية القتل والوحشية والمرض النفسي الموجودة بالقرآن وبكاتب القرآن, وغير هيك القرآن نفسو غير منطقي معقول اله ينعت أعداء محمد بأسماء حيوانات؟ فتركت الاسلام.
وبلشت رحلة البحث عن الإجابة ولقيت بفضل الأم ماغي الجواب بالرب يسوع يلي ضحى بنفسو كرمال يغفر خطايانا ،يلي علمنا المحبة والسلام وليس القتل والوحشية
والشكر للرب ولامنا ماغي اليوم عبرت من الظلام الى النور و تعمدت.
– ملكة من دمشق
كنت مسلمة سنة لكن من وقت كنت صغيرة عندي اعتراضات كتيرة وأسئلة كتيرة خصوصي المعاملة والاحكام الدونية للمراة بالاسلام. وكان جواب واحد لكل أسئلتي ” الشيطان عم يوسوسلك”. كنت صلي وصوم واقرا قرآن لأني كنت خاف من اله الاسلام واساليب تعذيبو للبشر. لما جيت ع المانيا حضرت بالصدفة فيديو بناقش سورة بالقرآن لطالما كان عندي أسئلة كتيرة عليها لان فيها قلة ادب بخجل اقراهاومخصصة لمتعة الرجال(وصف الجنة )
وبعد هالفيديو حضرت فيديوهات كتيرة. وعرفت اني كنت عايشة بكذبة كبيرة .صاحب الفيديو صار مسيحي وتعرفت عالرب يسوع لما قرات الكتاب المقدس متى، مرقص ، لوقا، يوحنا وصرت بعالم تاني فيه سلام ومحبة وفرح وحبيت الرب يسوع من كل قلبي و صليت وسألت اذا الرب هو يسوع المسيح يعطيني اشارة وشفتو بحلم وعرفت انو رب حي وصالح وقررت اتعمد وعمد ابني ٢٠١٨ ومن وقتها ولهلق ولا مرة طلبت الا وفتحلي باب جديد. و بفيديوهات امنا ماغي فهمت اكتر ولقيت اجوبة لتساؤلاتي وحابة اتعمق اكتر بالايمان وشكر كبير لامنا ماغي لانها ضمتني اتلمذ واتعلم مع الاخوة المباركين بكنيسة الرب.
– ابراهيم من طرطوس
انا من عائلة علوية متشددة كتير كان في كنيسة عنا بالحارة شوف الناس عم يصلو و اسمع صوت جراس الكنيسة شي جواتي يقلي هاد هوي طريق الحياة
دخلت اول مرة بحياتي على الكنيسة وقفت مع الناس و صليت قلت يا رب تكون معي و تحميني و تيسر طريقي حتى ضل اجي وصلي، وصرت انزل كل يوم أحد وصلي
شفت الرب يسوع المسيح أول مرة بحياتي حملني على كتفو و دخلني الكنيسة
حكيت هل حكي لأهلي عصّبوا كتير و جبروني اقرأ القرآن
صرت اقرا فيه وشوف أخطاء كتير، صرت شوف إنه الله تبع الإسلام هوي إله قتل ودم،
سورة النساء هي عبارة عن اقوال لا يمكن تصدر عن إله، و آيات كتيرة بتحرض على القتل.
رجعت شفت الرب يسوع جاي لعندي قعد جنبي و قلي ( كله اختبار مني خليك ثابت )
بعد سنة تعبت وصرت مريض سرطان تعبت كتير و طلبت من الرب يسوع يكون معي و يحمل معي أول جرعه اخدتا شفت الرب قلي :لا تخاف أنا ماسك إيدك مارح اتركك قلتله يا رب حياتي بين إيدك لا تتركني أنا ابنك و بحبك كتير، كملت علاج و صار وقت أعمل عملية
قبل ما فوت على غرفة العمليات وقفت وصليت قلتله يارب يا يسوع يا حبيبي جسدي و قلبي وروحي معك يا حنون لا تتركني و دخلت على العملية أنا تحت العملية اجى الرب و قلي أنا الطبيب يلي رح اشفيك من مرضك و كون معك رح احميك وقدسك طلعت فيه وهوي عم يشتغل بجسمي و يشيل الكتلة السرطانية و قلتلو يا أبي يا حنون لا تتركني خليني معك و جنبك طلعت من المشفى ورجعت على البيت و طلعت نتائج التحاليل بنشكر الرب يسوع النتيجة سليمة
و اليوم احلا يوم بحياتي تعمدت و صرت ابن للرب يسوع المسيح له كل المجد وحبيبي وأبي وسيد حياتي كلها الرب يسوع المسيح.
و بدي أشكر أمنا الغالية ماغي خزام يلي ساعدتني و عمدتني وعم تساعد كتير إخوة حتى يتعمدوا و يجوا لطريق النور.
– شحادة من دمشق
انا ولدت درزي من عيلة مو متدينة وماكان عندي اهتمام بالدين أبداً وحس كل العالم حولي مابتشبهني ، بفترة صار عندي تعلق بعلم الطاقة وقانون الجذب وهالقصص ، بس ضلت حياتي تعيسة وماتغير فيني شي ، شفت بالصدفة فيدو إلك عم تحكي عن رامي مخلوف عجبني أسلوبك بالكلام وطريقة سردك ، كونو ماكنت بعرف انو عنا بسوريا في إعلامية اسمها ماغي خزام ، دخلت عاليوتيوب وكتبت اسمك صرت شوف الك فيدو ورا فيديو ، بالبداية كنت عم أحضر لأنو حبيت طريقة شرحك وكلامك ، بعدين صار عندي فضول لتابعك ، فقررت اتعلم أكتر وبعدها حضرتلك كل فيديوهاتك واعتمدت وقلت خلص بدي صير مسيحي ، بعدها بتحكي معي صديقة مسيحية من سوريا بس أكبر مني بكتير موجودة بألمانيا ، كان صرلا زمان مو حاكيتني ، أنا قلت كونها مسيحية رح تفرحلي فخبرتا ، فرحت كتير وبعتتلي كتاب مقدس من ألمانيا ، وخلتني اتواصل مع شماس مصري اتعرفت عليه بالمانيا هو بيجي على روسيا كتير بيخدم فيها ، تواصلت معو وربنا رتب لمعموديتي بطريقة عظيمة كنت شوف عمل الرب أمامي ، عمدني أسقف كنيسة انجيلية لانو الأرثوذكس مارضيو يعمدوني وخاصة الأقباط يلي بروسيا ، وتعمدت و أنا للرب.
– دجوار من عفرين
سلام المسيح انا اسمي دجوار من سوريا، عمري 23 واقيم في سويسرا، انا ولدت مسلم ولمدة 23 سنة لم اتلقى غير الضربات واللعنات في حياتي وحياة كل عائلتي. ولكن ربنا كان له وقت مناسب لحتى يخرجني انا وعائلتي من الظلمة الى نوره المقدس.
ربنا حط ماغي خزام في طريقي، وتحقق كل اقوالها في حياتي وبكل فيديو الها ربنا تكلم معي وتغيرت حياتي كاملة وتعمدت قبل أربعة أشهر الشكر للرب وانا الآن اعيش حياة مقدسة وثقة في رب المجد يسوع المسيح.
– هالة من ريف دمشق
نشأت و تربيت على معتقدات و عادات ماكنت افهمها .. صار عنا مشاكل بحياتنا كثير .. لا نذور قدرت تحلا و لا شموع و لا دعاء و لا شي، لوقت عرفنا الرب يسوع من خلال اختي كانت مريضة و ماحدا قدر يشفيها غير الرب يسوع
وصرت احضر لماما ماغي واتعلم منا و تتلمذت عندها منشكر ربنا
و بلش ربنا يشتغل بحياتنا ويستجيب لدعائنا و ينور قلبي لشوف الطريق الحق
و اتعمدت مبارح أنا وأمي بشكرك يارب المجد لاسمك القدوس و ربنا يثبتنا للمنتهى.
– زينة من اللاذقية
انا اسمي زينة من خلفية علوية، من صغري وانا عندي تساؤلات كتير عن ديني عن آيات بالقرآن بتوضح انو الله غير عادل و وغير رحيم وتناقضات كتير ومع هيك كنت استمر بقراءة القرآن بس صدقاً ما كنت حس بسلام وكنت لما اسمع الأدان خاف كتير و بنفس الوقت كان حب السيد المسيح من صغري عايش جواتي كنت شوفو دايماً الشخصية العظيمة يلي بتختلف عن كل الانبياء.. رفقاتي كانوا اغلبهم مسيحية كنت شوف حياتون مختلفة عن حياتي افكارون غير افكاري مريت بكتير ظروف كان ربنا ينجيني منها بلمح البصر بس انا ما كنت شايفة هالشي لان وصلت لمرحلة قريبة للإلحاد لحد ما اجا وقت تعرفت ع شب مسيحي حبينا بعض بس هو كان مسيحي اسمي بس بنفس الوقت كان شخص كتير منيح انا هون بلشت رحلة بحثي عن الحقيقة بدي اعرف شو الصح مين الإله الحق لأن لحتى نرتبط لازم حدا فينا يغير دينو وكان الطريق الاسهل بسوريا انو هو يأسلم بس هو رفض انا هون حسيت بفرح لأن انا من جوا ما مقتنعة بالاسلام صرت ابحث ع النت عن الايمان المسيحي فجأة بشوف فيديو لأمنا ماغي كلامها شدني كتير وكان كتير جديد عليي صرت احضرلا فيديو ورا فيديو وصرت اتناقش معو فيون كان هو ضد هالتفكير وكنا كتير نوصل لطريق مسكر بنقاشاتنا انا بلش ايماني بالرب يسوع ينزرع جواتي ويزداد كل يوم عن يوم.. بلشت اقرأ الكتاب المقدس و حقيقة ورا حقيقة تنكشف قدامي.. قررت اني اتعمد عن قناعة وايمان مو كرمال الزواج بلشنا ندور ع كنايس لحتى اتعمد بس بمحافظتي للأسف ما حدا وافق في أب وحيد وافق بس كان برا المحافظة وكان كتير صعب اني سافر لعندو بهديك الفترة صرنا نتواصل ع الواتس انا وهو بس كنت حس في فرق كتير كبير بين كلامو وكلام امنا ماغي بهي الفترة حسيت حالي تايهة بدي اخلص تعبت كانت كل الشغلات السيئة تصير ورا بعضا ليوم كنت فيه عم احضر فيديو لمدام ماغي عم تحكي فيه انو نجرب نطلب من الرب يسوع يظهرلنا ذاته بحياتنا ونآمن ونوثق انه رح يسمعنا ورح يستجيب، بنفس اليوم ركعت وصليت وبكيت كتير وطلبت من ربنا يفرجيني الطريق الصح يحسسني انه هو معي وبعدها نمت
بيومها حلمت بالرب يسوع واقف ولابس متل لباس الملك وفاتحلي ايديه وأنا ركضت لعندو وضميتو صدقا لما فقت حسيت حالي أسعد انسانة بالكون من وقتا تغيرت كل حياتي بعتت لأمنا ماغي كتير بس ما اجاني رد .. بهالفترة صار شي فظيع انه الشب يلي كنت حبه انصاب بالكورونا وتوفى.. بعدها بفترة رجعت حكيت امنا ماغي وضافتني لغروبات التلمذة وبلشت اتغير أكتر وازداد ايماني اكتر لحد اليوم يلي ربنا اكرمني فيه وتعمدت ونلت الخلاص بفضل مساعدة امنا ماغي هي الفرحة يلي ما حسيتها من قبل..بشكر ربنا لان خلصني من العبودية و قبلني كون ابنة انا غير المستحقة..بصلي باسم الرب يسوع المسيح يثبتني فيه للمنتهى و يستخدمني لمجد اسمه العظيم واقدر خلص أهلي واخواتي.
– ياسر من دمشق
حبيت شارك قصة عبوري انا شب متلي متل هالشباب ربيت بعيلة اسلامية قريت القرآن قرأته مئات المرات ماحسيت بروحانية ماعطاني ولا جواب عتساؤلاتي، عطول في شي ناقص حضرت جوامع وصلوات جمعة وتراويح ونوافل لآخر الليل صلي ماشفت جواب لاسئلتي ولاتغير بحياتي شي
لما كبرت و وعيت أكتر جربت غير طوائف وطقوس بس مالقيت حالي حتى صرت روح على كنائس واخدت الكتاب المقدس وصرت اقرا فيه حسيت بنورانية حسيت بروحانيةحسيت لكل سؤال ألف جواب وعرفت الرب الاله الحق يسوع المخلص الخالي من الخطيئة والفادي يلي ضحى بنفسه على الصليب لأجل يعطينا الحياة والأبدية وصرت اتبحر حتى ربنا دلني على الأم ماغي تتلمذت على ايديها المباركة وعرفت شو الايمان الحقيقي والشي يلي كنت عم دورعليه لقيته بالمسيح يلي صلب و قام من بين الأموات وخبرنا من آمن بي واعتمد خلص وإن مات سوف يحيا. آمين .
– أسامة من اللاذقية
انا أسامة من سوريا من عائلة مسلمة متشددة. من صغري كنت حب المسيح و حس إنه غير كل الأنبياء يلي بالقرآن كنت حس إنه أعظم من غيره. كان عندي أصدقاء مسيحيين كتير يقولوا يسوع و أنا قول عيسى و فكر إنو نفس الشي و بشكل عام كانت حياتي غير سعيدة و مو متل ما كنت أطمح و خطط مع إني كنت صلي وأدعي وصوم رمضان وأقرأ قرآن بس ما حس في مقابل و كأنه ما حدا عم يسمعني و كنت لما أقرأ القرآن أقرأ لمجرد إنه كتاب إلهي و إنه كل حرف منه بتاخد عليه ١٠ حسنات. لحد ما صرت فوت عالإنترنت عمواضيع دينية و أسمع كتير و لما عرفت إنو في أخطاء علمية وتاريخية وجغرافية انصدمت وانصدمت أكتر من نفسي إني كنت أقرأ لمجرد القراءة كفرض ديني. احترت و بلشت دور عالحق والصح والمسيح ضل بقلبي فتت عالمواقع المسيحية حسيت إنه كمان في شوية ضياع وبالصدفة شفت فيديو للأم ماغي خزام تابعته كان حكيها مقنع وواقعي وكله من الكتاب المقدس يلي قالوا لنا من صغرنا إنه محرف و تابعتلها كل فيديوهاتها يلي ساعدوني كتير حتى أمشي صح بالطريق الجديد بعيد عن خرافات جديدة وعبادة تماثيل بالإضافة لقرائتي بالكتاب المقدس يلي صارت آياته كل يوم تتردد بذهني حتى في بعض الآيات كنت لما أقرأها أو أسمعها حس برهبة و قشعريرة. بالنهاية طلبت من الرب يسوع إنه يعطيني إشارة قبل ما بلش إذا هو الحق و الطريق.
بالمنام شفت صليب خشبي كبير و عليه شبه إنسان و الناس عم تعبر من قدامه لجهة تانية أشار لي الرب يسوع حتى أعبر بس قلت بقلبي رح خلي أمي تعبر قبلي مع إنو بالحقيقة هيي ما بتآمن بالرب يسوع راحت عبرت و بعدا كان متل كأنو ما عاد في وقت كتير حتى أعبر أنا بس وأنا بالمنام صممت إنو بدي أعبر و ركدت بسرعة و عبرت للجهة التانية من الصليب. تاني يوم تواصلت مع الأم ماغي خزام و ضافتني لغروبات التلمذة و تعمدت وخلصت وبتمنى أمي تعبر كمان بالحقيقة و كل عيلتي كمان.
تعرفون الحق و الحق يحرركم. آمين.
– حوريا من عفرين
تابعت مقارنات أديان وعرفت أنه أنا عم أعبد إلاله الخطأ، تركت الإسلام ومن بعدها مباشرة طلعت فيديوهات أمنا ماغي قدامي وتابعت كل فيديوهاتها وتعرفت على ربنا يسوع المسيح وحبيته من خلالها وعرفت انه في طوائف لا تطبق كلام الرب في الكتاب المقدس فتعلمت انه كون مسيحية حقيقية، تعرفت على الرب، لمس قلبي وحسيت إني ولدت ولادة جديدة وتقربت منه أكتر لأنه إله الإسلام والمسلمين صمد لا يسمع ولا يستجيب وربنا يسوع المسيح هو نور العالم هو الطريق والحق والحياة وهو فدانا بدمه وحمل كل ذنوبنا وخطاينا نحنا غير المستحقين وقرأت الانجيل كله كلام مقدس مستحيل يجي أعظم من هذا الكتاب المقدس هو كل الماضي والحاضر والمستقبل وآمنت فيه وسلمت حياتي للرب يسوع وتعمدت والرب يكمل معنا للمنتهى ويكمل مع عائلتي وأهلي.
– غازي من حلب
أنا من عائلة مسلمة سنية انا ولدت بسوريا و رحت عشت بلبنان فترة و وقتها تعرفت على يسوع و انزرعت فيي بذرة الايمان وقت كبرت وصار عمري 16 شفت أمنا ماغي على يوتيوب و وقتها سقت الكلمة و صارت شجرة وتعرفت على الرب يسوع و عمل في حياتي معجزات و غيرلي حياتي و تكلم معي من خلال الكتاب المقدس و وقتها قرارت اني صير ( فليمون ) في تاريخ (30/7/2022) تعمدت كان يوم السبت الساعة (2)
– أحمد من حماه
سلام الرب يسوع المسيح الرب ، انا دانيال (احمد سابقاً ) من سوريا تعمدت على اسم الرب ولبست المسيح بكل فرح وقبول وشوق للرب يسوع له المجد، انا من الناس الي كنت متشدد بالاسلام كتير وخاصة الطائفة السنية وبظرف اسبوع واحد بس الرب يسوع قلبني من عبد وثني الى ابن حر أنا صرت حر بالمسيح يسوع هو الهنا هللويا للرب وبتمنى من كل يلي عم يقرا قصتي انتو قولوا ليسوع اذا كنت الرب الحقيقي الحي الى الأبد تعامل معنا وأنا واثق بالرب يسوع انه الروح الي تعامل معي رح يتعامل معكن باسم يسوع المسيح الذي لا يخيب.
– صفوان من اللاذقية
انا كنت من الطائفة العلوية واليوم تعمدت ع اسم الرب يسوع المسيح مرقت أيام كتير صعبة عليي لافهم عن المسيح بس كنت حب المسيحية بطريقه لا إرادية ( الدين الاسلامي ماتعلقت فيه ولا كنت حب محمد ولا قدرت اقرأ القران افتحو وسكرو روحي ترفضه ماقدرت كل ماحاول ) بينما الإنجيل العهد الجديد قريتو كلو وهلق عم اقرأ العهد القديم كنت حاول اسأل كتير مسيحيين ودور ع النت لشخص بس انو يخبرني عن أي سؤال عن المسيح منن يحظروني ومن مايردوا لوقت شفت أمنا ماغي عالنت بطريق الصدفة وتابعتها وحبيتها وشوف كل اللي اسأل عنو لاقيلو جواب بكلامها وتعلقت اكتر واقتنعت بكلامها وتواصلت معها لاسألها سؤالين كانو خاطرين ببالي وجاوبتني مع اني كنت اسأل حالي انو معقول اني اتلمذ ع ايد امرأة؟ ليش ولا رجال ورجاني الحق ؟ ومن بعد ما دخلت ع التلمذة تعلقت اكتر وصرت ادعي ربنا لو في( 10) أشخاص متل أمنا كان عدد المسيحيين أضعاف مضاعفة ورح خبركن شي انا فتره التلمذه كانت من اصعب المراحل بحياتي حاول الشيطان يوقفني بطرق كتيرة شهرين ماعرفت النوم بالليل أنا وسهران مع والدتي بالمستشفى وانضربت بسكين لأول مرة في حياتي بس الحمدالله ما انئذيت وتوقفت بالسجن غدروا فيني اصدقائي بس ركعت بالسجن وناديت الرب بقلبي وصليت وبعتلي الشيطان عدة أشخاص ليشوشوا عقلي منن مابآمن ولا بدين وحاول يقنعوني ما رديت قلت أنا مشيت بطريق الحق ولازم كمل لو شو ماصار. ملاحظة أخيرة كل يوم كنت اتشوش فيه كتير وضغط كون عم اقرأ الانجيل وقت افتح بشكل عشوائي آيتين دائماً لاقيهن قدامي ( أنا هو الألف والياء البداية والنهاية )( لاتخف أنا هو الأول والآخر والحي وكنت ميتاً وها أنا حي إلى أبد الآبدين آمين ولي مفتاح الهاويه والموت ). و اليوم أنا مسيحي.
– يحيى من طرطوس
بدايةً أنا بحب اشكر ربي أنو دعاني لحتى كون معو ولحتى نال الخلاص والحياة الأبدية وأخرجني من الظلمات إلى نوره العجيب اليوم بتاريخ ١٨ آب ٢٠٢٢ انا تعمدت ولبست المسيح انا آمنت وتعمدت وخلصت، اندفنت بالماء متل ما اندفن المسيح وقمت من الموت متل ماقام المسيح وحصلت عالحياة الأبدية
قصتي مع المسيح: أنا شب عمري 20 سنة من سوريا طرطوس من اقلية اسلامية سنية بهي المحافظة وغير هيك انا من أكبر وأهم العائلات السنية المتشددة بطبعها للدين الإسلامي عشت وتربيت على القواعد الإسلامية وكنت حافظ للقرآن ومواظب على عبادة ضد الإله بشغف وشهوة مخافة عذابه الأليم يلي وعدنا فيه بالقرآن اذا ما اتبعناه بحياتي ماكنت اتصور اني بيوم من الأيام فكّر مجرد تفكير بتغيير ديني
عشت ببناء وحارة مسيحية ١١ سنة من حياتي قضيت فيها طفولة ومراهقة وشباب وماخطرلي ولا لمرة اسأل سؤال واحد عن المسيحية او المسيح لأني بداخليتي كنت مفكر اني بعرف المسيح أكتر منهم وانو الإسلام علمني كتير منيح مين هو المسيح بعد فترة اخدت البكالوريا وانتقلت من الحارة وبلشت بمهنة أجدادي وأهلي يلي بيشتغلو فيها كل السنية بالساحل السوري وهيي البحر، سافرت على سفينة وحققت حلمي وحلم اهلي فيني وبعد فترة بسيطة من سفري حوالي تلت شهور ببلش امرض وامرض اخدوني على دكاترة كتير لحد ماقلي دكتور بالبرتغال انت يمكن معك سرطان دماغ ارجع على بلدك وبيتك واهلك واعمل صور وتحاليل فعلا بعد ١٥ يوم بالسنغال بحجز طيارة وبرجع على سوريا وانا مهموم وفاشل وضاع حلم حياتي كله بس ماكنت عرفان انو وقتا بلشت حياتي المهم فجأة ارتدت عافيتي وتحاليلي وصوري كانو سليمين مية بالمية وقالولي الأطباء انت مافيك شي، كنت مزعوج اني ضيعت حلم حياتي ورجعت عالبلد وانا مافيني شي، اكتئبت كتير وفتت بحالة عزلة وحزن وفجأة صرت اسمع أصوات براسي تناديني كان صوت الرب يسوع كان يحكيني يقلي انا مشتقلك انا بحبك بدي ياك معي صرت كل ماشوف صليب او مر من جنب كنيسة قلبي ينط من محلو وحس انه في شي عم يشدني لجوا هون حسيت انو الموضوع ابداً مو خيال حكيت مع صديقة مسيحية وقلتلا بدي ياكي تاخديني عالكنيسة في حدا مشتقلي وانا مشتقلو كتير هنيك رح ارتاح من جوا استغربت البنت من كلامي وفهمت تقريباً شو بقصد وقالتلي في شخصية عالسوشيال ميديا اسمها ماغي خزام بنصحك تحضرها وتقلي شو رح تحس وفعلاً فتحت أول فيديو والتاني وفجأة لقيت حالي مدمن على ماغي وعلى المسيحية كلها وقتها قررت اني اتواصل معها حتى اتعمد واكتر شي انصدمت فيه انو ربنا سهل اموري كتير وفورا أمنا ماغي ردت عليي وضمتني لغروب التلمذة يلي كان منو البداية ٨ شهور بقيت صابر وناطر خلاصي لحد ما اجا دوري وببركة رب المجد وتعب أمنا ماغي يلي فضلها على راسي طول العمر وصلت ليلي بدي ياه وقدرت اتعمد واحصل عالحياة يلي كنت محروم منها حصلت عالخلاص والحرية لبست المسيح صار فيني وصرت فيه بشكرك يا ربنا كتير بشكرك أمنا ماغي.
– خلود من جبلة
أنا من أسرة مسلمة ومتزوجة من الطائفة العلوية من حوالي خمس سنوات أصبحت مطاردة من الشرير يعني صار عليي تسلط شيطاني أحداث وتخويف عندي بالبيت وأصوات مرعبة، في ليلة قلي زوجي نامي وحط القرآن فوق رأسي وبنفس الليلة اجاني بالحلم رجل وامرأة ماعرفتون قالولي شيلي القران وجيبي الإنجيل هون صحيت مرعوبة وقلت معقول في أعظم من القرآن صحيت الصبح وحكيت الحلم لزوجي وهون قرر زوجي ياخدني ع كنيسة وبالفعل رحنا وحكيت كل شي ل الخوري هون الخوري قلي هي روح شيطانية وصلى لي وعطاني الإنجيل المقدس وحطيتو بالبيت وطلع أعظم بكتير من القرآن واختفى كل شي كان يطاردني
بنفس الليله شفت ربنا يسوع قلي أنا معك ومدلي ايده.
رجعت بعد فترة قصيرة قررت اتعمد رفضوا يعمدوني رجعت كمان شفت ربنا يسوع عم يعمدني وبليلة سمعت صوت قوي جداً نادالي وقلي انتي اسمك مادلين هون عرفت انه غيرلي اسمي وشفت نعم وبركات كتير من ربنا واحدة من نعمو انو صار عندي بيت بشكر الرب
هون للصدفة عن طريق الفيس بعتلي مرتل بكنيسة طلب صداقة وكان من مصر وقبلت صداقته وصار يعلمني كل شي وكيف صلي هيك لحتى لقيت أمنا ماغي انشديت لها وصرت تابع حلقاتها كل يوم سبت بقيت سنتين متابعتا ومن فترة 3 شهور عم منحكي أنا وزوجي قلتله حابة اتلمذ عند أمنا ماغي وكان ماعندو مانع وقلي لازم تتعمدي وبالفعل قبلتني أمنا وتتلمذت واليوم نلت خلاصي وربنا يثبتنا للمنتهى.
– منى من دمشق
انا منى ولدت من اهل مسلمين ولكن للاسف رغم اني كنت صوم رمضان وصلي مع هيك كنت حس انو مافي اله حقيقي يسمعني بحياتي ومافي طريق ثابت بحياتي او امان عم بوقع واخطي ومافي اله يسمعني وضليت هيك لكبرت وحس اني ضايعة عم صلي بلا نتيجة او سلام وعن طريق صدفة سمعت ل امنا الغالية ماغي خزام وصرت اتعلق بكل كلامها وحس اديه كلامها في سلام ومحبة وكنت حس اني محبوسة لان للاسف من صغري لكبرت كان محفظينا كلام نردده بلا مانفهم وصرت ابحث بالقرآن ولقيت بتفسير لآيات كتيرة بتخالف العلم وكأنه حكي من عصور ماقبل تاريخ عن امور ميتافيزيقية واساطير و اضافة لعلامة استفهام، كيف نبي بيتزوج مرت ابنه بالتبني وبيمنع انك تتبنى وتنقذ طفل بسبب شهوته تجاه كنته، بوقتا حسيت اني أكلت أكبر كف بحياتي لما عرفت اني عم اتبع نبي هو ل اله ضد الإله الخالق ولافي اعجاز حقيقي بالقرآن يلي طول عمري كان يحفظونا هل شي وركعت وصليت وقلت يارب أنا متاكدة انك موجود ساعدني والرب كان معي و وصلت لطريق الحق يلي هو الرب يسوع المسيح وآمنت فيه و بفضله عطاني كل نعمة بحياتي اليوم وشفاني وغسل حياتي يلي كانت مليانة بقصص غلط وحسيت بالسلام والأمان يلي بعمري كلو ماحسيته والرب يسوع فعلا كان لالي ربي ومعلمي وابي وبفضلو دخلت وتلمذت وحياتي تغيرت وبشكر الرب يسوع المسيح ألف مرة على احلى يوم بحياتي يوم تعمدت لأن ولدت من جديد وخلصت وبشكر أمنا الغالية ماغي عكل شي.
– كاظم من حلب
اشكر ابي السماوي لأنه استجاب لصلاتي، عرفته و تركت الاسلام وتتلمذت عند إمنا ماغي خزام، طلبت انه اكون متل الرسول بولس و الرب أرسلني من حلب الى دمشق وتعمدت.
– مايا من دمشق
انا مايا كنت سابقاً مسلمة سنية، بلشت قصتي من وقت ما سافروا أهلي عتركيا وتركوني لحالي مع اخت طايشة مو حاملة مسؤليتي بالمرة
بكل خطوة بهالعمر الصغير كنت حس في ايد ماسكة ايدي وعم تدلني شو اعمل حس في اب معي وانا مو شايفتو بعيني تعرضت لكتير حوادث بحياتي كلها سيئة واطلع منا بمعجزة بهالعمر لصغير كان يسوع حاميني وماسك بايدي وانا ما بعرفو لصرت 16 وهو عم ينجيني ويحميني ويكون معي، افتكرت انه اللي عم ينقذني هو الله ومحمد فقررت اتعمق بالقرآن والسنة و نفرت منهن بشدة، نفرت من الدموية والعنف، قلت مستحيل الرب يأمر بشر متلنا يقطعوا ايدنا ويعذبونا، مستحيل يكون هيك كلام الرب ، نفرت بعد ما تعمقت بالقرآن ولقيته واصفني بالعورة وحلل للرجل كتير امور حرمها عليي وفضل الرجل عني بآيات قرآنية واضحة حلل الزنا باسم الشرع و وعد بالحوريات ووصف الجنة كأنه بيت للزنى و الفاحشة وصرت ابعد ويزيد نفوري أكثر لوقت ما تعرفت ع رفيقتي المسيحية وهي ساعدتني لاتعمد وطبعاً معموديتي كانت بسبب إيماني القوي بالرب يسوع المسيح والمعجزات يلي صارت بحياتي لأنه أدركت أنه اللي كان حاميني هو رب الحياة و الشفاء الرب يسوع المسيح مو إله تقطيع الأعضاء و القتل.
– أسامة من دمشق
انا اسامة واللي خلاني غير ديني كانت رؤية شفتها بيوم مميز “يوم ذكرى قيامة الرب يسوع.
. يلي هو عيد الفصح سنة ٢٠٢٢” شفت اني كنت اتعمد وهذا شي مقدس كيف ماكان تفسير الرؤيا، صرت ابحث ودور حتى اعرف الدين الحق
فسألت رفيقتي مسيحية وانا بتشكرها لأنها كانت سبب عبوري.
قالتلي الرب بيريدك تكون واحد مننا فانا صرت فكر كثير ومقتنع وخايف فبعتتلي الإنجيل من موقع أمنا ماغي قرأت إنجيل متى وكان سهل ومفهوم الي وعرفت وين بدي اتوجه بعد ما شفت انو محمد افسد ما جاء به الرسل واني كنت بطريق الشيطان فطلبت إشارة من ربنا لاتأكد فشفت رؤيا اني فايت ع كنيسة وتنين رهبان فاتحيلي الباب و يحكولي ادخل و آمن وانا وقتها تعرفت ع أمنا ماغي عن طريق رفيقتي بعتتلي صفحة الفيسبوك وصرت اخد تلمذة و تعمدت وعبرت والشكر لربنا و لامنا ماغي و لرفيقتي يلي عملت معي هاد المعروف وعرفتني على أمنا ماغي وقالتلي حاكيها و تتكفل لك بكل شي
اليوم أنا صرت فعلياً إنسان بالإيمان بيسوع و بالعقل السليم الخالي من الجهل.
– عمر من السويداء
انا من خلفية درزية اتعرفت على ربنا عن طريقة معجزاته معي كان يظهرلي ويساعدني بحياتي بس ما كنت بعرف انو هو الاله الحقيقي فقررت روح على الكنيسة كرمال اعرف مين هو يسوع وفعلاً صرت حب ربنا واتعلم عنو وزاد ايماني وتعلقي فيه وكان كل يوم عن يوم عم يأثبتلي انو هوي موجود وهوي الحق حاولت كثير إني اتعمد بس ما قدرت وبأحد الأيام بشوف منشور على صفحة المسيحين الجدد وبتواصل مع امنا ماغي بتشكرها كثير انها قبلتني وتلمذتني وتعبت معي ما قصرت ابداً ربنا يقويها ساعدتني لأتعمد و بتشكر الرب آلاف المرات على نعمة الخلاص والمعمودية وعلى وجود امنا ماغي بحياتنا.
– إسلام من طرطوس
سلام المسيح انا كنت مسلم وكنت صلي وصوم و اعمل كلشي مطلوب مني بس اجت فترة انا ماعاد قدرت انو كفي بهالشي لانو ماكنت استفيد ولا بشي كنت حس حالي عم صلي لحجر و كتير كانت تدور براسي اسئلة مالها اجوبة حتى وصلت لمرحلة وصرت لا ديني تقريباً.
بعد فترة تعرفت عشخص دلني ع أمنا ماغي و صرت تابع فيديوهاتا وفهمت شو يعني يسوع المسيح ابن الله الحي و وثقت و آمنت و طلبت من ربنا انو يساعدني لصير شخص منيح و فعلا كتير تحسنت حياتي من وقتا وتغيرت كتير شغلات معي و هي انا اليوم وصلت لخلاصي وتعمدت وحبي حيكون للموت لربنا يسوع مسيح.
– فارس من السويداء
كان يخطرلي عبالي سؤال دائماً إنو ليش نحنا كبشر موجودين عالأرض ونهايتنا الموت. ما دورت على جواب بالأديان لأن ما كنت مقتنع فيهن أساساً وكان برأيي إنو في إله خالق الكون بس ما إلو علاقة بالأديان.
كنت دائماً أنا وقرايبي نتناقش بنفس الموضوع لحد ما هوي تعرف عالرب يسوع (وأنا كنت مفكر المسيح نبي) وحكالي عنو كيف غير حياتو وشفت فعلاً التغييرات بحياتو. بعدها دلني عالكتاب المقدس وأمنا ماغي يلي تعرّف عالرب يسوع من خلالها، ومن وقتها صرت احضر حلقاتها مع قراءة الكتاب المقدس لفهمت إنو عيسى غير يسوع وفعلاً وقتها الرب فتحلي عيوني وجاوبني على كل أسئلتي، وطلبت من أمنا التلمذة ونشكر ربنا تعمدت بعد ما تلمذتني.
– منى من طرطوس
انا كنت مسلمة ولكن ملحدة كنت قول مافي الله وهو غير موجود لحتى وقع بين يدي كتاب عن الرب ( الكتاب المقدس ) قرأت فيه شدني إليه قرأت المعجزات آمنت به أنه هو الإله الحي الذي قام من الموت وحمل خطايانا غيرلي حياتي كلياً وبشكر أمنا ماغي يلي عرفتني على الرب اكتر بشكر ربنا يلي خلصني من الظلمة وعرفني على النور الحقيقي
تتلمذت و اليوم كانت معموديتي، بشكرك يارب لأنك أنت ربي ومخلصي للأبد.
– ملاذ من سوريا
أنا من الطايفة العلوية. الطايفة العلوية عقيدتها حصريا للذكور و الشب بيتعلم الدين بشكل سري من رجل الدين بعد سن ال ١٦. بسبب اعاقة بصرية رجل الدين رفض يعلمني تفاصيل العقيدة الباطنية وقال ان اعاقتي سببها لعنات من الله بسبب ذنوب انا ارتكبتها في اجيال سابقة. انا رفضت حتى اني صدق الفكرة لاني متاكد ان مستحيل اله عادل يعاقب حدا على ذنوب ارتكبها شخص تاني بحياة تانية.
في الجامعة تعرفت على شخص سني ملتزم كتير و صار يدعيني للجامع ولاني شخص مؤمن ان في اله جربت افهم المذهب السني وبلشت طبق الفروض. لمدة تقريب السنة بقيت سني وقوم بكل الفروض بس من دون ما زور جامع وما كنت حس بأية طمأنينة أو سلام روحي فقررت زور الجامع وبلش صلي فيه أملاً بالتغيير. للأسف بأول مرة كنت على طريق الجامع انضربت بسيارة وانكسرت رجلي وانعطب جبيني. بالمرة التانية بعد شي ٣ اشهر وصلت للجامع وعلى باب الجامع حسيت فجأة اني رح اختنق و ان في شي قوة عم تدفعني لبرا و صوت يقلي لا تدخل فقررت إني ما ادخل واسمع للصوت الي عم يخاطبني.
بقيت ضايع بلا إيمان لعدة سنوات حتى مرة شفت فيديو لامنا ماغي آخر سنة 2020 بلشت اسمع الكتاب المقدس بصوت امنا ماغي وتابع فيديوهاتها / تقريباً حضرت كل الحلقات.
قررت إني أطلب التلمذة فتواصلت مع امنا ماغي وبلشت افهم وادرك ان الله الحق بيحبنا ودايما ناطر رجعتنا، عرفت ان الرب بيسمع و بيلبي وانه مانو اله اصم أو غير موجود.
انا تعمدت على اسم رب المجد يسوع المسيح بفضل امنا ماغي ومن وقت ما تعمدت وشهدت للرب كل حياتي تغيرت ١٨٠ درجة.
– سامية و عائلتها _ القومية كردية
انا من خلفية مسلمة من أب كردي وأم مسيحية مارونية لبنانية وغيرت للإيمان المسيحي وما عندي أي معرفة بالاسلام غير من المدرسة وكنت وقتها أحس بالتناقض بين الآيات والأحاديث وحس ما في شي منطقي ولا شي بمس الروح وكنت بيني وبين نفسي قول شو هل الرسول الشاذ إلى ما بيعمل شي غير الغزو والسبي والقتل حسيت اديش هو ظالم وكرهتو كتير لما عرفت اتزوج بطفلة ٩ سنوات ولديه ١٣ زوجة فكرت بين حالي وقلت هل الرسول بدو يأدي رسالة الهية ونبوية ولا بدي يغتصب وينهب ويظلم ويكفر ولما تعرفت عل المسيح عن طريق خالتي عرفت اديش في فرق كبير وحاشا انو يتقارن المسيح مع الرسول الكذاب بس عرفت وقتها انو المسيح ما عاش وما اجا الا ليوصلنا كلام الرب وانو هو المخلص الوحيد للعالم وحتى ولادته عجائبية غير كل الأنبياء وانو الوحيد الخالي من الخطايا و انو عمل اعاجيب كتيرة فتأثبتلي ان هو الإله الحقيقي وهو الوحيد الحي بالسما غيرو كلون اموات وهو الوحيد رح يجي مجيء تاني بالقيامة ما حدا غيرو وهي كانت كلها اثباتات لأعرف انو يسوع هو الحق.. تتلمذت و تعمدت انا و زوجي و اولادي عإسم المسيح
– بُشرى من دمشق
انا من عائلة مسلمة ليست متشددة كبرت بهذا الدين وانا لا اعرفه ولا احبه حتى سماعي لصوت القرآن يفزعني واحس شياطين الدنيا أمامي وكان عندي أسئلة أريد أجوبة عليها وكلنا يعرف ممنوع الخوض بأسئلة وكنت اكره من قلبي لبس الاسلام
لما كنت صغيرة أتسائل لماذا خلقنا الله لنتعذب ونحرق بالنار و المرأة تهان من الرجل.
كنت صغيرة و عندي حب للمسيح مزروع بقلبي مابعرف ليش رغم اني كنت مسلمة بس كنت بحبو اكتر من نبي الاسلام محمد بس مابسترجي أحكي
انتقلت لدولة غير بلديووصدفة أبحث عن أجوبة صادفت فيديوهات أمنا ماغي
بلشت ألاقي أجوبة للأسئلة الي بقيت 4 سنين أبحث عنها وعرفت إنه مش فضولي خلاني ادخل عالصفحة هو ترتيب ربنا إلي لحياة جديدة مع الإله الحقيقي وانتقال من الظلمة للنور
وقررت أكون مستردة لنور المسيح قررت أعبر بعد كذا أشارة اجتني من ربنا يسوع في احلامي ومد اليد لمساعدتي واليوم تعمدت وصرت ابنة للرب
وبشكرك أمنا ماغي ع تعبك معنا وبصلي للكل ربنا يفتح بصرهم وبصيرتهم لمعرفة طريق الحق.
– آية من دمشق
كنت حدا ضايع تماما تعرفت على شب مسيحي هو يلي عرفني عالرب وعرفني على امنا ماغي فتحت عالصفحة وصرت تابع فيديوهاتا وصرت اتعرف على يسوع اكتر واكتر واتاكد انو كنت على غلط وحياتي كانت ظلام بظلام اليوم بمشيئة ربنا تعمدت على اسمو وصرت بنتو
شكرا لامنا يلي كانت جنبي على طول وجنب كل اخواتي بالكنيسة الله يخليلنا ياها ويخلص كل حدا ضايع عن طريق الحق.
– نها من السويداء
انا نها من سوريا تعرفت على الرب الإله عن طريق بنتي يلي تعامل معها وشفاها أمنت بالرب يسوع المسيح ولقيت معو السلام والأمان لأن هو الرب الحقيقي الحي كنا كل الوقت نعبد وندعي ونصوم ونصلي للرب الغلط انا كنت شبه عاجزة بسبب التهاب العصب الوركي والديسك صليت ودعيت وركعت وشفيت نهائي من مرضي ولما راجعت الدكتور بعد الفحص قلي عمليتك كثير ناجحة قلتلو بس اني ماعملت عملية بشكر الرب الإله وبشكر أمنا ماغي لان هي يلي علمتنا وتلمذتنا وصرنا أولاد الرب.
– سماح من السويداء
اني من خلفية درزية تدعي الاسلام وتدعي شمولية الاديان وافكار التقمص والعبودية والتبعية المتعددة، شعور النقص تملك افكاري كأي شاب بمعترك الحياة، لم ادعي محبة يسوع المسيح بل كانت موجودة بالقلب ولكن بقيت بجهل الاديان اتبع اكثر من سيد و ولي وصحابة وادوار بالتقمص لهم حتى بلغو اعداد لا تحصى من مقامات واضرحة حتى نسينا وجود الخالق الرب
كثيرة هي الاحداث التي مررت بها تنبهني أن عباداتي خاطئة حتى عن قريب الوقت سمعت كلام الام ماغي خزام عن طريق النور ومحبة الآب لأبنائه ومغفرة خطاياهم بالمخلص المسيح الحق و الشفاعة بالروح القدس، كانت قناعاتي تتضح لي وكيف الخلاص وطلبت التلمذه لأكون من المستردين للاله الحقيقي طلبت المعمودية ونلت الخلاص طوال فترة التلمذة والرب يسوع يساعدني وينجيني من كل شر وخطيئة من حولي.
لمن يطالب بمعجزه انا عشتها ولمست محبة المسيح بنفسي تغيرت حياتي للاحسن صحيا ونفسيا والسلام الداخلي من نعمة الرب التي طلبتها وأخذتها.
– غدير من اللاذقية
سلام المسيح اسمي غدير كنت من الطائفة الاسلامية العلوية وأهلي متدينين، من أنا وصغير بحس لأسم يسوع هيبة وخشوع خاص وشوف بالتلفزيون كيف ابن الرب عم ينصلب ليمحي زنوبنا ويفدينا بدمه وروحه لنخلص من الخطيئة .
اما بالإسلام انكروا انو انصلب وفدانا وكفروا المسيحيين واليهود وقالوا انه الانجيل والتوراة محرفين، وما كنت مقتنع بهالشي ابداً .
كتير كنت حبيت تعامل الشعب المسيحي بالرحمة والحب المتبادل و تقيدن بتعاليم الرب يسوع ، كنت شوف عنا الناس كيف عم تنهش ببعض وتسيئ لبعض وقتل ودبح وحتى ضمن طوائف المسلمين نفسن ، والمشايخ يلي متل كهنة معبد آمون بس حطا بس عحشي بطونن وجيابن .
وبعد فترة شفت بث مباشر للأم ماغي خزام عم تقول انه الرب يسوع قال : (احترزوا من الأنبياء الكزبة الذين يأتونكم بثياب الحملان ، ولكنهم من داخل ذئاب خاطفة . ومن ثمارهم تعرفونهم) . هون صرت اقرأ الكتاب المقدس قارنت بين العهدين القديم والجديد والقرآن
من حيث الدقة والواقع والثمار والصدق في توصيف الحقيقة، ووجدت شتان ما بين وبين !!
بعدها تواصلت مع الام ماغي وتتلمذت عندها مشكورة واليوم تعمدت على لسم الآب والابن والروح القدس.
– فهيمة من حمص
أنا من خلفيه يزيدية كنت عايشة متل كل كردي يزيدي بنآمن أنو في خالق بس ليش هيك عايشين معترين مابنعرف مافي عند حدا جواب كل الأجوبة غير مقنعة وصلت لمرحلة شبه إلحاد تعثرت أموري كتير لدرجة صرت اكره عيشتي وضل اسأل حالي ليش هيك؟ ليش انا؟ شو عملت انا لحتى أعيش هيك؟ طيب وينك يا رب؟ ليش ماعم تساعدني؟ لا حياة لمن تنادي
دخلت على انترنت وكتبت ساعدني يارب
على أمل أنو تطلعلي شي آية أو فيديو أو أي شيء يعطيني أمل إنو ربنا موجود
طلعولي فيديوهات كتار لأمنا ماغي خزام حبيت طريقة شرحها للكتاب المقدس واقتنعت بكلامها و قرأت الكتاب المقدس و حسيت بسلام غير و بحب غير وفرح غير شعور لا يوصف حسيت حالي انا لست من هذا العالم بطلت افكر بالارضيات و لا عاد بدي شي غير ملكوت الاله وبره والتواضع واحفظ كلام ربنا واعمل بوصاياه
نشكر ربنا عليكي أمنا ماغي خزام انتي كنتي بالنسبة إلي ضوء نور وصلني للطريق ربنا يبارك خدمتك ويبارك صوتك يلي صار سبب خلاص الملايين نشكر ربنا انا اليوم عبرت من الظلمة إلى نور المسيح وتعمدت وبصلي ربنا ينور طريق كل حدا تايه و ضايع ما بعرف الطريق ليعرف الطريق و الحق و الحياة.
– ثناء من طرطوس
كنت انسانه تعيسه كتير بحياتي مشاكل زوجيه وامراض كتير وكوابيس ماتخليني نام واقرا قرآن كتير وتزيد عليي المشاكل شفت كتير آيات غلط ماقتنعت فيا هون الحدت
بعد فتره بناتي بشروني بالرب يسوع المسيح وجابولي الكتاب المقدس قريته دخلت قلبي كل كلمه فيه وآمنت بالمسيح لان استجاب دعواتي وصلواتي وقلب حياتي كلها زوجي تغير كتير وانا شفيت من امراضي الرب يسوع المسيح أغناني عن كل الاطباء وصرت نام نوم عمري مانمتو كل المجد للرب الى الابد آمين
صرت تابع امنا ماغي حفظت منها كتير وحضرت كل حلقاتها حتى الحلقات القديمه حضرتا كلا لان أي شي كنت ما افهمه بالكتاب كنت لاقيها مفسرته.
معموديتي كان يوم من العمر من فرحتي ماقدرت نام حسيت قلبي رح يطلع من محله كانت احلى فرحه بعمري و من يوم معموديتي وقفت المنوم وقت بدي نام اطلب باسم الرب يسوع المسيح ونام .. كل المجد للرب يسوع المسيح.
– بنات نورا الأربعة من حماه
تعمدت قبل سنتين و بمعموديتي مات الجسد العتيق وحتى اخلاقي وعصبيتي اكتئابي كله تغير وصار عندي فرح وسلام هالشي صار ينعكس ع بناتي اللي كانوا يعانوا من عصبيتي وعدم وجودي بسبب حبوب المهدئات والمنوم ، بلشوا يسألوا عن التغير ويتعرفوا ع ام جديدة كلياً.
صرت احكيلن عن رب بحبنا وفدانا بدمه وعلمهم كل شي تعلمتوا من أمنا ماغي ويحضروا معي كل صلاة وحلقة لامنا ويجذبن هالايمان والسلام والفرح الي فيه، كانت حلقات الكتاب المقدس للاطفال الي عملته أمنا بشرح مبسط ولطيف الأساس انهويفهموا الكتاب والبشارة وتسكن كلمة ربنا قلبهم.
أسست أمنا ماغي كنائس للأطفال وصاروا بناتي يصلوا ويشوفوا محبة ويحسوا بسلام وفرح ماكانوا أبداً موجودين قبل لا بمحيطن ولا بمجتمعن الي بيجبر الولد ع الصلاة والوضوء بالبرد والفيقة بكير وصولاً للضرب إذا ما صلى.
بعد سنتين من ايماني صاروا يطلبوا يتعمدوا وانا سعيت لهالشي ليصيروا اخوتي بالمسيح ويسكن فيهن الروح القدس ويتخلصوا من أخلاق أبناء العالم ليصيروا بنات وعرائس للمسيح ويتناولوا معي ليثبتوا بالرب والرب يثبت فيهم واقدر ارفع راسي وقت أوقف أمام الديان وقلوا يا أبي هدول وزناتي أنا كنت امينة انو جيبهم الك متل ماكانت امنا ماغي أمينة علينا وراعية لنفوسنا.
يا أبي بسجد تحت رجليك لاشكرك ع نعمة الخلاص الي ولبناتي ولانك استرديتنا من الظلمة عن طريق قديستك المباركة.
– معتصم من السويداء
انا كنت من خلفية درزية عندي شك بكل الدنيا وعندي اسئلة ما كان الها جواب، سافرت للعراق وصار معي مشكلة مصاري كبيرة انتصب عليي ب 15000$ اتدخلت فيها الدولة وعشائر واحزاب ويتركوني بنص الطريق وبقيت لحالي وصاروا يهددوني وما قدرت أعمل شي، اجا واحد من اصدقائي اسمو مجد من الي صاروا مسيحيين عن طريق أمنا ماغي خزام كان عم يقنعني من قبل اني صير مسيحي بس كنت ما اهتم لالي، بس وقعت وكبرت مشاكلي ورجعو هددوني بشكل اكبر واقسى وخسرت شغلي، رجع رفيقي اجا وحكاني قلي جرب مش خسران شي، جربت ونجحت ثاني يوم لقيت شغل و تغيرت ما عاد خفت منن وواجهتن وصرت صرخ عليهن قبل ما كنت اقدر احكيهن من خوفي على مرتي وابني.
دخلت غروب التلمذة عند أمنا ماغي وتعرفت على الرب كنت كل ما اقعد بلا شغل صلي ويومين ولاقي شغل، انكسرت اربع مرات على ايجار بيتي صلي للرب ويتأمنوا.
مرة وقفت صلاة فتأخرت عن ايجاري اسبوع و رجعت اتهدد بابني ومرتي صليت وقلتله لرب الجنود اما خلصني او خلصو لتكن مشيئتك اجا الرد بعد يومين انو المصيبة اختفت من الدنيا رب الجنود هو الي نجاني ووقف معي لان كان بيعرف اني عم اتعمل مع شخص هوي الشيطان نفسو، اليوم تعمدت أنا و مرتي 29/ 11 / 2022 بشكر ربنا لانو قبلني ابن.
– نصر من السويداء
انا خلقت بعيلة من خلفية درزية وبعد ما وعيت ع الدنيا عشت بضياع وخطايا وعدم توفيق وكانت حياتي جحيم سافرت وللأسف أسلمت وكمان زادت الخطايا والآثام والأغلاط وتدمرت حياتي وبيوم بشرني صديقي بالرب يسوع وآمنت ومن لحظة ايماني، تمجد بحياتي الرب وبعدت عند أمور كان ببالي انو مستحيل ابعد عنها وكان يوم بعد يوم عم يتمجد اكثر واكثر وكل ما أقع ايد الرب تشيلني وكثير مشاكل كانت مستحيل تنحل بس حطها بأيد الرب تنحل ويتمجد اسمو بحياتي اكثر واكثر لغاية اليوم 22/ 11/ 22 تعمدت وصرت مسيحي.
– فريدة و زوجها وولديها من حلب
اسمي فريدة محمد كنت انا وعيلتي بلبنان من عام 2010 وتسكرت بوجهنا كل الطرق و بقينا تعبانين بحياتنا لعام 2015 خبرونا عن كنيسة فيها جمعية بصيدا رحنا أنا و بنت حمايي و داومنا عالصلاة عندهن ومنشكر ربنا تفتحت عيونا للحق وتبعنا طريق الرب يسوع المسيح.
ما بنسى أول مرة فتحت الكتاب المقدس فتح لحاله عقصة يوسف قرأتها شفت ١١ اخ تخلو عنه بس الرب ما تخلى، وبلشت ابكي مابعرف شو صرلي حسيت حالي ولاشي قدام الرب ومحبته ومعجزاته، وقتها صرت أصلي لحالي بعدين قررت انا وعيلتي نتبع الإله الحي وتعمدنا عام 2019 ومازلنا ثابتين بالرب رغم كل الاضطهاد و الصعاب.
– شذا من ريف حماه
قصتي بدأت بحبي للرب يسوع منذ الصغر ولم تسمح لي ظروفي ان أنال نعمة ربنا بالمعمودية انا من مدينة لا يوجد فيها ولا شخص مسيحي ولا كنيسة.
أول فيديو للأم ماغي فتح قلبي من جديد على حب الرب يسوع وتتلمذت وتمت معموديتي.
– منار من ريف دمشق
انا معلمة مدرس، قبل ما اعرف المسيح كنت بعاني من أوجاع من عمري 19 لمدة 7سنين اخدوني اهلي لشيوخ وصليت ل محمد و اقرأ قرأن ارتاح فترة و ارجع اصعب من قبل فوصلت لمرحلة ما بقا آمن إلا بوجود الله خلقني و يمكن كنت رح روح للإلحاد بعدها صرت ابحث اكتر و مابقا تابعت لان ضياعة وقت فبلشت تابع أمنا ماغي خزام واحضرها و تعرفت ع جوزي و قلي اقرأي الانجيل و لما قرأته تغيرت حياتي من جوا و برا و شفيت من أوجاعي وراح الخوف و الشر و ضليت اقرأ الانجيل وتابع أمنا ماغي و لهلئ بضل بقرأ و بتابعها.
ومرة شكيت بالرب فاجا الرب يسوع حسسني بجروح ايدي متل توما و من وقتا ما بقا شكيت ابداً بالرب و هلئ هالفترة عالاخبار عم خاف و اتعب وبحاجه قوي ايماني اكتر و اكتر
– مصطفى و زوجته صالحة من طرطوس
انا كنت مسلمة اسماعيلية واحضر دروس صلاة بس كان عندي أسئلة كتير مالها اي جواب حتى صرت أحضر دروس صلاة اجباري عني
واول مابعدت عن أهلي ورحت جامعة انكرت وجود اله بسبب ( الهنا والهكم واحد) كيف منقول عن المسيحيين مشركين وبيعبدوا 3 و بنفس الوقت إلهنا و الههم واحد؟
بعدا انخطبت لشب عنا نفس رأي واتزوجنا وسمينا ابنا اسم محرم إسلامياً وبقينا دون اله 8 سنين كنت هاجم الله وكل الرسل إلا المسيح كان في شي يشدني الو
لوقت شفت المسيح بمنامي وصرت اقرأ كتاب مقدس وابكي من الكذب يلي عيشونا فيه
واتحدثت لزوجي استغرب أولا لكن وقت طلب يسوع شافو عنا بالبيت وآمن
هون استدليت على أمنا الغالية ماغي خزام وصرنا نحضرها وكنا نسمعها بقلوبنا
ونشكر ربنا اتواصلنا معها وتلمذتنا واتعمدنا ع اسم رب المجد وهلق نحن عائلة مكرسة للمسيح.
– حسام من دمشق
ربيت ببيت يعتبر متشدد ومجتمع وبيئة متشددة بس بالرغم من هيك كنت حس انو انا مو منون مابيشبهوني كان يقولولي انو الله كتير غضوب واذا مامنصوم او نصلي لح يحرقنا
كنت خاف من هيدي الفكرة كتير هيك لحتى كبرت كان خالي شيخ كنت اسأله اسئلة كتير لحد مامرة قلي انو مابيصير اسأل لازم قول آمين عالعمياني
لحد ماجذبني الرب يسوع المسيح وصرت اتعرف عليه اكتر كنت فوت اقرأ عنو عالنت
كنت حسو بيشبهني وهيدا هو الاله المستحق للعبادة
الاله المحب للبشر و رئيس السلام يلي هوي عكس اللي كانو يقولولي انو هو الله
وطلعلي بالصدفة فيديو لامنا ماغي وبخلال يومين كنت حضران كل حلقاتا كان في شي جواتي يقلي هيدا هوي درب الرب
وقبل ٦ شهور اخدت القرار وفتت وقلت لأمنا بدي صير مسيحي وتتلمذت وتعمدت .
– نبيل من السويداء
اسمي نبيل من خلفية درزية كل عمري من لما كنت صغير كنت حب المسيحية وكانو جيراننا ياخذوني معهم عالكنيسة وكنت شوف الطيبة والبساطة والمحبة اللي بيتمتعوا فيها وكنت اتمنى لو نحن مثلهن ويضل شي براسي انو ليش نحنا منعتبر حالنا كدين افضل من المسيحية؟ وكبرت وصرت اقرأ ودور لأعرف (الله) شو هوي وشو بدو مننا وكان كل شي اقراه عن توعد الله النا بالنار وبجهنم وبالعذاب يعني ناطرنا على غلطة وبعد الحرب بسوريا كثرت التساؤلات براسي ليش الله عم يعمل بالناس هيك وبالصغار و وينه ما حمى حدا وبلشت انكر وجوده وتغيرت كل قناعاتي بالدين وبالاله لمرة مرتي طلبت مني تابع الأم ماغي وفعلا كان أول فيديو عن العشور وجربنا وتباركنا ومن وقتها بلشت احضر حلقات الام ماغي واختبرت الرب بحياتي وطلبت منه باسم الرب يسوع المسيح واستجاب من وقتها عرفت انه هو الحق والاله اللي بيسمع وبيستجيب وآمنا وتعمدنا أنا وزوجتي وأولادي على اسم الآب والابن والروح القدس.
الشكر لربنا عالخلاص وللأم ماغي اللي كانت سبب خلاصي مع عائلتي وربنا يثبتنا للمنتهى.
– أوس من السويداء
كنت قبل ما آمن غير انه في الله وكان عندي شك لأنه ماكان يستجيب لأي شي، ماكنت مآمن بأي طقوس او بأي دين، الأسلام لما اسمع قرآن كنت أنزعج وما أتقبل أسمعه كنت حس كأنه الشيطان عم يحكي لحد ما أختي فاتت مع أمنا ماغي خزام وتلمذتا صارت تبشرني بالمسيح وتشرحلي عنه لما كانت تحكيلي عن المسيح أنبسط لا ارادياً وحس كأنه في شي بحبو صار قررت اقرأ بالكتاب المقدس وأحضر مقاطع أمنا ماغي صرت اقرا واتفرج صرت أفهم شوي شوي وحبو للمسيح يجيني شعور حلو واقتنع وآمن بالرب يسوع شوي شوي صرت حبو كتير صليت وطلبت منو انو أسمع صوتو ماكان عندي شك انو المسيح هو الرب بس كنت ملهوف لأسمعو او شوفو.
كنت مرضان وماعم فيني حرك حالي حسيت حالي مشلول صرت صلي وعاتبه قلو ليش مانك معي وعم تخففلي وجعي غفيت خمس دقائق سمعتو قلي (لاتخاف أنا معك بس لاتشك) فقت حسيت الدنيي تغيرت حواليي راح الوجع وماعد حسيت بشي ضليت أشكره وقلو يارب خليني كون أبن ألك لما سمعت صوته صرت بدي اقرا واتلمذ عند امنا ماغي لحتى أتعمد وأخلص، تتلمذت ونجحت وأتعمدت بشكر أبي يسوع المسيح أنو دخل ع حياتي وغمرا سلام داخلي كان معي حتى بأتفه الأسباب وكان ينجيني من كل المشاكل قد ما شكرته مستحيل عبرله عن شكري الكامل لألو خلاني أتعمد وقبلني كأبن وعطاني خلاصه وبشكر أمنا أنو هيي كانت سبب أعتمادي وإيماني من حلقاتا العاملتن من قلبا لأنو بتحب العالم وبتحبن يعرفوا الرب الإله الحقيقي لحتى يخلصو وبطلب من ربنا يفتح عيون الجميع .
تُوبُوا، لِأَنَّهُ قَدِ ٱقْتَرَبَ مَلَكُوتُ ٱلسَّماوَاتِ.
– افتكار و ابنها حيدر من اللاذقية
انا نشأت من طائفة سنية ما كنت اقتنع ابدا بالتعاليم السنية لحد ما تعرفت على جوزي من الطائفة العلوية تزوجنا و جبنا حيدر كنت مقتنعة بالعلوية بس لسا فيه اسئلة براسي
ابني خبرني شاف بالصدفة فيديوهات لأمنا ماغي خزام و انو بدو يصير مسيحي و انا ما رفضت. بعد ما اكتشف ابني كتير شغلات و كل مرة يخبرني بتعاليم الرب يسوع المسيح
لقيت انو تعاليم الرب يسوع كتير مقنعة و قلتله انو بدي اتتلمذ معو عند الأم ماغي
و خلال فترة التلمذة حلمت بالرب يسوع عم يقلي: انا مبارك و انتي مباركة متلي
بعدين فقت لقيت مرسوم ع ايدي صليب
و أكملنا فترة التلمذة و كانت فترة كتير حلوة و تعمدنا باسم الاب و الابن و الروح القدس.
– منذر من دمشق
انا مولود بعيلة موفرتلي كل شي مادي بيحلم فيه اولاد جيلي و مع هيك دايما بحس في شي ناقصني و ماني مبسوط ضليت دور لاكتشفت انو ناقصني الحب الالهي ورعايته وايده معي بحياتي و لكن ما كنت اعرف شو الطريق للاله
و رغم كل شي موجود عندي الا انو من زمان فاقد للراحة و كأنو في عليي تسلط من عدو الخير لأنه من أكتر من سنة و انا مافي ليلة بنامها منيح كل ليلة كوابيس و أصوات و بفزع بالليل مرتين و تلاتة و خسرت شغلي و خسرت معو مبلغ كتير كبير
ماكنت افهم ليش الله الي عم حاول كون قريب منو عم يعزبني هيك و ماعم يخليني اتهنى لا بشغل ولا بنوم ولا بصحة منيحة
و اجا يوم اخدني صديق لعند شيخ و كتبلي آيات من كتاب عأساس انو سماوي من الله و رسوله وهو القرآن لاكتشف بعدين انه هالآيات مجرد طلاسم زادت الطين بلة و فتت بأمراض مفروض شب متلي بأول العشرينات ما بيعرفها متل الضغط و السكر و صار كل شي يتدهور للاسوأ
لحد ما تعبت و ركعت و صليت و طلبت من الإله يخبرني شو الطريق الي بوصل لالو و اذ بيفرجيني بالحلم صليب كبير عم يحميني
و هون فتحت عيوني و مخي الي بسكرولنا ياه من لما نولد و بلشت كل ما اتلمذ و اتعلم و اقرا الكتاب المقدس القشور توقع من عيوني و انو مشيئة الرب الاله خير دائماً و عرفت اني بستاهل كل شي مريت فيه لاني كنت تابع ضد الرب الحقيقي كنت ورا الشيطان المهلك الضار.
بنعمة الرب يسوع تغير كل شي و مبارح طلعت نتيجة تحليل السكر الي عطول بعملو لاتفاجأ انو كل شي رجع طبيعي و مافيني شي
بشكر الرب يسوع انو فتح عيوني عالحق و الحقيقة و عكل نعمو و عطاياه ل النا نحنا غير المستحقين وتعمدت اليوم 6 / آذار / 2023
– آية من دمشق
من لما كنت صغيرة كتير كنت اتمنى كون مسيحية كنت حس قديش عندن سلام و فرحانين وبحبو الرب حتى لو كانوا اسميين وكنت بحب السيد المسيح كتير وماكان عندي أي شعور تجاه نبي الاسلام كنت حب انبياء الرب كلن إلا هو، كنت حس انه مو نبيي المفضل وحاطط حاله خاتم النبين وأعظم نبي وهو دوبنا نحفظ أسماء زوجاته وأحداث غزواته اللي لا تحصى. بمرة طلعلي فيديو لأمنا ماغي خزام بالصدفة اسمه عودوا الى صحرائكم وقت المسلمين قاطعو المنتجات الفرنسية كان أول مرة بشوفها حبيت حكيها كتير مع انه ضد عقيدتي بس كان كل حكيها منطقي وصرت تابع فيديوهاتها دائماً وقلبي يقلي صدقيها وضليت بصراع لغاية فيديو كان القشة اللي قسمت ظهر البعير صرت متأكدة مية بالمية انو الاسلام مو هو الطريق للاله وقت حكت أسرار الحج الإسلامي قلت كيف الله بيعمل هيك بحجاجه وفتت دور لقيت اسوأ عشر مواسم حج وآلاف القتلى وحكت شي امنا كتير لفتني حجاج بالهند كمان راحو يحجو لالههن وماتوا قلت هدول ماتو اكيد لانو عم يعبدو الأوثان معناتا نحن كمان نفس الشي مو معقول هدنك الله عم يعاقبن ونحنا عم يكافئنا بالموت ووقتا تيقنت وآمنت بالرب يسوع وطلبت منه كتير أمور ولا مرة خيبني كان دائماً معي لانه اسمه لا يخيب وهو وحده الطريق مافي غيره، اليوم 27/ 1/ 2023 تعمدت و أنا للمسيح.
– ملاك من سوريا
انولدت بعيلة مسلمة، من لما كنت صغيرة كتير كنت حب الرب الخالق و كنت حس فيه و حبو من قلبي و الطريقة الوحيدة يلي كانت متاحة لأتعرف عليه هي الاسلام و القرآن و كانوا الناس يستغربوا انو صغيرة و متمسكة بالدين و عم تحفظي قرآن مع انو مافي حدا يجبرك و فعلا ضليت اقرا قرآن لحتى حفظته و ملتزمة بكل التعاليم لحتى كبرت.
بس كبرت صرت دقق باله القرآن شرير و حقود و عقله صغير وصار يطلع معي كتير شغلات بالقرآن بخجل انا البشر احكيها او فكر فيها بس طبعا متل كل المسلمين البسيطين يلي من طيبة قلبه بيفكر انو الشيطان عم يلعب بعقله ولانو مافي وسيلة تانية بوقتها للوصول للاله غير الإسلام .. لانو خدعنا المضل و قال المسيحيين بيعبدوا تلاتة واكيد مارح اترك دين التوحيد مشان روح اعبد تلاتة! بس هاد عم شوفه صرت مو رب الفلق هاد رب القلق .
و قلتلو بقلبي للاله يلي بحس بوجوده و حنيته عليي انو دلني عليك عن جد انا تعبت
مابدي منك شي بس بدي افهم مين انت ليش بكتابك قاسي و بتكره الكل و بالحياة اليومية معي بتكون حنون مين انت؟
و هالمرة تركت الاسلام بلا خوف لانو بيكفي كذب ع حالي و دافع عن ( الله ) خليه هالمرة هو يدافع عن حالو بيكفي لهون ( و فصفصت الأديان و الطوائف ماعدا الكتاب المقدس لانه قالولنا محرف مافي داعي للتعب معه )
و فجأة بتطلعلي امي و روح قلبي المكلفة من ملك الملوك ماغي خزام.
و صرت اسمعها هيك يعني بلا سبب فضول و منو كمان ثقافة عن هدول تبعات الأديان لانو بوقتها قلت في إله بس مافي دين ((و بعرف انو ٩٠ بالمية من الاسلام واصلين لهي المرحلة بس خايفين و العشرة بالمية الباقيين عم يدافعوا لحتى ياخدو حسنات او مصاري و بحب بشرك لا رح يطلعلك حسنات ولا مصاري و في حال طلعلك مصاري رح تصرفها بالمشافي ع اهلك و اولادك و هلأ رح تهز براسك تأكيد على كلامي لانك رح تتذكر كل مصايبك يلي عم تصرف عليها لتخلص منها ))
المهم مابعرف ليش و انا عم اسمعها حسيت بفرح.. فرح غريب ..
مو الفرح تبع متل العادة و صرت بدي اسمع اكتر و اكتر متل المقطوع بصحرا ولاقى نبعة مي ..و تذكرت اني شايفة فيديو لهالمخلوقة من قبل عم تشرح انو الاله واحد و حكت عن المثال تبع المحيط و كاسة المي ((و كمان ما عطيته اهتمام بوقتها )) هالمرة فكرت أنه اذا انا ماعاد صدق شي بالاسلام ليش انه المسيحية محرفة يلي لازم ضل مصدقتها لحتى موت؟
و رحت فتحت الكتاب المقدس
يلي كان عندي من لما كان عمري ١٧ سنة و تذكرت كيف حصلت عليه بوقتها كيف الرب الحقيقي بعتلي ياه بس انا تجاهلته بوقتها
و صرت اقرأ فيه و شوي شوي صارت توضح الصورة و القشور يلي على عيوني توقع و الأجوبة يلي كنت دور عليها لأسئلتي موجودة فيه و شفت كل شي.. و صارت تخطر على بالي كل المواقف و الاشارت و الاحلام يلي الرب الاله الحقيقي بعتلي ياها و تعامل معي فيها على مدار سنين .. تذكرتهن كلهن متل كأني عم شوف فيلم مابعرف كيف و متل كأنو ربي عم يعتب عليي لانو نطرني كتير و انا طولت لجيت لعندو .. و كان عم يدلني عالمسيح و انا كنت اتجاهل كتير .. و نزلت على ركبي و قلتلو : هادا الحلو و الحنون كنت انت طول الوقت ؟
و بس عرفت يسوع المسيح انقلبت حياتي ١٨٠ درجة و أول شغلة اختبرتها فعلا هي انو الاله طويل الروح .. بينطرنا كتير .. و بيحبنا من قبل ما نعرفو .. و باركولي طلع الحب متبادل.
و انا بكل ثقة و عن تجربة و عن خبرة بدي قول لكل مسلم انو هالأمر جد يا جماعة و الموضوع مو خناقة عالسوشال ميديا بين الاديان للتسلية .. و الدين مو شي مادي مانو بيت او سيارة تورتها من اهلك و تحاول تحافظ على ورثتك.
بفهمك انو عقلك ما عم يهضم كلمة ابن الاله او الرب يسوع او او او من الشغلات الغير مستساغة لانو مفهمينك ياها شيوخك بطريقة مشوهة و غلط .. و بعذرك لانك مو حاسس انك اداة بإيد الشيطان من قلة فهمك و خوفك من الله تبع الاسلام .. بس رح تخجل كتير قدام رب المجد لما رح يجي يدينك لأنك مالك عين تقله ما سمعت عنك .. المكابرة و المسخرة و السب و التهديد مارح تقدر تستخدمهن يومها ))
فيقوا من الكابوس يلي عايشين فيه.. بكل محبة بترجاكن تفيقوا.
بشكر ربي يسوع المسيح انو اظهرلي ذاتو و بشكرو لانو استخدم امنا ماغي حبيبة روحي
و مارح قول لامي ماغي انو بصليلك ربنا ينصرك و تغلبي جنود رئيس العالم لانو الرب يسوع غلب العالم و مشي الحال يعني انتي غالبة غالبة لا محالة.
بس بصلي للناس يلي مستعبدها المضل تحس بلمسة ربنا لقلوبهن لاني متأكدة انو عم يلمس قلوبهن و عم يتجاهلوه متل ماكنت اعمل انا و كتار.
بكل بيت عندكن رح يطلع واحد و يقلكن انا آمنت بالرب يسوع
بالوقت يلي نحنا رح نكون عم نصلي و نشكر ربنا بفرح انتوا رح تكونوا عم تلاحقوا اولادكن و بناتكن و تلاقوهن بالكنايس عم يتعمدوا على اسم الرب يسوع يلي زلزل مملكة معبودكن.
انا اليوم تعمدت 22 كانون 2 / 2023 .. عقبال عندكن .
– بشار من دمشق
انا كشخص خلقت بين عيلة مسلمة سنية المذهب ذات عقلية متجحرة
من انا و صغير ما كان عندي ايمان بالديانة الاسلامية و ما كان عندي هل معتقد بوجود الله
و توفى والدي و أنا بعمر ١٥ سنة.
رغم جهد كتير درست و تعذبت لحتى انحج بدراستي بس ما كان يمشي الحال بالرغم من الصلاة و الصيام و الدعاء و كأنه مافي حدا عم يسمعني عدا عن هيك سياسة الردة يلي موجودة بالدين الاسلامي.
مرقت بكتير قصص و كنت ادعي و ما كان يمشي الحال دخلت بديانات كتير و صرت فتش عن شي اسمه الله
دخلت العلوية و مافي شي، دخلت الشيعية لقيت الدم و الهلاك بكل الطوائف، من زمان كنت اعرف عيلة مسيحية من وقت ما كنت صغير صار في تواصل كبير بيني و بين العيلة و لما لقيت انه المسيحية هي الصح بالتعامل و بالاخلاق و بكل شي طلبت منهن الكتاب المقدس و صرت اقرأ منه حسيت في شي عم يتغير بحياتي صار للحياة بركة اطلب و لاقي الرد من الرب يسوع، يسوع يلي خلى عيوني تفتح خلى حياتي تتغير و بعدها صرت احضر حلقات امنا الروحية ماغي خزام يلي تتلمذت على ايدها و يلي كانت النرسال للوصول لطريق النور و انا اليوم انولدت من جديد و نلت اليوم البنوة و تعمدت .
شكرا يا ربي انك قبلتني كون ابنك، شكرا الك يا امي الروحية انك ساعدتيني و وصلتيني لطريق الحق.
– رندة من الرقة
انا ولدت عند ام مسلمة واب مسلم تاركنا من وقت كان عمري 4 سنين
كنت شوف رفقاتي دائما عندهن اب وازعل ليش ماعندي اب وعانيت من طفولة خالية من الحنان
تعرضت للظلم بطفولتي كتير لان ماكان عندي أب لوقت صار عمري 18سنة صرت اقرا قرآن وصلي كانت تطلع بوجهي كلمات بالقرآن بيني وبين نفسي اخجل قولها.
وصرت ابحث بالأحاديث وفسر، لوصلت لمرحلة الالحاد 3 سنين ملحدة لوقت مرضت بكليتي وانهيار عصبي وتعب نفسي وتفكير بالانتحار
حكيت مع الرب قبل ما نام لأن ماكان عندي حل ولا دواء يشفيني والوجع كان قوي لشهور
قلتلو يارب انت عم تسمعني أنا ملحدة بس اليوم بدي الجئ الك يارب انا بعرف لو كنت موجود مارح تكون بالقرآن يارب افتح عيوني واذا بدك تفيقني متل مانومتني ع نفس الوجع موتني أنا اليوم رح آمن فيك ياخالق الكون انا مابدي اتحداك ولا جربك بس اشفيني من وجعي .
نمت وفقت كأني شخص جديد مافي وجع مافي زعل وحتى شكلي صرت شوفو حلو
فتحت الفيس بوك بعد أيام طلعتلي اية حدا ناشرها: لا تجرب الرب إلهك من الكتاب المقدس
تذكرت كلامي وحالتي واللي صار معي ففهمت وقتها انه الرب الحقيقي هو الآب السماوي
الرب الي طلبت منو هو يسوع المسيح
حاولت اتعمد بس محدا كان يقبل ضمن المكان الي انا فيه
شفت فيديوهات للأم ماغي بالبداية كنت حسها قاسية وبعدين صرت احضر كل فيديوهاتها
حسيت قساوتها كانت غيرة ع الرب كانت حقيقية جداً وبلعكس صرت شوف هي القساوة محبة النا لتورجينا الحقيقة لأن هي فعلاً كانت مثال الأم الي بتخاف ع ابنائها وتقسى عليهن كرمال ما ينأذوا وشفتها عم تساعد الناس لطريق الخلاص قررت فوت بالكنيسة واتعمد عندها بس كان ايماني مو قوي لسا، بعد التلمذة قوي ايماني اكتر وتحولت من شخص عصبي لشخص هادئ ومحب للسلام .
كان راتبي يخلص بيوم واحد بعد ماصرت ادفع عشوري صار يكفيني اكتر من شهرين
واليوم تعمدت بتاريخ 24/1/2023
نلت البنوة اليوم صار عندي أب سماوي أفضل من كل عيلتي
اليوم صرت بنت الآب الي كنت دور عليه من وقت كنت طفلة، عوضني بمحبته وحنانه عن كلشي سيئ بحياتي.
– فاطمة من حلب
انا اسمي فاطمة عابرة للمسيح من سوريا كنت مسلمة سنية
من انا صغيرة كنت كل ما اسمع صوت اذان الصبح بخاف ولما اسمع صوت قراءة القرآن بخاف اكثر لانو بيكون في موتى ولما كبرت صرت كل مابصلي صلاة الصبح احلم بكوابيس، تزوجت وكان زوجي متدين وصار كل شي اعملو يحسسني انو غلط ويعاملني على اني كلي عورة وكلشي اعملو حرام ومابيرضي الله وانا مابكون عم اعمل شي غلط بس هنن هيك الله ما بيعجبو العجب وصار يعاملني على اني لا راضيتو ولا راضية الله، و من معاملتو القاسية وضربه الي كان قبل الصلاة بيضرب بعد ما يخلص بيضرب كرهني بالله الي بيعبدو ومرة قلتلو انا بكره الله الي عم بتصليلو و انا من طبعي ما بكفر ومن ساعتها حسيت في شي انكسر وصرت اقول وينك يا رب انت موجود ؟ لوقت تعامل معي ربي يسوع باحلام ورؤى كثيرة وشفت فيديو امنا بتحكي عن الصلاة والصوم من ساعتها لقيت الرب الي بحبني كيف ما كنت وبيقبل صلاتي كيف ما صليتلو
احبك ربي يسوع يا ابن الإله الحي واشهد بانك الاب الصالح والرب الصالح والراعي الصالح
واليوم 8/ 1 / 2023 تعمدت أنا و بنتي و عقبال باقي أولادي.
– ليندا من سوريا
ولدت في بلد عربي مسلم. أبي مسلم اسمي وأمي مسيحية. كل ما تعلمت عن الدين الإسلامي تعلمته في المدرسة. في البيت تعلمت حب الآخر والاحترام والمعاملات الحسنة.
منذ طفولتي أؤمن بوجود إله واحد خالق كل شيء. كنت أصوم رمضان واصلي لكن بانقطاع.
عندما حصلت على شهادة البكالوريا بدأت حرب أهلية في بلدي الأم فأرسلني أبي إلى بلد أوروبي عند عائلة أمي لمواصلة دراستي الجامعية. هناك كانت جدتي تقول لي دائما نبي الإسلام نبي كذاب. لم يستوقفني الأمر أكثر من ذلك لكنني كنت أعرف أنها قرأت القرآن كاملا بلغتها.
عندما بدأت دراستي الجامعية ابتعدت كل البعد عن الأديان ولكن إيماني بالإله كان دائما موجود.
اشتدت الحرب في بلدي وبدأت أتسأل عن تبرير القتل من طرف البعض في بلدي فكان أبي يقول لنا دائما أن الأشخاص الذين يقومون بالمجازر والقتل والتعنيف هم متطرفين و لا يمكن أبدا أن يكون هناك دين يبرر ذلك.
عندما انتهيت من دراستي بدأت العمل والسفر إلى عدة بلدان كلما سافرت كلما تعرفت على ثقافات أخرى كلما لاحظت أن تطبيق الإسلام يختلف من بلد مسلم إلى آخر. مرت السنين والتقيت بشخص مسيحي طلبني للزواج فأخبرت عائلتي لكن انصدمت لأن أبي لم يتقبل الأمر وقال لي عليه أن يعتنق الإسلام قلت له لا أستطيع أن أطلب منه هذا الشيء
صممنا على الزواج حضر أهلي الحفلة لكن مباشرة بعد ذلك قطعوا كل اتصال. مررت بأيام صعبة جدا لا أتمناها لأحد. تغيرت حياتي مئة درجة من عائلة محبة أصبحت دون أب ولا أم ولا أخ و لا أخت الكل ساروا على طريق أبي .دام ذلك حتى ولدت بنتي الأولى بعدها ماما رجعت الكل.
وفي يوم من الأيام كنت أتمشى في الشارع واستوقفتني شجرة ورأيت بداخلها المسيح عرفت مباشرة أنه هو ولكن كنت أتسأل من رسمه لأن هذه الصورة أكثر من حقيقية . حكيت القصة لزوجي ولصديقة مسيحية عربية التي قالت الي المسيح يناديك ألا تريدين تغير دينك قلت لها لا أن أؤمن بالمسيح قالت لي أذن سنصلي معا صلينا معا وانتهى الأمر. لم تشرح لي أن المسيح ليس نبي.
بعد أيام من ذلك زارتني ماما في البيت وقلت لها لا بد أن أريك شيء جميل للغاية .أخذتها إلى المكان الذي رأيت فيه المسيح لكن انصدمت ثانية لأنه لم يكون يوجد أي صورة على الشجرة. فحكيت لها القصة فقالت لي أنت وحدك الذي ظهر لك.
مرت السنين وفي يوم من الأيام رأيت المسيح في المنام مباشرة ركعت وفتحت فمي وناولني كان ذلك شعورا لا يوصف لكن بضعة دقائق بعد الاستيقاظ بدأت أتسأل ما معنى ذلك وخفت كثير هل يعني أنني سأموت ؟ ما معنى المناولة ؟ إلخ لم أنم طوال الليل عندما استيقظ زوجي حكيت له القصة وسألته ما معنى ذلك قال لي جسد المسيح ولم يعطيني تفسير آخر. منذ ذلك الحلم تغيرت حياتي بدأت بحوث ما معنى أن نبي يناولني سألت أكثر من مسيحي ولا أحد استطاع أن يشرح لي بكلمات ما هو جسد المسيح. إلى أن شاهدت فيديو للأم ماغي خزام عندها فهمت كل شيء و شاهدت كل الفيديوهات و قررت أن أصبح مسيحية
تواصلت معها و تتلمذت و تعمدت .
– ريمون من دمشق
وعيت بعيلة علوية مانها متدينة كتير. بداية وعيت عالدنيا وامي تحط ايقونات المسيح ببيتنا وكانت عاداتنا مسيحية وتعلمت انه المحبة هي اهم شي من امي وشوي شوي اكبر واكبر واتعلق بالمسيح اكتر لحد ماصرت روح عالكنيسة بس وقت لقيت بعض الاشخاص عارضوني ووصلت معن للحقد والغل والكره
قلت بقلبي يارب تخلصني من شرن وما يطولوني
صرت اسمع صوت عم يقلي انا ابوك السماوي اصبر وتحمل لحتى تصل لعندي
وفعلا صبرت كتير وتحملت وعانيت واليوم تأكدت انو كل من يأمن برب المجد بيسوع المسيح لا يخزى ابدا وتعمدت بمشيئة ربنا وخلصت وحاليا برفع راسي بأني نلت درجة لكون ابن رب المجد ابن الملك يسوع المسيح فادي العالم وبتشكر شكر كبير لأمنا ماغي خزام يلي بفضلها ومساعدتها خلصت وبشكر جميع الاخوة وصرت صلي لتخلص نفوس الناس المريضة يلي عانيت منها وعرفت وتأكدت انو المسيحي الحقيقي ما بيكون مسيحي بدم وجسد المسيحي هي يلي قابل المسيح بحياتو وبروحو و لرب المجد عنده اولوية قبل اي شي تاني بالعالم
– ايفان من دمشق
بلشت قصتي مع الدين المسيحي ومع الرب يسوع المسيح عندما انتقلت ضمن دوامي لدائرة ثانية رئيسة هذه الدائرة مسيحية كنا نتناقش دائما في الدين انا ادافع عن ديني وهي تدافع عن دينها طبعا هذا الكلام من سنتين الى ان غلبتني وانتصر دينها على ديني في كل شيء وفي كل الامثلة والبراهين قدمت لي الكتاب المقدس وابتدأت بالقراءة به اقتنعت كثيرا وازداد اعجابي بالرب يسوع المسيح وبكلامه وافعاله خفت على نفسي وعلى روحي من الهلاك فعلا خفت من اشياء واغلاط وكذب في ديننا دعيت كثيرا الرب ان يعينني على معرفته اكثر فأكثر الى ان تعرفت على امنا العزيزة صوت الحق الصارخ ماغي خزام اصبحت اتابعها واتابع حلقاتها والشكر للرب يسوع المسيح الذي اعانني بواسطة امنا ماغي الى ان تعمدت ونلت شرف المعمودية شكرا من القلب امنا العزيزة صوت الحق الصارخ ماغي خزام
– أنسام من اللاذقية
أعيادنا هيي نفس المسيحية وأغانينا التراثية بتحمل الصليب كل هدا وماكنا نعرف أنو نحن كنا مسيحيين وأجبرنا على دخول الإسلام ،بس لما الانسان بفكر وبدور عالاله الحقيقي الرب بيساعده .ولما دورت عالايمان وصرت أبحث طلعت فديوهات الأم ماغي بوجهي وكانت إجاباتا ع كل اسئلتي الايمانية .تتلمذت عندا وتعمدت بفضل ربنا .
بصلي لعودة كل العلويين لحضن الرب الاله أبو ربنا يسوع المسيح.
– أنوار من سوريا
انا كنت من خلفية اسلامية طائفة درزية اجيت على العراق وتخربطت امورنا وماكان زوجي يتوفق بأي شي يعمله فصارت معنا مشكلة كتير كبيره وصرنا نتهدد بالخطف انا وزوجي وابني فأجا صديق زوجي من تلاميذ أمنا ماغي وبشره بالرب يسوع واقتنع زوجي ورجع بشرني زوجي وقلي بس جربي تدعي للرب يسوع المسيح وفعلا جربت ودعيت والرب استجاب لدعاي لانو كان ماعنا بيت وقاعدين عند ناس غرباء وماعنا أي شي بالبيت لا أثاث ولاشي فبعدا أخدنا بيت واثثنا أثاث كامل بفضل الرب يسوع بنشكر ربنا وبعدا ضلينا ندعي للشخص الي عم يهددنا فبعد فترى الرب يسوع استجاب النا وفكنا من المشكله
بنشكر ربنا انو تحولت حياتنا للنور وعرفنا الطريق الصحيح بفضل أمنا ماغي الرب يبارك حياتها وتتبارك بكل خطوة
– يونس من دمشق
انا مسلم بصراحه اتولدت بطائفه مسلمه كنت متمني من صغري اكون ابن عند سيدنا والهنا ومنقذنا يسوع المسيح كل ماشوف الكنيسه بدعي الرب يسوع المسيح ينقلتي الى النور المسيحي ويخلصني من خطاياي ومن الشرائر كنت احس ان حدا عم يقلي بدك تخلق من جديد والرب ينقيك ويخلصك من اخطائك في أحد الأيام من سنتين تقريبا بحلمي اجاني رجل يلبس توب ابيض ومسكني بأيدي وقلي جهز حالك أمرنا الرب بنقلك لتصير ابنو
بصراحه بقيت شي شهر أسأل مفسري الأحلام كانو يتمسخرو علي ويقلولي بدك تصير مسيحي كنت أقرأ بالكتاب المقدس كان نظري جيد واستمتع وادعي الرب يقدملي الخير، كنت معجب بكلام أمنا ماغي خزام من زمان كنت من المتابعين الها لحظه بلحظه حتى أذن ربنا وطلبت منها المساعده في اني انتقل إلى الحق الى النور الى الإله الحق ربنا وفادينا يسوع المسيح والحمدالله ساعدتني كما ساعدت آلاف الأخوه العابرين حتى يوم المعموديه انا مابعرف كيف بتصير وشو بيلبس الي بدو يتعمد وقت جابولي الرداء الأبيض اتذكرت الي اجاني في المنام من سنتين ومعو نفس الرداء بكيت واتشكرت الرب لان فعلا حلمت وتحقق الحلم يوم مبارح وبطلب من الرب يثبتني للمنتهى.
– حنين من حماه
من أنا وصغيرة قلبي معلق بيسوع وبالصليب كبرت وأهلي يحاولو معي لاتبع دينن بس ماكنت مقتنعة ابدا فيه وكبرت وصرت جرب كل طوائف الاسلام بس ماحس بأي شي غير انه هاد دين باطل وكلامه باطل، مابيعز معتنقه بيذله فقط. وضليت حاول وأسأل لأتعلم واتتلمذ وكون مسيحية لان قناعتي كبيرة انو ربي اختارني من أنا وصغيرة لكون ابنته وبشكر ربنا انه بعتلي أمنا الغالية ماغي خزام ، تلمذتني وعلمتني دين الحق والحياة الدين يلي عطاني قيمتي وعطاني الحياة الجديدة بولادتي بالمسيح بشكر ربنا ع هي النعمة الكبيرة وبشكرك امنا انك معنا وجنبنا.
– صالحة و زوجها من ريف طرطوس
انا كنت مسلمة اسماعيلية واحضر دروس صلاة بس كان عندي أسئلة كتير مالها اي جواب حتى صرت أحضر دروس صلاة اجباري عني
واول مابعدت عن أهلي ورحت جامعة انكرت وجود الله بسبب (الهنا والهكم واحد) وبعدا انخطبت لشب عنا نفس رأي واتزوجنا وسمينا ابنا اسم محرم إسلاميا وبقينا دون اله 8 سنين كنت هاجم الله وكل الرسل إلا المسيح كان في شي يشدني الو
لوقت شفت المسيح بمنامي وصرت اقرأ كتاب مقدس وابكي من الكذب يلي عيشونا فيه
واتحدثت لزوجي استغرب أولا لكن وقت طلب يسوع شافو عنا بالبيت وآمن
هون استدليت على أمنا الغالية ماغي خزام وصرنا نحضرها وكنا نسمعها بقلوبنا
ونشكر ربنا اتواصلنا معها وتلمذتنا واتعمدنا ع اسم رب المجد وهلق نحن عائلة مكرسة للمسيح .
– سوار من دمشق
انا من خلفية درزية ولا مرة كنت مقتنعة بمعتقدات طائفتي من انا وصغيري بحب المسيح ورسمت صليب عحيط غرفتي بلا ماعرف مين هو المسيح ولا كيف هي كلمة المسيح يلي بعرفو انو في حب قوي جواتي للمسيح وكنت دايما شوف حالي بالحلم حاملي صليب وماشي وكنت شوف كنائس قديمة جدا ومن فترة شفت المسيح بالحلم عم يقلي انا معك لاتخافي مرتين قلي هيك زاد ايماني للوقت يلي شفت حلقة للام ماغي خزام عم تبكي فيها وتقول صلو الرب بحب يسمع صوتكن تأثرت كتير وحسيت انو نحنا عنجد بعاد كتير عن الاله الحقيقي
بشكر الرب يسوع على راعية كنيسة الرب الاولى الام ماغي خزام بحبك كتير لانك فتحتيلي عيوني عطريق الرب الحقيقي وخليتيني حس ودوق السعادة والفرح يلي الرب بيزرعا فينا
تتلمذت و تعمدت و انا للمسيح .
– فاطمة من شمال سوريا
انا اسمي فاطمه من سوريا كنت مسلمة وبشكر الرب انو فتح عيوني من اكتر من اربع سنوات وقت كنا بسوريا لا انا ولاجوزى ماكنا نعترف انو مسلمين كنا نحب نغير ديننا بس ظروف ماقدرنا جينا ع تركيا مرينا باوقات كتير صعبة وكنائس كانت بعيدة بيوم رفيق جوزي بقول في كنيسه قريبة منا للعرب والكرد بيوم الاجتماع رحنا وأول مادخلت عالكنيسة حسيت في محبه وترانيم واخوات يعني اول مرة بشوف محبة بين الاخوة وقرأت الكتاب المقدس وقت كنت اقرأ الكتاب اطلب من الرب والرب يستجيب لصلواتي وصارت كتير معجزات بحياتي واتغيرت حياتي وحياة عائلتي كتير بشكر الرب لانو فتحلي عيوني وخلاني اطلع من الظلمة لنور الرب يسوع و تعمدنا وهلئ حابه علم اولادي يكونوا مسيحين مومنين ولكن يتلعموا صح لهيك انا عم تابع امنا ماغي خزام وحبيت كون معها واتعلم اكتر الرب يباركك ويبارك خدمتك
– حنانة من سوريا
بدأت قصتي لما كنت صغيرة كنت اخاف من الموت لما اموت لوين انا رايحة جوات القبر ولما فيق حس حالي رح موت، هيك علمونا بالدين اصلاً ديننا ماكنا نعرف شي عنه كان عندي أصدقاء مسيحيين حكوا عن المسيح وقالوا يلي بيآمن بالرب يسوع المسيح ولو مات سيحيا و بنال الملكوت أنا وقتها حسيت بالراحة وقالوا اطلبي أي شي باسم يسوع بتنالي فعلاً كان عندي زريعة يابسة كنت بدي كبها فقلت لجرب وقلت باسم يسوع المسيح إذ انت الإله الحي تصير خضرا من أول وجديد فعلا بعد اسبوع شفت عم تطلع ورق تبعها
شفت منام في حدا عم يقلي آمني لينكتب اسمك بسفر الحياة .. آمنت و تعمدت
بشكر امنا ماغي خزام واخواتي بكنيسة الرب بحس بالأمان والصدق معهم اكتر من الناس الي حواليي بحس فعلاً هنن أبناء الرب، ربنا يكمل معي وأثبت بالرب وامشي حسب وصاياه وعمد اولادي باسم يسوع المسيح.
– علي من حمص
أنا علي من خلفية علوية كنت عايش بعالم مختلف ومجرد دمار بدمار ولما وعيت تعمقت بدين العلوية وتعلمته وهو بكل معنى الكلمة استحضار أرواح ومن يومتها حسيت شي كتير بشع وطلاسم تتردد لا أكثر و لا أقل لوقت حضرت حلقات أمنا ( ماغي خزام ) وآمنت ومن يوم آمنت كل يوم ربنا بيتعامل معي بمعجزة، والدمار يلي كان حوله الرب يسوع لحياة حلوة ووعي وعلمني الحب وعلمني العطاء ولأول مرة بحس شو يعني أب كانت مع المسيح
المجد والشكر للرب ومافيني ما أشكر أمنا يلي من خلالها انقلبت حياتي.
– غدير و زوجته من دمشق
انا من خلفية إسلامية من عائلة غير متدينة ماتعلمت من أهلي ولا أي طقس ديني ابداً ومافي ولا أي نوع عبادة فاتجهت للإلحاد، الحدت الحاد معلن بدون خوف من البشر بس كان في شي بقلبي ماكنت افهم شو هو لوقت اتزوجت وكان زواجي صعب جدا وعلى وشك الانهيار فجأة لاحظت تغيير بتصرفات زوجتي صارت هادية صارت تستقبل كل شي مني بهدوء وفرح مع اني شخص عصبي لايحتمل بوقت الغضب صرت بدي اعرف سبب التغيير بالصدفة لقيتها عم تقرأ عالموبايل شي اسمه الكتاب المقدس وانا كتير كنت متعلق بالكتب بشكل عام قلتلها اعطيني اقرا قريت وصرت كل يوم اقرا وبعدا عرفت انو زوجتي عم تتلمذ وبدا تصير مسيحية انا ما اعترضت اعتبرتها حرية شخصية وقلت بقلبي شو ماكان احسن من الإسلام وبعد فترة صرت اسمع فديوهات الأم ماغي واقرا الكتاب وشوف الثمر على زوجتي يوم بعد يوم عرفت الرب يلي حبو قلبي وعقلي وصار رفيق دربي ومخلصي يسوع المسيح.
– علي و زوجته ميريام
أنا وزوجي من خلفية إسلامية طول حياتنا كانت مليئة بالمشاكل والاضطهاد وكنا بكل مرة نلجأ للذين يدعون أنفسهم المشرعين والمشايخ يلي بيعرفوا الصح من الغلط و الحلال من الحرام والمفترض تدل الناس وتعدل بالحق بس يلي شفناه العكس المكر وأصحاب الوجهين صرنا ندور لنلاقي الرب يلي ينصرنا ويرجعلنا حقنا كتير صلينا بس كنا نشوف زيادة الاضطهاد علينا واللعنات بحياتنا يلي مشحونة بالتعب والمرض والقلة وتمادي الظالمين علينا
انطردنا من بيتنا ومن كلشي بخصنا ورجعت حياتنا للصفر و عطول العاطل والسيء عم ينتصر ويتمادى ويزيد
لحتى شفت حلقة لأمنا ماغي لماذا يشعر البعض أن الحياة غير عادلة؟ هكذا لأنك فاتر ولست باردا” أو حارا”
وهون بلشت تظهرلنا شعلة النور لطريق الخلاص صرنا نتابعها اكتر ونلاقي الأجوبة لحياتنا يلي ما لقينا جوابها بالاسلام والدين يلي كنا متبعينه .
وبعدها بشوف منام بكون فيه الرب يسوع المسيح بين جموع الناس وبقلي أنا مخلصكم وبكون صوت أمنا ماغي عم يرنم بكلمات الكتاب المقدس حسيت بطاقه قوة وحب وسلام وإنو الرب عم يأكدلنا أننا ع طريق الخلاص يلي رح يوصلنا للملكوت والراحة الأبدية
وعندها سلمنا حياتنا وحالنا للرب يسوع المسيح يلي عم نحسه معنا بكل لحظة و تتلمذتا انا و زوجي و تعمدنا.
– عمار من سوريا
ولدت من ام علوية واب مسلم واعين ومثقفين بس كان في مشاكل بين امي وابي ..ومرة شفت ابي عم بيضرب امي وقفت مع امي بوش ابي وبعدته عنها
ومع كترة الخلافات قرر ابي اني اشتغل مع دراستي
كنت كلما عدي من جنب كنيسة قلبي يدق شعور مابينوصف كنت حس بايمان جواتي وشي يشدني للصليب فقررت حط صليب بغرفتي وحطيت ولما حطيت اهلي ماعارضو وكنت حط مسبحة مسيحية برقبتي بس كنت اخفيا لما اتعرض لمواقف ..كلما اكبر كان يزيد ايماني بالرب يسوع وفهمت معنى التجسد وابن للرب لكن مو بشكل كامل.
توفت وامي بالحرب الي صارت اجيت ع تركيا واشتغلت وساعدت اهلي بسوريا ودورت على كنيسة لروح صلي وفضفض الي بقلبي للرب يسوع ولقيت فكنت كلما كون متدايق روح للكنيسة واشكي يلي بقلبي فكنت اطلع ارتاح.
بعد فترة طلعت صفحة امنا ماغي خزام قدامي فتابعتها لفترة طويلة وتقريبا كل فيدوهاتها وضليت حاول أوصلها لآخر شي طلعت معها عالمباشر و تلمذتني و تعمدت
– محمود من دمشق
اسمي محمود. ولدت بعائلة مسلمة كانت غير متشددة مع شوية التزام
قبل سنين حاول شخص من الاقارب يدفعني للتمسك بالاسلام و الصلاة و العبادات الاسلامية -يلي نفسي كانت ترفضها من صغري- باسلوب الترهيب و بعد كم سنة تركت الاسلام لاني حس حالي عم اعبد وحش اذا ما اطعته رح يفتك فيني وغير كتير تناقضات و اخطاء بالاسلام. و ضليت ضايع دور ع حقيقة يقبلها قلبي و عقلي و حس فيها بسلام.. الحدت و حرفياً عبدت اوثان منهن اوثان ذاتي و جسدي.. ولا سلام… من كم سنة قرأت العهد القديم و من سنتين قرأت الانجيل و برغم عدم ايماني فيهن حسيت انو هالكتب منحتني السلام من جوا بس ما كنت بعرف شو بدي اعمل. بقيت ضايع و متمني لاقي مين يرشدني . لمن فترة تعرفت ع الأم ماغي و تتلمذت عندها واليوم انا تعمدت على اسم ربي و مخلصي يسوع المسيح.
– أنس من السويداء
أنا أنس من خلفية درزية من محافظة السويداء . لكن ولدت وكبرت بدمشق بين مجتمع اسلامي. كنت دائما حس حالي غريب واني ما بنتمي لهالمجتمع لانو اي شخص كان يعرف اني مو مسلم كان يحاول يقنعني بدينو واذا ما قبلت اسمعلو كان يحط حواجز بيني وبينو . وانا كان كل شي بخص الاسلام بالنسبة الي كان غير مقبول وما بحب اسمعو وما ساير ايا حدا بهالشي.
و كان كل شي بخص المسيح حسو قريب لقلبي ومستساغ الي وبحب اسمعو. لانو بس شفت فيلم الام المسيح حسيت بحب كبير للرب يسوع. لذلك هالشي ولد عندي حب المعرفة والاطلاع ع الإنجيل وقصة حياة الرب يسوع. وانا عم ابحث بهالموضوع بيطلعلي فيديوهات امنا ماغي. وصرت احضر كل شي بيطلع قدامي فيديوهات الها
واقتنعت قناعة تامة بالرب يسوع لانو صار اشياء كثيرة وانا عم صلي وصارت استجابات لقصص صعبة الحل بس ع ربنا مافي شي صعب اكيد السطور ما رح تكفي لاكتب الشهادات الي عملها الرب بحياتي.
طلبت اتلمذ عند امنا وامنا قبلت تتلمذني وتعمدني وانا اليوم ولدت من جديد
بتمنى هالشعور كل شخص بعيد عن الرب يجربو ليحس بمحبة الرب الو ويرجع لطريق الرب الصحيح.
– يوسف من دمشق
ولدت بعيله مسلمه من اب سني وام علويه وكانوا يقولولنا انو محمد خاتم الانبياء ودين الاسلام هو دين الحق وكل الديانات السماويه صار فيا تحريف حتى اجا الاسلام بس انا من الاول كنت بحب المسيح وبآمن فيه حتى قلت لحدا من رفقاتي المسيحيين بس ما شجعني و قلي كل الاديان تحت الاله واحد، بس كانت عيلتنا ابداً مو مبسوطين ومشاكل وأمراض حتى بطلت آمن بالأديان ووجود الاله. ليوم شفت فيديو لأمنا ماغي خزام عم تحكي عن الوصيه الأولى من هو الهك؟ هل تعبد الإله الخالق؟ ومن ساعتها راح من حياتي الزعل والكآبه
تتلمذت عندها و تعمدت وآمنت بالرب يسوع المسيح الي عرفته عن طريق أمنا ماغي.
– حمودة الشامي من دمشق
كنت مسلم سني من دمشق، من 2013 وأنا حاسس انو بتبع العبادة الغلط فبحثت بكل الأديان وما لقيت دين حسه العبادة الصح، تعرفت على رفيق مسيحي وكتير حبيت طباعه ووقتها بلشت اتعمق بالمسيحية وادرس لاستوعب تفاصيل المسيحية، وصادفت كتير شغلات مختلفة لأنه في عدة مذاهب بالمسيحية ولاحظت انو ناس بتقدس مريم العدراء وناس بتقدس القديسين متل مار شريل ومار الياس …الخ بس بكنيسة الرب لاحظت انو الرب والمخلص الوحيد يسوع المسيح وانتبهت انه بكنيسة الرب كتير قلوب الأخوة مقربة من ربنا ومخلصنا يسوع المسيح، مابينكروا القديسين بس بنفس الوقت ما بيعتبروههم آلهة لهيك اقتنعت وتواصلت مع امنا ماغي خزام وتتلمذت وتعمدت وهلا انا صرت مسيحي بكنيسة الرب عن طريق امنا ماغي الي سهلت لنا طريقنا لأبعد الحدود وحببتنا بمخلصنا وربنا يسوع أكتر وأكتر وبشكر ربنا انو تعمدت قبل فوات الاوان وقبل يوم مجيئ الرب لكون ولد من اولاده.
– عتاب من حماه سوريا
في البداية كانت عم تجيني دلائل عن الإيمان المسيحي بطفولتي لكن بسبب اني من عائلة مسلمة كنت فكر انو شي طبيعي نفكر بغير دين لحتى اجت لعندي صديقتي تقريبا من سنتين ونص وحكتلي انو في شي اتغير بحياتا بفترة سفرها وحكتلي قصة ايمانها وسببو . وصراحة هي استغربت انو انا ماكان عندي ردة فعل عنيفة ضد كلامها وتقبلت كلامها وفي ببالي اسئلة كتيرة .. وصرنا نحكي عن الايمان المسيحي كل ما اجتمعنا وكان اخد هاد الموضوع كل وقتنا ونحكي ساعات واسألها وتجاوبني لانو هي صرلا كان بوقتا عم تقرأ بالكتاب المقدس وتسمع لامنا ماغي فترة سنتين .وحسيت انو كلامها صح واخدت منها كيفية الصلاة وعطتني برنامج الكتاب المقدس عالتلفون لحتى اقرأ وميز الصح من الغلط بنفسي . وفعلا بلشت اقرأ وبلشت انجذب وحس بالمصداقية لكن كان عندي شوية خوف وضياع لحتى اتأكد من مصداقية الايمان المسيحي . فقالتي صلي من كل قلبك وروحك بإسم الرب يسوع المسيح واطلبي كلشي بأسمو وشوفي حياتك كيف بتفرق . وبالفعل صليت وطلبت باسم الرب يسوع انو يدلني عالصح بأي طريقة . وبليلتها حلمت بإمرأة عم تمسكني بكتفي اليمين وتقلي انتي عم تقرأي الكتاب الصح . وفقت وانا مبسوطة انو بلشت صلاتي بأسم الرب يسوع تعطيني اجوبة لأسئلتي . بس قلت لحالي بدي دليل تاني يثبتني أكتر واستمر . وصليت وطلبت من الرب كمان انو يعطيني جواب اوضح فكان الشي العظيم انو شفت وجه الرب يسوع وهو عم يشع نور ويبتسملي وفقت فورا وصرت ابكي . وحتى هلق وانا عم احكي هاد الكلام جسمي ارتعش من الحلم يلي شفت فيه وجه الرب يسوع المسيح وصرت اقرأ اي كتاب عن الفروقات بين الاسلام والمسيح وعرفت بعد القراءة والفحص انو انا كنت عم اعبد اله اصم مابعمري طلبت منو وساعدني رغم انو كنت بحاجة لمساعدة بسبب حياتي الزوجية الفاشلة والتعب النفسي يلي كنت فيه انا واولادي . وبشكر ربنا هلق انا قوية وعم استمد قوتي من اسمه العظيم و رح مجده ولو اجت صعوبات بحياتي. وصرت انا وبنتي نقرأ ونتناقش وصار الحديث الأهم يلي منتكلم فيه كل يوم هيك لدخلنا لعند أمنا ماغي خزام و تتلمذنا و اليوم تعمدنا.
انا بشكر ابي السماوي لانو استردني الو انا وبنتي وبتمنى كمان اولادي الصغار يتعمدو بس للاسف هنن ببيئة مسلمة وعم يعلموهون بالمدرسة التربية الاسلامية وانا الصراحة عم عاني كتير من هاد الموضوع لانو عم احكيلون عن وصايا الرب وعن الرب يسوع وهنن عم ياخدو بالمدرسة عكس يلي انا عم قلون ياه عم يتشتت تفكيرون وانا مو حابة اولادي يتبعو دين المهلك علما انا من خلفية اسلامية سنية سابقا وزوجي من الطائفة العلوية وعقيدتون بإيمانهم صعب النقاش فيها. ربنا يبارككن
– بلال من حمص
أنا أعيش حياة صعبة جدا من كل جوانب دائما افشل بكل مجالات حياتي حتى جلست مع نفسي وسألت نفسي ليش عم يصير معي هيك بكيت كتير وبعدها نمت شفت منام شاهدت شيء يأتي لي بعيد في مكان كله بياض من شدة جماله لا أستطيع وصف ذلك مكان جميل اقترب مني ووضع يده على قلبي وقال لي من يتبعني لايمشي في ظلمة ابداً، سألته وقلت له من انت انت اجمل شيء شاهدته في حياتي قلي انا الرب يسوع المسيح بعد مامسح بيده على قلبي وانتهى منام وبعدها مباشرة احسست كأنه اصبحت انسان جديد تماماً وكأنه ولدت الآن وبدأت تحدث تغييرات كثيرة في حياتي ومن هذاك وقت غمر قلبي حب المسيح هكذا حتى بدأت أبحث عن من يدخلني المسيحية فوصلت لأمنا ماغي خزام وتتلمذت عندها وتعمدت بفضلها وتعملت منها الكثير عن ربنا يسوع المسيح.
– علي. ض من حمص
انا علي من سوريا ولدت بعائلة علوية وبلشت اتعلم الدين بالاجبراري من انا وعمري 15 سنة صاروا يقلولي انو الدين ما بتحكي حدا فيه ويخوفوني انو في عالم رح تقتلني بس ليعرفوا شي عن هاد الدين طبعا انا بوقتها قريت الدستور يلي عطوني ياه ومافهمت منو شي كلو طلاسم وكنت رافض فكرة ان الرب ما بدو حدا يعرفه غير العلويين وكانت دائما ببالي انو الرب بحب الكل فليش ليحصر الحق عند العلويين وبعد سنة قررت اترك العلوية و روح اقرأ بالقرآن وهون بلشت المصايب صارت حياتي عبارة عن دموع و عدّ أيام ومشاكل لحتى نفرت من كل الأديان لان سبق وقالوا أن الأديان واحدة وانا بعرف انو لكل دين اله لوقت اجيت انا واكتشفت كذبة وحدة الأديان وبلشت اقرأ الكتاب المقدس وطلعلي أول فيديو لأمنا ماغي خزام بالبداية قلت عنها عنصرية وصابني حالة ضياع وخصوصاً اني كنت بعمر صغير وصرت صلي كذا يوم للرب ليفتح عيوني فربنا عطاني اشارات ورجعت حضرت الأم ماغي وتعرفت اكتر عن المسيح وقريت الكتاب وبوقتها رحت بشرت أختي الأكبر مني كان عمري بهداك الوقت 18 سنة وبوقتها عرفت امي وكانت رح تقتلني وتهددت بالقتل من كتار بس ماخفت وضليت ثابت لاني حبيت الرب وصار كل حياتي ومبارح تعمدت أنا واختي وفرحتي ما بتنوصف نشكر ربنا ونشكر أمنا ماغي يلي كانت شمعة ومصباح لتنور عتمتنا.
– راما من اللادقية
عابرة لنور المسيح والمحبة من خلفية علوية
بدأت قصة معرفتي للمسيح من سنتين
بحب المسيح من طفولتي كنت دائما أحلم انه شوف حالي بكنيسة وخبر أهلي بس بسبب خلفية اهلي الدينية كانو يخبروني انو هاد اسمو تقمص وممكن بالجيل سابق اني كنت مسيحية
كبرت وانا بحب رفقاتي المسيحية بشوف الحب والاحترام والتهذيب والرقي كنت اتصرف متلهن وماحب طقوسنا وعلى طول اسأل رفقاتي عن المسيح ولما اجي خبر اهلي انو ليش ما بنكون مسيحية
انا بدي كون مسيحية يخبروني انو نحنا احسن بس كطفلة عم تعمل مقارنة بسن صغيرة كنت استنكر الموضوع
كبرت وعلى طول كنت ابتعد عن جو اهلي والعادات الدينية جربت صلي وأقرأ قران
كنت حس حالة من الذل
و كلام لا يطاق بالقرآن حالة الذل الغير طبيعية بحق المرأة ولما اربط الكلام بنساء علويات بعرفهم شخصي كنت انتبه قديه الذل اللي رضيانة المرأة تعيشو حتى ممنوع الإطلاع على الدين العلوي حصرا للرجال
صرت فكر وين العدل!! أين أعدل العادلين وليش ليحاسبني اذا هو مخصص دينه للرجال
وكيف الله بيحرم قصص بالدنيا ولما بدو يغري المؤمنين بحللهن الامور اللي كان محرمها عليهن الخمر و حور عين بالجنة شو هالجنة اللي بتشبه ديسكو
مرقت بوقت صعب فسجدت قلتله يارب انا بحبك ومآمنة بوجودك انا مابدي الحد بعرف انك موجود بس وين ؟ دلني عليك علمني كيف حبك وصليلك انا بسيطة يارب انت اللي بتقدر بس انا ضعيفة يارب
بعد كم يوم بتعرف على شب مسيحي بنصير اصدقاء وبنحب بعض وبصير حاول اتعلم منه وأسأله اكتر ، صار يحكيلي عن يسوع المسيح وعرفت انو عيسى القرآن شخصية وهمية غير موجود وتشويه للحقائق وانا بحالة صدمة ورجعت احلم نفس احلام طفولتي اني بكنيسة مابعرف وين ولابسة صلبان لما فقت طلبت من الرب ييسر طريقي لاتعلم فكتبت على فيسبوك كيف أصبح مسيحي؟
صار يطلعلي فيديوهات لأمنا وصفحات لأمنا ماغي خزام وهيك قضيت اسبوع كامل وانا وقتي كلو عم أسمعها وأقرأ من الموقع
حتى شفت فيديو اهمية المعمودية اتخذت قرار اني اتعمد حتى اتغطى بدم المسيح وأخلص من اللعنات وكمل خدمة بطريق الرب حسب مشيئتو هو اللي برتب حياتي
والشكر لامنا الغالية اللي ردت عليي وسمعت قصتي وتلمذتني
بكل حب منها بالرغم من كل الحرب اللي ابناء الشيطان عم يعملوه ضدها بس بالمقابل مجد الرب فيها وعم تنتصر
شكرا ماما ماغي أغابي أمي الروحية انت طوباوية يا امي
قد ما احكيلك قدي بحبك ومتمنية شوفك واحضنك قليل
– ناريمان من سوريا
من لما وعيت ع الدنيا و انا اسأل امي ليش مافينا نروح نزور الكنيسة ؟ ووين المسيح ؟
كانت دائماً تستغرب و تسألني ليش بتسألي عن هالاشياء ومين عم يحكي قدامك للعلم انا من عائلة كلها مسلمين و ما كان عنا أي اختلاط مع حدا مسيحي وحتى المدينة يلي عشت فيها أول مراحل طفولتي كلها كانت مسلمين.
ضليت أسأل كتير وامي تستغرب لحد ما بلشت تعلمني انه غلط وحرام ولا تحكي بهالموضوع مرة تانية، هيك لوقت بلشت الأزمة بسوريا و نسيت هالموضوع وسافرنا وسكننا ببيت في جنبو كنيسة و غرفتي كان شباكها بيطل ع الكنيسة مباشرة كل يوم بالليل كنت اقعد و اتامل بالكنيسة و بالصليب وكان في داخلي كتير اسئلة و اشياء حابة اعرفها لحد ما تجرأت مرة وفتت الكنيسة قبل العيد و حسيت براحة كبيرة و بعدها ما عدت رحت لسبب عائلي
وب 2018 بلشت احضر فيديوهات أمنا ماغي و اتعلم وبهداك الوقت كنا مرتاحين مادياً بس ما كنت مرتاحة نفسياً وصار عندي مشاكل و ما كان في الها حل ومرقت الايام وانا لسا عم بحضر أمنا بس ما كنت آمنت لعام 2021 وصلت لمرحلة خلص كنت مدمرة نفسياً و معنوياً و قررت احكي مع امنا ماغي و اتلمذ مثل كتار عم شوفهن عم يصيروا مسيحية ويرتاحوا وهون قررت ادعي الإله باسم الرب يسوع يحققلي الشي يلي كان رح يغير كتير اشياء بحياتي كنت خايفة جداً و مترددة بس لما دعيت و طلبت كلشي تغير بأيام معدودة و الحياة كلها انقلبت وهون آمنت بالرب يسوع المسيح آمنت انه هو المخلص و الفادي انه هو كلمة الاله الحي انه هو ربنا كلنا و مخلصنا كلنا و انه ما بيترك حدا من أولاده ينوجع بهالدنيا آمنت انه لسا في كتير اسباب تخلينا نعيش الحياة مع يسوع آمنت و تعمدت ع اسم الآب و الأبن و الروح القدس الإله الواحد آمين
بشكر امنا الغالية ماغي خزام ع كلشي عملتو مشاننا و بشكر ربنا ع وجودها بحياتنا.
– انا كنت من خلفية درزية، وكنت شبه ملحد يعني بآمن بالله بس ما بآمن ان في اديان وانبياء وقصص هيك. لما كان عمري ١٤ سنة كنت نايم عم ابكي لئن كنت خايف روح عجهنم لئن كنت دائماً حس اني ماني مستحق. فطلبت من ربنا وقلتلوا: “ما بعرف مين انت واذا موجود او لا، بس اذا موجود بطلب منك تفرجيني الطريق الصحيح او اذا انا مخلص بأعمالي بس” ، فحلمت اني كنت في مكان كله ظلمة وكنت قاعد على الأرض وحاطت ايدي على رأسي وعم اسئل نفس السؤال، ففي ايد بتنحط على كتفي ببرم وبلاقي الرب يسوع المسيح حاطت تاج على رأسه ولابس ابيض وكله نور وبقلي “انا معك ما تخاف” وبعدها اجاني كتير احلام لحد ما ربنا بعتلي اشعار على حلقة للإعلامية ماغي خزام وكانت الحلقة”الفرق بين المسحاء الكذبة ويسوع المسيح” من يوتيوب وانا ما بحياتي متابع حلقات ماغي خزام او بعرفها قبل ومطفي الاشعارات عندي، وبعد ما بلشت احضر الحلقات قويت ايمانياً وتتلمذت مع ماغي خزام وتعمدت وصرت ابن للإله الحق.
– هالة من لبنان
بداية خلاصي كانت مش باختياري بالعادة الانسان بدق باب يسوع يتمجد اسمه انا صار معي العكس ، انولدت من عيلة مسلمة وهيدا الشي مش من اختياري بس الرب اختارني من لما أهلي عمدوني أنا وصغيرة بألمانيا كبرت وما كنت عارفة إني معمدة كل يلي بعرفوا اني مسلمة بس ربيت وحاولت اني يكون إلي انتماء لهالدين ولما وعيت لقيت فيه كتير تناقضات وأشياء حسيتها انه هالدين من عمل الانسان خصوصاً العشرة بالناس يلي بينتموا للدين البعض منن عنده معتقد التقية وهو عكس شخصيتي تماماً.
أثناء طفولتي لحد ما كبرت وانا شوف بمناماتي الرب يسوع وامنا مريم وكنت احكي هالشي لأهلي لحد ما خبروني انه أنا معمدة وقعت بصراع نفسي لأن ما كنت مقتنعة بيلي انا فيه وبعمري ما كنت مرتاحة نصي مسيحي ونصي مسلم ما بنحسد ابدا يلي انا كنت فيه.
لسنة 2017 صليت للرب وطلبت منه يساعدني للاقي نفسي مع العلم مرقت بظروف نفسية سيئة وكنت خايفة واطلب من ربي ينهي حياتي لان أصلاً ما كانت منيحة أبداً صراعات نفسية واجتماعية وعملية كلها كانت سيئة
ومن وقتها تغييرت حياتي فاعترفت بربي ومخلصي و بلشت معي الانفراجات بكل شي واشتغل ترتيب ربنا معي من كل النواحي الاجتماعية والنفسية والعملية.
– مها من لبنان
انا ولدت بعيلة مختلطة أبي مسلم و أمي مسيحية، تعمدت وانا صغيرة و كنت حب الطقوس المسيحية التقليدية اللي بتقوم فيهن امي شمع و بخور و مسبحة و قداس الأحد ، ابي كان يضطهدنا كتير و يضربنا و تهديد بالسلاح و ما كنا نخاف نواجهوا و نقول ما بدنا نفتح القرآن و بقوة المسيح ما حفظت حرف منه و أمي ربتنا أنا واخواتي عكلمة يا روح القدس و نرسم الصليب قبل ما نخرج من البيت بس تجربت كتير و خطيت لأن ما كنت لاقي جواب عأسئلتي و ما كنت حس بالأمان بالكنائس، بس طلبت الرب يجاوبني فطلعلي فيديو لأمنا ماغي و صرت تابعها و تحاربت من زوجي المسيحي التقليدي و أخواتي، جبت الكتاب المقدس و دخلت كنيسة الرب و اليوم تجددت بالروح القدس مع أمنا ماغي.
بشكر الرب عهالنعمة الرب يثبتني للمنتهى.
– ألماس من لبنان
انا بنت مسيحية الولادة وانا مؤمنه كتير بيوم بتعرف ع شاب مسلم وكنت صغيرة وتعلقت فيه ونوينا نتزوج بس حكالي انه اذا ما بصير مسلمه ما فيه يتزوجني،قلت بيني وبين حالي بأسلم ع الورق وايماني بالرب يسوع ما ممكن يتزعزع ما كنت اعرف انه هيك عم غيظ ربنا. وتزوجنا وبلش العذاب وصار يجبرني ع الطقوس الاسلاميه دمرلي حياتي من كل الجهات وبعدين صار يجبر ولادي كمان حتى كرهنا كل شي اسمه اسلام
وطبعا كان كل شي حرام وبعدين بكتشف انه عم بيخوني واكتر من مرة بس كنت واجه بالموضوع ينكر ويضربني ويقلي انت مجنونه انا مسلم ما بعمل هيك. وكنت صلي ع طول واطلب من ربنا انه نسافر حتى ابعد ولادي عن المجتمع الاسلامي وربنا ساعدنا لنسافر وبالصدفه بشوف فيديو لامنا ماغي ومنصير نتابعها انا وولادي وبصيروا يحبو يسوع اكتر وبيقوى ايمانن اكتر وبحكي امنا ماغي ومنبلش نتلمذ وبعد فترة بكتشف انه زوجي عم يتواعد مع وحدة حتى يتلاقوا بأوتيل انا هون ما خبرت جوزي اني عرفت وصار عندي انهيار عصبي بركع وبصلي وبطلب انه ربي يساعدني ويشفيني بنفس اليوم بشوف بمنامي الرب يسوع واقف قدام باب البيت من الداخل وحامل خروف صغير ع ايده وبصير ابكي بعدها خبرت جوزي بخيانته وطلبت الطلاق حكالي فرجيني كيف بدك تعيش هون وانت ما بتعرفي لغة ولا معك مصاري وما بتعرفي حدا يلا روحي عيشي بالشارع هون انا عضيت ع جرحي وكفيت معه لكنت دبرت حالي، وبعدها ربنا ساعدني بعتلي حدا شغلني مع اني ما بعرف شي وبمعاش عالي وبالشغل بشوف صبيه بتلفتلي نظري بس ما بحكيها لان ما بعرف لغه بس كنت سلم عليها كانت هيدي البنت تسمعني انا وعم صلي بغرفة تغيير الملابس او كون عم اسمع تراتيل طبعا انا ما عارفه انه عم تسمعني بعد شهر بصير وقت عمادتنا انا وولادي منصير ندور ع كنيسه كانت اغلب الكنايس بدها مصاري كتير او مسكرين بحكي امنا ماغي بتحكيلي ما بصير تدفعي مصاري لتتعمدوا ما بتكون العمادة مباركه صلي لربنا بيبعتلك كنيسه تعمدكن انا بنفس اليوم بركع وبصلي بخشوع وبطلب من الرب يساعدنا تاني يوم بروح ع الشغل بتلاقى بالصبيه لي خبرتكن عنها بسلم عليها بتجاوبني صباح الخير انا بتفاجأ قلتلا بتحكي عربي قالت ايه وكنت اسمعك انت وبالغرفه راح دلك ع كنيسه حتى تتعمدي فيها انا هون ركضت وحضنتها وقلتلا بتعرفي انه انت ربنا بعتلي ياك لان مبارح كنت عم صلي واطلب من ربنا يساعدنا لنتعمد وتواصلت مع الخوري وتعمدنا كل الشكر والمجد للرب الاله لي ما تركنا ابدا ومنشكر امنا ماغي ع تعبها معانا ربنا يحميها ويباركها.
– ليليان من لبنان
كنت طول عمري عندي احساس انو لو قد ما بدي جرّب ما رح كون مستحقة كون بالجنة، و كنت حس بحياتي في شي ناقص. و مرة سألت الرب ليش بعلمونا انو كل الاديان بتعبد نفس الاله و هالقد في فروقات و قلت للرب شو لازم اعمل لإفهم. في تلك الليلة حلمت اني بكنيسة و اجا كاهن قلي حطي ايدك بالمي المقدسة حدك و اغتسلي ثلاث مرات و هيك بتكوني تعمدتي و اغتسلتي.
و عيلة اهلي مسلمين شيعة فقلت لنفسي لأتعرف على الدين المسيحي بركي لاقي أجوبة على عدم فرحي و شعوري بالفراغ.
بدأت تلمذة لدى الروم الأرثوذكس حيث مرّ سنة كاملة و لا معموديّة و بعدها دعيت الى احد الكنائس الإنجيلية حيث بدأت فعلاً أقرأ الكتاب المقدّس و بدأت رحلة تعرّفي على المسيح يسوع أنّه هو الذي فتح لنا باب الخلاص و الحرية من الخطايا و لا مجال لرؤية الملكوت دون الايمان به و المعمودية على اسمه بالماء و النار . و فعلاً كانت معموديتي في تاريخ ١٨/٢/٢٠١٧ كان يوم سبت و اجمل يوم في حياتي حيث اصبحت ابنة . و من هيدا النهار كل ايامي فرح برغم الصعاب لأن ما بيخلى الامر و شعور الفراغ اختفى لأن الفراغ هيدا ما بيملاه إلا الرب يسوع المسيح.
– نانسي من لبنان
عشت بعيلة درزية ودخلت عمدرسة راهبات وتعلمت بس ما عرفت يسوع بوقتها و كبرت و ما كنت اعرف شي عن ديني لحد ما تعرفت ع شب مسيحي بالاسم بس هالشب صار يحضر الأم ماغي خزام ويحبا ويتعلم منها ويصحح معتقداته المسيحية من عبادة قديسين واوثان لعبادة الحق و خلاني شاركو تعاليم أمنا ماغي وصرت اتعلم و احضرها معو واعرف اكتر عن الرب يسوع المخلص.
بعد 5 سنوات من متابعة امنا ماغي تعلمنا عالحق والحق حررنا وقررنا نتجوز ونعيش حياة مسيحة فقررنا مع بعض انو اتعمد و من بعد العمادة نتزوج باسم يسوع المسيح و نعمل عيلة مسيحية ويكون المسيح رب العيلة وحاميها ونعيش بنعمتو.
نشكر الرب انه نورلنا حياتنا و مشينا عطريق الخلاص عطريق الحق و بطلب من الرب دايماً يقوينا عالحياة و ينجينا من عدو الخير.
– مالك من لبنان
من وأنا وصغير في شي غريب بيشدني للمسيحية ما بعرف شو هو؟ من أنا وزغير كنت ضل روح عالكنيسه واتفرج عالقداس من برا الكنيسة من الشباك وكنت خاف حدا يشوفني بس شوف الايقونات ويسوع المصلوب مابعرف شو كنت حس كان هل شي يبهرني كنت بوقتها بالمدرسه بتذكر صف سابع كنت ارسم ايقونات و يسوع المصلوب ويطلعو معي نفس الايقونات كنت انبسط وانا عم ارسم.
خلصت المدرسه والبابا حطني في العطله الصيفيه عن جماعه اورثذكس كرمال اتعلم مصلحة النجاره بالعطله وكانت المنشره جنب الكنيسه، وفي ختياره بتقرب يلي بشتغل عنده كنت جبلها أغراض، ولما اطلع اعطيها كنت اتطلع من الباب على بيتها كله ايقونات كنت انبهر صارت تحبني وتضحك كل ما اسألها شو هي الصوره ومين هيدا وكنت قلها بدي صور ايقونات من هول الصغار عطتني اخذتهم وعملت كنيسه في الخزانه تبعي وكان عندي هاون يلي بيدقو فيه الثوم وهل اشياء اخذته وكنت دق الجرس وشعل بخور المهم اهلي كمشوني و ضربوني ضرب نزل الدم من تمي ومرقت الايام وكبرت وضليت على هالمنوال لحتى سافرت واشتريت لاب توب وصرت فتش ودور عالنت، تعرفت على شب سوري كمان كان مسلم و تعرف على جماعه كاثوليك وتلمذوه وعمدوه وهو بعتني لعندن وتعمدت بسنة 2018 من وقتها كرسوني للعدراء وكل المشاكل صارت تيجيني بعدين بعدت شوي والتهيت بمشاكلي وصرت خاطي لحتى رجعت دور من تاني وجديد عند الانجلييين لوصلت لفيديوهات أمنا ماغي خزام وتغيرت وصارت علاقتي بيسوع كتير قريبه، صار رفيقي قد ما قول اني بشكرك وبحبك من قلبي ما بكفي الله يباركك أمنا ماغي.
– مروة من الجزائر
من طائفة مسلمةسنية ، قصتي مع يسوع بلشت عن طريق عائلة مسيحية في فرنسا، علموني بعد يومين حلمت بالمسيح و كان مبتسملي
بعدين عرفت أنه هو الاله الحي و هو الطريق الصحيح ! حياتي كلها تغيرت كل ما أصلي لربنا يستجيب لصلاتي
بعدين حضرت حلقات المدام ماغي خزام عاليوتوب تعلقت بربنا أكثر و أكثر
صارلي بعدين مشاكل لأنو واحدة من أفراد عائلتي لاحظت أنو أنا أحضر مدام ماغي خزام و حتى هددتي ، بس ربنا ما تركني و لا لحظة
الآن تعمدت باسمه و صرت بنت من أبناء الرب و نلت الحياة الأبدية.
– إيمان من الجزائر
من عائلة جزائرية فرنسية مسلمين سنة و مسيحين كاتوليك و تنيناتهم مسلمين و مسيحين اسميين فقط ، فكبرت مابعرف شي عالديانتين كل الي بعرفو انو خلقت مسلمة، بس كان عندي حب للرب كثير كبير ، فعمر 12 سنة هجرنا بابا انا و خواتي و هيدا الشئ كتير وجعني ، كنت كل ما يصير معي شي او أتذكر انو مافي عندي اب يخاف علي او قارن حالي بغيري لابوه عايش معهم ابكي من قهرتي فكان يظهرلي صليب علارض او الحيط رسمة او انعكاس ضوئي و ما كنت عم افهم وبنفس الوقت اختي لاكبر مني صارت تجيها منامات عن الرب يسوع و تحكيلي رغم انو عمرنا كان كتير صغير بس كنا عم نقول شو بيمنع انو يكون الايمان المسيحي هو الصح ،كبرت و ظلت الفكر براسي و حبي للمسيح بيكبر ، فاتت لسنين و صارت الف قصة بحياتي كأنو ابليس يلهيك بأشيا كتيرة لحتى ما ترجع تفكر بالايمان المسيحي ، بعمر 24 سنة كنت كل يوم اسغترب و بقول يا رب ليش ما عم حس او ليش عم حس بهيدا الفراغ لجواتي كإنو مافي عندي روح و حكيت هشي لرفيقتي فقالتلي ليش ما بتصلي فقلتلها ما بعرف لانو عن جد ما كنت عم بعرف فصارت عم تضحك علي كيف انت مسلمة و ما بتعرفي تصلي ،هيدا شي خلاني اتعلم كيف بصلي و بلشت الصلاة كل يوم 5 مرات فبلش يصير معي شي كتير غريب كل ابتدا بالاحلام كل ما نام بشوف حالي فتحت باب و دخلت لعالم تاني بشوف كتير شياطين عم يعذبوا فناس و ظل هشي يتكرر كل يوم و يزيد فحكيت لرفيقتي فقالتلي روحي لعند شيخ و حكيلو هو بيرشدك وبالفعل رحت لعند شيخ و قلي اقري القرأن كل يوم و خاصة قبل ما تنامي فصرت عم اقرأ كل يوم فصارت الاشيا عم تزيد اكتر من لي كانت، صرت ما بقدر نام بالليل من الخوف و وصلت لقرابة الانتحار ،فصرت عم قول يارب ماعم تشوف شو عم يصير فيني ليش ما عم تسمعني يارب مافي عندي اب ليرشدني انت ابي بالنسبة لالي مو انا بنتك ..يرضيك هشي يصير ببنتك ، رغم انو شي لقلتوا حرام فالاسلام بس انا حكيت مع الرب شي لكنت حاسستوا و بالفعل بهديك الليلة نمت متل الاطفال و ما حلمت او شفت شي و فقت الصبح شخص تاني كتير فرحانة و مرتاحة
فقررت انو أبحث لاعرف شو هو الاسلام لانو هيدا الشئ بلش معي بس لما بلشت اتقرب من الاسلام ،فصرت عم شوف فيديوهات لكتار متل الأخ رشيد و حامد و غيرهم من الاسماء و رجعت اقر القرأن بس بفهم اكتر و فكل مرة كنت عم انصدم اكتر كيف ممكن لرب انو يحرض على القتل و الاغتصاب و السرقة و الغلمان و السبايا و اشيا كتيرة تخلي النفس تلعي فقررت انو صير لا دينية ، بصدق انو في رب بس اكيد مو رب القرأن و ظليت لا دينية مدة 5 سنين ، كنت كل يوم باليل افتح الشباك و بطلع بالسما و بقول يارب انت وين ..عم تسمعني.. بتعرفني.. او انا مجرد عدد من الناس لكتار..يارب بحبك ، انت بتحبني؟ ماكنت بعرف انو الرب كان واقف عم يسمعني ، بعدها بفترة فاقت اختي الكبرى بليل مفزوعة عم تقلي انو شافت حلم رجال ماسك كتاب مكتوب عليه الكتاب المقدس و هو عم يصرخ و يقول هيدا هو الصح هيدا هو الدين الحق دوري على بطرس ، ماكنا نعرف مين هو بطرس فدورنا فالانترنت فطلع انو رسول من رسل الرب بعدها بنفس الأسبوع يجيها حلم تاني انو حدى عم يطرق على الباب ففتحت فلقت الرب يسوع واقف على الباب فدخل و توجه للمطبخ فشافتني اختي جالسة عالطاولة عم اكل و الرب يسوع واقف قدامي عم ياكل معي من نفس الصحن ، اختي كانت آمنت فحكتلي الحلم و قالتلي دوري الرب عم يطرق ، بنفس انهار يطلعلي فيديو لامنا ماغي وما كنت بعرفها ففتت لشوف فسمعتها عم تحكي عالرب بطريقة وجعتني فتشجعت لأقرا الكتاب المقدس و اول ما بلشت اقرأ طلعت قدامي الاية لخلتي لاول مرة بحس انو الرب موجود وكان عم يسمعني “طوبى لانقياء القلب لانهم يعاينون الله” وقتا بكيت من كل قلبي و قلت يا رب آمنت فيك و مو محتاجة انو اختبرك مين انا لحتى اختبرك والله بخجل بس في عندي طلب وانت قادر يارب خواتي الباقين بدي يأمنو فيك و ماكفيت الكلمة الا و سمعت الرب يسوع عم يحكي معي و قلي ما عم تشوفي انو عم اشتغل معكم بالترتيب ، مافيني اوصف شعوري وقتا، الرب لخجلت انو اختبرو تنازل بعظمتوا ليحكي معي و يطمني ، و بشكر الرب انو بنفس الشهر كان كل اخوتي الاربعة امنو
اليوم انا تعمدت وخلص الرب نفسي انا و اختي الاصغر مني نحنا الغير المستحقين و صرنا بنات للرب و صار في عندنا اب حقيقي يحمينا ، ابي لقال من يمسكم يمسوا حدقة عيني ، و يرشدنا لانو هو الوحيد الطريق و الحق و الحياة
و انا ما صرت مسيحية لانوا افضل الموجود بس لانوا الحق و الرب دفع حبه في قلبي وانا اشتريت و لبست المسيح فكنوز الدنيا ما فيها تشتريني لاني مثل ما قالت امنا ماغي انا من المسيح و بالمسيح و الى المسيح ، آمين
– آية من الجزائر
أنا من أب مسلم سني و أم مسيحية، عائلتنا مش من نوعية متعصبين ولا المتدينين , بلشت الصلاة بالعمر 19 وبعدها صرت بقطش و بمّل لانو بحسّ صلاتي عالفاضي وبحسّ الله ما يسمعني اذا طلبتوا وكأنو ما في رب وقفت الصلاة كان عمري 23 سنة وبعدت عن الدين و كنت خايفة أوصل للإلحاد قلت يمكن لأني بعيدة عن القرآن ربنا شال إيده من علي وما عم يسمعني ضلیت ابحث و بفوت ع فيديوهات التفسير لقيت مفاهيم واشياء غريبة وكلها كفر وحقد وكره وقتل ونكاح وجهاد والغريب انه الخمس الطوائف بالاسلام كلهم نفس التفكير فتت بحالة اكتئاب وتعبت نفسيتي وكان في خربطة بأفكاري وصرت خايفة صير ملحدة وقتا فتت اتلمذ عند امنا ماغي لأنه من صغري بحب يسوع المسيح وبحب اعرف عنه اكثر، رغم كل تعبي قلت بكفي وبفهم عن الإيمان المسيحي فبلشت اسمع ترانيم واحضر فيديوهات لأمنا ماغي وكان في كتير إشارات من ربنا منها احلام ومنها استجابة صلوات والتمستني راحة كل الخوف اختفى ومن وقتا قررت اترك الاسلام وأمسك بالديانة المسيحية.
ضليت ابحث وعملت مقارنة بين الاسلام والمسيحية رغم انو قررت اترك الاسلام بس الشيطان ما تركني كنت بفكر بالاسلام صار معي حرب روحية بس مع هيك ما لقيت ولا غلط بالانجيل وخاصة في ربنا يسوع المسيح بس الاسلام فيه أخطاء لدرجة يخليكي توصلي للإلحاد صرت بقول مستحيل ربنا هيك وأما بالنسبة لمحمد هو الغلط الأكبر أما ربنا حقّاني وقريب منا بس نحنا يلي بعاد عنو صرت ادرس ضليت على هالحالة شهرين وبعدها قررت اتعمد , لتاني مرة حلمت في متل حرب وانفجار وانا راكضة و بطريق لقيت مرا حامل ساعدتها وضليت عم قلها اعملي إشارة الصليب والمرا مسلمة ولما فقت لقيت حالي عم ردد بإسم الأب والإبن والروح القدس حسّيت هالمنام إشارة من ربنا معناها ولادة جديدة مع المسيح ..
– صحيح تعبت بس كان لازم امشي طريق الجلجلة وكنت واثقة في قيامة كفيت هالطريق درست الثالوث وفهمتوا وآمنت بصلب المسيح وقيامته ,
– والنهار السبت 9 أكتوبر قبل معموديتي رجع نفس الخوف يلي كان معي وكان في صوت عم يقلي وقفي طبعاً أنا ما سمعتوا رغم اني كنت خايفة , أتعمدت وأتغلبت على الشيطان وكل الخوف يلي كان موجود راح بإسم الأب والإبن والروح القدس فعلاً ولادة جديدة ” أنتم الذين بالمسيح اعتمدتم المسيح قد لبستم ”
( بشكر ربنا يلي نوّر حياتي بوجوده وبشكر امنا ماغي يلي كانت سبب بخلاصي وخلاص النفوس وبطلب من ربنا ينوّر طريق كل حدا ما يآمن فيه و يعطيه فهم وأنا بنصح كل مسلم يبحث عن الحقيقة والحق ومين هو الرب يلي عم يعبدوه , ربنا ما يذل ولا يعذب الرب الإله كله محبة ونحنا أولاده مو عبيد نحنا منو و هو فينا ( الروح القدس ) ومثل ما هداني يهدي الكل لطريقه.
– سارة ووالدتها من الجزائر
في عام 2019 رحت أمريكا لعلاج، و في عيد الميلاد حبيت احضر القداس بالكنيسة من باب الاطلاع، و أنا أصلاً كنت وقفت صلي لديني السابق بدون سبب. حضرت القداس و تأثرت كتير و حسيت بشعور غريب و صرت ابكي، بعدين بالغلط تناولت معهم بالكنيسة، ما كنت بعرف أنو ما بيجوز، و لما رجعت عالبيت فجأة انفتحت عيوني: ( ما فينا نتناول جسد الرب و ما يتغير فينا أي شي، خبز التناول هو جسد الرب عن جد) بتمنى ربنا يسوع يغفرلي هالذنب يلي عملتو بس هالذنب سمحلي أني اعرفو و اتبعو، لقيت فيديوات تكشف حقيقة الاسلام و بعثتها لماما عالواتساب و تفرجت عليها، و اتنيناتنا اقتنعنا أنو فيه شي غلط بهذا الدين. بعدها، لقيت فيديوات أمنا ماغي خزام وسمعتها وبعثتها لماما واقتنعنا أنو الرب يسوع هو الإله الوحيد الحقيقي، الإله الحي يلي ما في إله لا قبلو و لا بعدو و لا رح يكون، و الكتاب المقدس واحد و كل شي تاني تقليد. آمنا بالرب يسوع و طلبت منو كهدية أني اربح بقرعة الهجرة لأمريكا و فعلا تم اختياري. و كمان الرب يسوع المسيح ظهر لماما بحلم و قال لها: “عشوري”، لأنها ما كانت مقتنعة لما طلبت منها تعطيني مبلغ العشور لحتى ادفعو، و من وقتها، نحن مندفع عشورنا دايماً لحتى ما نسرق الرب، مثل ما علمتنا أمنا ماغي،ربنا يسوع يباركك أمنا ماغي، و نحن منشكرك من كل قلبنا أمنا الغالية، و نشكر الرب يسوع لأنو أمنك علينا وحطك بطريقنا من شان ننال الخلاص و نطلع من الظلمة إلى النور. هللويا، ممجد اسم الرب يسوع المسيح، الاسم الذي هو فوق كل اسم، آمين.
– مصطفى من الجزائر
انا كنت مسلم من عائلة مسلمة متدينة ، أصلي واصوم ، كنت احب الروحانيات كثير ، دائماً كان عندي فضول اعرف اكثر عن الله والعالم الروحي ،لما كبرت كبر معي التعجرف والاحتقار للأديان الاخرى (احنا الصح و الباقي على جهنم) هذا الشي الوحيد يلي كنت اسمعو وشوفه قدامي فما كان أمامي خيار.
في يوم من الأيام لقيت نفسي متابع صفحة مسيحية انا بحياتي ما شفتها ، فوجدت بعض البوستات المسيحية تظهر لي (صور للمسيح ، ايات من الانجيل) فمن باب الفضول دخلت للتعليقات فوجت عدد كبير من المسلمين يشتمون فصارت شغلتي الوحيدة أشتم على المسيحيين وأكفرهم واستهزء بمعتقداتهم ناهيك عن الحجج (copy past) من الانترنت وخبرت أصحابي وجبتهم كلهم على الصفحة فقط للسخرية من المسيحية ، لكن الأخوة المسيحيين كانت كل اجوبتهم محبة واحترام ، ولا واحد فيهم اساء الي بكلمة ،الشي الوحيد يلي قالوه هو ( أنا ادعوك انا تقرأ الانجيل فتعرف الحقيقة ، والرب يباركك) بعد مدة صرت ابحث أكثر عن حجج منطقية لحتى أنجح في نصرة الاسلام أمامهم ،فبدأت بقراءة الانجيل لحتى اجد فيه ما استخدمه ضدهم ، فلما بدأت بالقراءة ، تفاجئت انه الانجيل هو حياة المسيح من يوم ميلاده الى القيامة، رحت حضرت فيلم المسيح فكان مطابق للانجيل ،وهذا دفعني لابدأ رحلة بحث طويلة عن شخص المسيح. بعد شهور صرت على يقين انه الكتاب المقدس ولا يمكن يكون مسه تحريف كما كنت ادّعي وصرت واثق مئة بالمئة ان يسوع المسيح هو الطريق الوحيد للملكوت أو بكلمات اخرى وقعت في حب المسيح وصرت أعشق شخصه، من هنا قلت إذا كان المسيح هو الحق ،اذاً من أين جاء الإسلام ؟ وهنا بدأت رحلة بحث حيادية عن الإسلام وجذوره وبعد مدة طويلة من البحث إصطدمت بكل الأكاذيب والقرف الذي خبأه عنا الشيوخ المسلمين عن محمد وبكل تاريخ الإسلام الدموي، فندمت على كل يوم وكل لحظة كنت أسبح وأصلي على إله الإسلام و نبيه فتركت الإسلام وسلمت ليسوع المسيح كل حياتي وأعلنته رباً ومخلصاً شخصياً لي…..لما آمنت بالمسيح أردت ان ابدأ حياتي المسيحية فبحثت عن طريقة الصلاة والصوم فكان امامي تشويش كبير وطرق كثيرة بسبب تعدد الكنائس ، أتذكر أول يوم حبيت صلي بحثت عن طريقة الصلاة في موقع كاثوليكي ، فلقيت حالي عم صلي لأكثر من شخص ، العذراء ، والقديسين ، والملائكة بعدها بيجي الرب فحسيت حالي عم أعمل شي غلط، ركعت بالأرض وصليت للرب وقلتله يارب أنا اؤمن فيك وبعرف انك انت الطريق لكن يارب هناك تشويش كبير وأنا وحدي هون ومابعرف مين اتبع يا رب أنت قودني وجيب الشخص المناسب في حياتي لحتى هو يعلمني كيف صليلك وكون معك، بعد الصلاة بالمساء طلعلي فيديو للأم ماغي خزام لأول مرة في حياتي عن شفاعات القديسين فحضرت الفيديو وأعجبت جداً بطريقة طرحها للموضوع وكلامها ، فمن أول فيديو حضرته تعلمت الصلاة وكيف تكون صلواتنا كلها للرب فقط ومن اعجابي شاهدت اكثر من فيديو وصرت من متابعيها ،وبفضلها صرت عم عيش حياة مسيحية حقيقية و استمتع بكل لحظة مع الرب فقط.
انا اشكر الرب على الأم ماغي لأنها عرفتني عن الإيمان المسيحي و مسكت ايدي وطلعتني من التشويش والعبادات الخاطئة يلي كنت فيها وحطت أيدي في يد المسيح، بعد سنتين من الإيمان تتلمذت عند الأم ماغي و تعمدت يوم 28/04/2022 وأنا للمسيح.
– عمر و زوجته داليا _ الجزائر
انا من سوريا من خلفية اسلامية سنية من عائلة ملتزمة دينياً كنت صوم وأصلي بسبب إصرار اهلي على الالتزام بالدين بس بدون قناعة وكان عندي أصحاب مسلمين ومسيحيين بس كنت المس روح الصدق والوفاء والمحبة الحقيقية من أصحابي المسيحيين ومن هون كانت نقطة البداية للبحث عن الفرق بين الإسلام والمسيحية بحث دام اكتر من ثلاث سنوات من ضمنها كنت تابع فيديوهات للأم ماغي خزام وكانت فيديوهاتها تجاوب على كل الاسئلة الي كانت تراودني وماكان حدا يعرف يجاوبني عليها وقرات الكتاب المقدس وقتها حسيت بسلام كبير بحياتي ماحسيته من قبل كلام واضح ومفهوم وكله محبة وصار عندي قناعة تامة بانه الرب يسوع المسيح هو الرب الحقيقي وهو الطريق وهو الحياة وهو المخلص له كل المجد وتلمذت عند الأم ماغي بكنيسة الرب ربنا يبارك حياتها وخدمتها
وبشكر ربنا يلي خرجني من الظلمة للنور الحقيقي واليوم تعمدت انا وزوجتي ونلنا الخلاص وربي يثبتنا للمنتهى.
وبصلي لكل الناس ربي ينور قلوبن وعيونن ليعرفو الرب الحقيقي وينالوا الخلاص قبل فوات الاوان لانو ليس بأحد غيره الخلاص.
– زينب من الجزائر
انا مولودة مسلمة، بشكر الرب على المعمودية و كانت متل هدية جميلة بزاف و مش صدفة ابدا ان الرب اختار لي اتعمد في جبال تيزي وزو، بفضل الرب يسوع عليا ان سمعت من احد حلقات أمنا ماغي ان اطلبوا و صلوا باسم يسوع تنالوا و فعلا بعد عناء عشرة سنين من التفكير بين الأديان و البحث عن الرب دخلت باكتئاب عظيم لكن الرب اراد ان تطلع قدامي حلقة امنا ماغي و كان في 01/01/2021 و تواصلت في متابعة الحلقات و كنت نصلي باسم يسوع و حسيت بمحبة يسوع و ان فعلا هو قريب مني بزاف و بفضل الرب عليا ما كملت العام. الا و تتلمذت و ما كملت عام على التلمذة الا و تعمدت و نعمة ربي عليا هي الثبات بالايمان كملت تلمذة و تعمدت في 25/03/2022 و كانت ولادة جديدة
المجد للرب يسوع المسيح
و شكرا لأمنا ماغي نعمة من يد الرب يسوع بنت الرب اللي عرفتني بكل معنى الكلمة بشخص يسوع الاله الحق .
من خلال حلقات امنا عرفت ان لا إله هناك و أن الاله الحقيقي هو اللي كملتو وحدة و في كتابه المسموح مسموح للأبد و الممنوع ممنوع للأبد، كلمة وحدة بلا فتوى لان اله حق و ان البيت المسيحي مقدس في الانجيل عند الرب بلا فتاوى تشتت العائلة.
– ثمازيرث من الجزائر
انا كنت مسلمة كنت أحس إني عايشة داخل القبر ما فيني اسأل ولا اي شئ خاصة المرأة ، دورت كتير لاقيت انو الاسلام ماكرم أبداً المرأة ( هي و الحيوان و النجاسة نفس الشي و فوق هاد أربع زوجات …..) و انا كرهت الرب اللي في القرآن يحتقر المرأة و ما قبلت هيك شي مع اني كنت محجبة و ملتزمة ، بعدين صرت أقول شو هاد الرب اللي يحتقرني ؟ الرجل الو كل الحقوق و أنا لا ؟ هيك تركت الاسلام بعد فترة تعرفت عن المسيح من خلال أخت بس ما تعمقت كتير لحتى تعرفت على الأم ماغي بديت اشوف الفديوهات و أبحث عن الحق . و هون شفت انو في اله حي بيحبني مو اللي كنت اعرفه ، بعدين صرت كل ما اشوف حلم موحش بس اذكر اسم يسوع المسيح خلص كلشي يصير حلو، آمنت بالمسيح و عمل معجزة لي انو ابي و أمي مرضوا و صاروا في فراش الموت بس باسم الرب يسوع الحي القدوس صحيوا و صاروا احسن . بشكرك يا ربي السماوي لانك عرفتني على الأم ماغي هي علمتني صح و على كل الاخوة و اصلي باسم يسوع المسيح تفتح عيون عائلتي وكل واحد لسة ماشاف نورك ، انا بحبك كتير يا ابي و شكرا على كلشي ، وتتلمذت و تعمدت و صرت للمسيح
بنت الملك المكرمة حقي تماماً كحق الرجل ووارثة للملكوت بالمسيح يسوع له كل المجد.
– صلاح الدين من الجزائر
في 2017 صديق بعتلي فيديو عذاب القبر لشيخ يشرح طريقة عذاب القبر بأسلوب جداً مخيف ومع صور لجهنم وعذاب، في مقترحات الفيديوهات عاليوتيوب شفت فيديو لحدا مسيحي بعنوان عذاب القبر وقتها ماكنت اعرف انو هو برنامج نقد دين الاسلام شاهدت اغلب فيديوهاته فوجدت انه صحيح في آيات في القرآن وأحاديث صحيحة وشيوخ دين يقولون نفس الكلام بعد مدة من البحث تركت الاسلام لكن كنت دائماً مآمن انه في خالق للكون فتواصلت مع إحدى القنوات المسيحية عبر الايميل بعثولي رابط للكتاب المقدس العهد الجديد طلبوا مني اقرأ فقرأت متى ويوحنا لوقا مرقس اكثر اشي اثر فيا الموعظة علي الجبل وبعدها شاهدة فيلم يسوع المسيح فحبيت يسوع المسيح جداً فطلبت من القناة يوصلوني بمؤمنين من الجزائر لأنال المعمودية واديتهم رقم الهاتف مرت مدة واتصل بي اخ صار يسألني بعض الاسئلة وبقينا على اتصال مدة شي سنة تقريباً، دخلنا 2018 وماصار النصيب إني اتعمد حتي 2019 اتصلو بي ونسقنا موعد ورحت والتقيت بأخوة وأخوات عابرين جداد ونشكر الرب . اهلي لاحظوا عندي الكتاب المقدس صار في مناوشات وطلبو مني إني ارجع الاسلام والا اطلع برا عرفت كيف اجاريهم واضلني في البيت. ومع بداية 2020 اجت كرونا للعالم كل الناس بالبيت وانا من قبل كنت بشوف فيديوهات أمنا ماغي بس ماكنت من المتابعين باستمرار لكن في سنة 2020 صرت اتابعها وشفت اغلب فيديوهاتها على اليوتيوب وصرت افهم أكتر واقتنع اكثر وأحب أكثر الكتاب المقدس وخاصة لما شرحت عن هل يوجد خلق قبل آدم وحلقة البركة وفيديوهات كثيرة بتشرح بطريقة بسيطة ومفهومة فحبيت انضم لكنيسة الرب وها انا بعد سنتين من المتابعة انا معكم.
– بو بكر من الجزائر
انا من عائلة اسلامية متشددة جدا، خاصة من جهة الاب الذي كان له دور كبير في تنشئتي على طريق الاسلام و القرآن، و كما كان الحال منذ صغري كنت أحفظ القرآن في مدارس تحفيظ القرآن، كما أن والدي كان حريصاً على أن اجلس مع اصدقائه من جماعة الدعوة الاسلامية رغم صغر سني، و لكن مع الوقت بدأت أطرح على نفسي تساؤلات حيث كنت لا اوافق بعض تصرفات أبي، هذه التصرفات التي لم تكن تصرفات شخصية و لكن كان مصدرها القرآن، كمعاملة أبي لأمي القاسية و كذلك العديد من المواقف في وسط العائلة او مع الناس، كذلك تأثره بأفكار الجهاد و العنف، هذه الأفكار التي كان مصدرها القرآن، كل هذه التساؤلات التي كانت عندي و التي لم اجرؤ ان اطرحها لان اسئلة من هذا النوع تعتبر كفر في الإسلام.
الى غاية اليوم الذي تصادفت فيه بآية من الإنجيل كانت المفتاح لقلبي، هذه الاية هي “١٦ مِنْ ثِمَارِهِمْ تَعْرِفُونَهُمْ. هَلْ يَجْتَنُونَ مِنَ الشَّوْكِ عِنَبًا، أَوْ مِنَ الْحَسَكِ تِينًا؟ ١٧ هكَذَا كُلُّ شَجَرَةٍ جَيِّدَةٍ تَصْنَعُ أَثْمَارًا جَيِّدَةً، وَأَمَّا الشَّجَرَةُ الرَّدِيَّةُ فَتَصْنَعُ أَثْمَارًا رَدِيَّةً، ١٨ لاَ تَقْدِرُ شَجَرَةٌ جَيِّدَةٌ أَنْ تَصْنَعَ أَثْمَارًا رَدِيَّةً، وَلاَ شَجَرَةٌ رَدِيَّةٌ أَنْ تَصْنَعَ أَثْمَارًا جَيِّدَةً. ١٩ كُلُّ شَجَرَةٍ لاَ تَصْنَعُ ثَمَرًا جَيِّدًا تُقْطَعُ وَتُلْقَى فِي النَّارِ. ٢٠ فَإِذًا مِنْ ثِمَارِهِمْ تَعْرِفُونَهُمْ.” (متى ٧: ١٦-٢٠)، هذه الايات التي كانت المفتاح لي للبحث اكثر في الانجيل و المسيحية، فقد كنت أرى الثمار -التي هي الاعمال- التي جاء بها القرآن و التي لم اتوافق معها، خصوصا ايات العنف و الجهاد، فهل يعقل أن الرب يأمر انسان ان يقتل أخاه الانسان من اجل نشر رسالته؟، و لماذا الرسالات السابقة كرسالة موسى و يسوع و غيرهم من الانبياء لم تنتشر بالسيف؟، كل هذه التساؤلات كانت عندي.
الى اليوم الذي حصلت فيه على الكتاب المقدس و كان تطبيق على الهاتف، و كنت أقرأ و لكن لم اكن أفهم، إلى غاية اليوم الذي بدأ في تلمذتي صديق لي من الكنيسة الإنجيلية، و كنا يوميا نقرأ إصحاح من الكتاب المقدس و نختار اية من الإصحاح و نشرحها،و هكذا تعلمت كيفية قراءة و فهم الكتاب المقدس، الكتاب المقدس الذي يقول فيه المسيح عن نفسه “أَنَا هُوَ الطَّرِيقُ وَالْحَقُّ وَالْحَيَاةُ. لَيْسَ أَحَدٌ يَأْتِي إِلَى الآبِ إِلاَّ بِي.” (يوحنا ١٤: ٦)، فالطريق الى الإله هي طريق وحيدة هي طريق يسوع المسيح، في الإسلام يقولون ان الكتاب المقدس محرف، و الكتاب المقدس يقول “اَلسَّمَاءُ وَالأَرْضُ تَزُولاَنِ، وَلكِنَّ كَلاَمِي لاَيَزُولُ.” (لوقا ٢١: ٣٣)، فالكتاب المقدس كلام الرب و كلام الرب محفوظ.
ثم تعرفت على الأم ماغي من خلال فيديوهاتها و تعلمت الكثير عن المسيح معها و قررت ان اتتلمذ عندها، اتصلت بها و تتلمذت و ها انا اليوم 29 اكتوبر 2022 تعمدت باسم يسوع المسيح له كل المجد.
– فيروز من الجزائر
أنا فيروز من الجزائر أمازيغية آمنت بالمسيح في 2002-2003 أنا و كل أفراد عائلتي كنا قبل ذلك مسلمين بالولادة كنت أحب الله منذ صغري كنت أصلي و إقرأ بعض القصص عن محمد مثل الإسراء و المعراج و لكن لم يتقبله عقلي لم تكن هناك علاقة محبة او حتى حماية و اليوم الذي بشر لنا بالمسيح تقبلته بقلب فرح وجدت كل ما كنت أبحث عنه
و لما عرفت الام ماغي صدفة رأيت فيديوهاتها واحدة تلوى الأخرى فشاهدت الحلقة عن الحرب في روسيا فلمسني الرب و تباركت كثيرا بفديوهاتها و هناك أمور كثيرة فعلها الرب في حياتي .
– فيروز 2 من الجزائر
آمنت بالمسيح سنة 2003 كنت من خلفية إسلامية و لكن لم أكن متدينة لما كنت إقرأ القرآن إكتشفت أشياء لا يقبلها العقل البشري السليم مثل الزواج، الورث ،سيرة محمد لا يمكن أن يمكن أن يكون من الله آمنت بالمسيح و تعمدت و لدي شهادات كثيرة و تعاملات الرب الإله في حياتي له كل المجد.
– كان عندى فضول للبحث عن من هو المسيح فى الكتاب المقدس وتحول الفضول إلى حالة من التعلق ونفور من الإسلام عندما قرأت الكتاب المقدس، زادت آلامي النفسية وحاولت مراراً الإنتحار، ولما لم يعد عندى مقاومة قلت يا رب خلصنى مما أنا فيه بعدها نمت واستيقظت على صوت يقول لى لا تخف لأني معك، قبلت المسيح بنفس اليوم فى غرفة مسيحية على البالتوك.
كان من الصعب التواصل مع أي كنيسة بمصر بسبب اضطهاد اتباع محمد لهم ، حتى تم ارشادي إلى ابنة الرب ماغي خزام التى قامت بتلمذتي، علم أهلي ودخلت خلوة بالسرير اجبارية لمدة شهر تقريباً امتزجت فيها آلام الجسد مع صلواتي ، حتى جاء ميعاد تعميدي الأسبوع الفائت و تعمدت و نلت البنوة.
– إيمان من مصر
أنا خريجة حقوق من أسرة متدينة مصرية، كنت بسمع لقنوات دينية إسلامية غزت بيوت مصر كلها فترة الالفينات وبدأت شكوكي معهم عشان اتعمقت بالدين أكتر (كنت في ثانوية عام وقتها ) وكنت بشوف كره وحقد عليّ كأمراة وعلى أي حد مختلف او ميؤمنش بمحمد وكنت بشوف ربنا إله متجبر مكار ظالم وكنت من جوايا بكره محمد من أخلاقه الغير مشرفة والغير انسانية بس ما كنتش قادرة أقول لحد، ولما درست في الجامعة الشريعة زادت الشكوك فيا اكتر وبقيت أشعر بالنفور فبدأت اتابع صفحات ملحدين وأحمد ديدات وأشوف مناظرات يوتيوب وأبحث فقررت أكون قرآنية وقولت العيب في الأحاديث يمكن هي اللي شوهت محمد لأني كنت خايفة أترك الإسلام ليكون هو الصح.
بس بعد كدة مرتحتش داخلياً حسيت إني منافقة لأن الأحاديث وكتب الفقه والروايات الفقهية و كتب السيرة هي شرح للقرآن وتفسير ليه، المهم بعد سماعي برنامج صندوق الإسلام كرهت محمد أكتر ما كنت بكرهه، برنامجه اداني الجرأة أترك الإسلام بس كنت عايزة وسيلة روحانية توصلني لربنا مهو مش معقول خلقنا كدة هباءاً وعبثاً كنت تعبانة أوي وبكيت كتير له عشان يعرفني عليه لاقيت صوت جوايا بيقولي اقري الإنجيل ابحثي قرأت أول إصحاح متى حسيت بسلام داخلي إلهي لم أكن أعرفه قط أو أشعر بيه من قبل واتعلمت ازاي أحب ربنا بعد ما كنت بخاف منه وأصلي وأنا مجبرة من أجل خوفي منه وليس لمحبتي له كما أفعل الآن وقررت أتعمد على طول من 3 سنين وكان أحسن قرار خدته.
من بعد معموديتي بشهرين تقريباً بدأت أسمع للأم ماجي خزام وحبيتها جداً وكان كلامها بيأثر فيا ويدخل قلبي بسرعة أوي والنهاردة بقيت جزء من كنيسة الرب و انضميت ليها.
– فتحي من مصر
عمري 70 سنة و اشكر الرب الاله على كل نعمه عليا فالرب يسوع المسيح هو ربى والهى ومخلصى
باختصار شديد تعرفت على الرب يسوع اول مره عندما كنت فى امريكا عن طريق الBoss تبعى واسمه Bob وهو يهودى عابر ومؤمن جدا بالمسيح حيث تعرضت لبعض المواقف الصعبه وصلتنى لمرحله الاكتئاب وقال لى بوب الحل عند المسيح فقلت له كيف هذا فبدأ يشرح لي كل شئ عن المسيح وفعلا قبلت المسيح وخاصه انا كنت قبل ذلك دائم الشكوك الكثيره حول هذه الديانه اقصد الاسلام وما به من تناقضات غريبه وعقائد لا يقبلها اى انسان محترم
باختصار شديد عرفنى بوب على قسيس مسئول كنيسه بانديانا حيث كنت اسكن واحضر لى كتاب مقدس بالانجليزيه ثم بوب احضر لى كتاب مقدس انجليزى عربى وبعد حوالى شهر اتعمدت عن طريق هذا القسيس وكان يوم لا ينسى فى حياتى واصبحت اواظب على قراءه الكتاب المقدس حدث كل هذا عام ٢٠٠٢.
بعد ذلك عدت الى القاهره مصر عام ٢٠٠٤
اول شي طلبته زوجتى الطلاق وحاولت طبعا اقنعها ولكن لا فائده المهم حدث الطلاق وطبعا بلغت كل اخواتى وهذا الامر بالنسبه لهم يعتبر فضيحه واخواتى ابلغوا كل أعمامى اقاربى كلهم
ولكنى اصريت على موقفى أن مهما حدث لن اترك المسيح وربنا حيكون معى وفعلا ربنا نجانى من امور كثيره جدا بفضل رعايته لى رغم كل انواع الاضطهادات التى تعرضت لها وطلبوا منى أن اغادر البيت لانه ماينفعش اعيش انا وطليقتى فى نفس الشقه وطليقتى اعطتنى فرصه يومين حتى ادبر حالى ولكنى كنت واثق أن يسوع لن يتركنى
كنت مش عارف اروح فين مفيش غير الشارع ولكن فؤجت بعد كام يوم طليقتى ان ممكن اقعد فى الشقه ولكن فى غرفه مستقله وذلك من اجل الاولاد
انا اب لبنتين و لد وعلى فكره هذا الموضوع مش فارق معاهم خالص وهم يحبونى جدا حتى هذه اللحظه
– حازم من مصر
انا كنت شاب ملتزم دينياً و متعصب ولكن كنت من النوع الشباب اللي كان بطبعه لازم اعرف كل حاجه و اقتنع.
الشيخ في درس بعد صلاه المغرب كان دايما يقعد يتكلم عن أن حرام أننا نقول المسيحيين كل سنه وانتوا طيبين لاي مناسبه أو لو حد مات نعزيه فيه أو يكونوا أصحابنا.
وانا كنت دائما بعترض علي ده وكان برغم التزامي و صلاه حفظي للقرآن و الدروس الي باخدها في المسجد كنت دايما مش مرتاح و كان عندي فضول اعرف عن المسيحيين و المسيح.
فعلا بدأت اعمل بحث و بدأت أقرأ عن الإيمان المسيحي و عن العقيدة و عن الثالوث.
كله كان كلام تقيل عليا جدا ومكنتش فاهم بدأت واحده واحده اتفرج علي فيديوهات.
فهمت و بدأت أقرأ في الكتاب المقدس في انجيل متى تحديداً عظه علي جبل ولما قرأتها أتأثرت جدا و قلت استحاله يكون ده دين باطل او محرف امنت و مكنتش بطلب من ربنا اي حاجه غير أني اتعمد من منطلق من امن و اعتمد خلص وانا عايز اعيش مع المسيح و اتناول و اخد النعمه.
اتعرفت علي حد عن طريق الفيسبوك اتكلمت معاه و اتكلم معايا لغايه ما عرف و اتأكد من ايماني و روحت الكنيسه و تعمدت و ادهنت بتلات زيوت آخرهم كانت زيت الميرون و بقيت فيلوباتير علي اسم القديس و الشهيد العظيم مرقوريوس ابو سيفين ومن ساعتها وانا حياتي بقت كويسة و عرفت أهلي و بعد معاناه و مشاكل تقبلوا اني بقيت مسيحي.
– محمود و عائلته من مصر
سكن المسيح قلبي حباً به وشوقاً لمعرفته كنت أتساءل هل سوف القاه يوماً واخذت اتابع حلقات أمنا ماغي خزام وعندها تعرفت من خلال كلامها أكثر على الرب يسوع المسيح، اصبحت اطمئن لأن حياتنا كانت بائسة وضائعة، فدخلت التلمذة معها وتعمقت بحب ربنا وان اخطو خطوة دون الرجوع الى الوراء وكان كلامها عن ربنا يسوع يدخل الى قلبي لأن يسوع المسيح أخرجنا من الظلمة الى النور وأن ربنا يسوع ادخل الروحانية والإيمان والمحبة الى قلوبنا ومن خلال التلمذة وقراءة الكتاب المقدس عرفت أن الرب يسوع المسيح هو النور والمصباح الذي يضيئ حياتنا وقلوبنا جعلنا نشعر بالامان والايمان الروحاني وسهل معموديتنا باسمه القدوس وأعطانت الروح القدس والثبات والايمان والخلاص واننا اصبحنا ابناء الرب يسوع المسيح وكانت تلك ولادة جديدة لنا حيث تعمدت انا و زوجتي و أولادي الثلاث.
شكراً ربنا يسوع لأنك معنا حتى الحياة الابدية.
– كريم من مصر
انا اسمي كريم 25 سنه من مصر مولود من اهل مسلمين سني كنت دايما عندي فضول اعرف ايه هي عقائد المسيحيين بس كانو في المدرسه دايما يقولو ان هم كفار و ربنا مباركهم في الدنيا و احنا لنا الجنه و اتعرفت علي الرب يسوع عن طريق فيديوهات امنا ماغي خزام شدني فيديو الفرق بين عيسي في القرآن و يسوع في الكتاب المقدس ما كنت اعرف انو اسمو يسوع ولا عمري سمعت الاسم، فضلت اتابع فيديوهات امنا ماغي عن الكتاب المقدس و بعدها قرأت كتاب انجليزي اسمو Seeking Allah Finding Jesus بعدها عرفت اشياء كتير عن نبي الاسلام محمد ما كانو يخبرونا عنها في المدرسه والا اهالينا حتا انو كان يقتل و يزني و يسرق و عندو سبايا و يدعي الناس انهم يقاتلوا الكفار و هو قال امرت من الله ان اقاتل الكفار حتي يؤمنوا في حديث صحيح و اتأكدت من كل الكلام انها احاديث صحيحه و موثقه بعدها دعيت الرب ان يفرجني الطريق الصحيح الي امشي عليه شوفت حلم امنا ماغي تديني صليب خشب و بعدها شفت حلم اخر اني موجود في غرفه كلها صلبان خشب و بعدها حلم اني في غرفه فيها رهبان بيصلوا انا بعد كل هذا نزلت الكتاب المقدس و قرات العهد الجديد بدأت بانجيل متي و آمنت بالرب يسوع كمخلصي و الاهي و ربنا عرفني علي اصدقاء مسيحيين بعد سنه و اتعمدت نشكر الرب يسوع المسيح المخلص.
– قصتي مع يسوع بلشت لما تزوجت مسيحي و تحديت اهلي لاني مسلمة لانو الإلتزام الي شفتو من زوجي و الصدق وعدم الخيانة ما شفتو من مسلمين ، فكرت أنه راح جيبو للاسلام بعدها بلشو اهلي ضغط عليي و انو هيدا عم تزني معه لازم تخليه يصير مسلم أو تطلقيه ودوري على رجال مسلم. صعب القرار عندنا اولاد و انا متعلقة فيه اكتئبت لأنو بدي انفصل منو و عطيتو خيار انو يصير مسلم أو نترك ، قلتلو إذا بتحبني لازم تعمل ها شيء أنا ما بدي روح جهنم بسببك ، قالي جيبيلي معجزة لمحمد وقتها بصير مسلم!
صار عندي تحدي و صليت صلاة اسلامية وركعت وقلت يارب فرجيه الحقيقة واهديه ما بدي اتركو، صرت وقتها فتش عالانترنت هل توجد آيات في الانجيل عن محمد متل ما بيقولو الشيوخ ما لقيت و عفكرة كانت أول مرة بفتح الانجيل لانو كانوا بيخوفونا منه
ما كنت بعرف أنو شو ها الكتاب كمية المحبة الربانية الي فيه و كلمة ربنا الصح
لأنو القرآن ما يلمس القلب اصلا فيه كلام غير مفهوم ومرعب بس كنت اقراه من الخوف
المهم برحلة تفتيش ما لقيت شيء صرت لاقي العكس.و اعمل مقارنات بين محمد ويسوع من قدوس حي لواحد كلو خطايا وفضايح متل عايشة الي تزوجها 8 سنوات و مسيرته الداعشية
قلت أنا كيف هيك؟ وقتها طلبت من زوجي انو بدي روح اتلمذ واتعمد و بلشت رحلتي مع يسوع الفرح الي انتشلني وبعدين عرفت انه زوجي كان كل ما يروح يصلي بالكنيسة يصليلي مشان ما اهلك، لما كنت مسلمة وشوفو رايح عالكنيسة بالمناسبات كنت اطلب منو يصليلي لأنو الله بيسمعلكن ، لأنو بفكري انو يسوع حي متل ما موجود في القرآن و محمد ميت.
بعدين بدينا بالتلمذة اخذت شهور و أنا متشوقة بفرح بدي اتعمد و اعرف عن يسوع اكتر و اعرف شو الخلاص.
راح الاكتئاب اللي ان عندي و بشكر ربنا معيشني بسلام وحياتي أنا وزوجي مقدسة للرب
عم عاني من مشاكل مع اهلي مش هاممني لانو فرحي مع يسوع أهم في الابدية.
– روند من تونس
انا روند من تونس عمري 22 سنة كنت مسلمة أصلي و أصوم لكن لم أكن أشعر بوجود الرب في حياتي أحسست أنه إله بعيد جداً عني و لا أستطيع الوصول له مهما فعلت ، بدأت البحث عن الرب سنة 2018 جلب انتباهي التضارب في القرآن عن مصير المسيحيين و اليهود آيات تقول هم أهل الذكر و علينا احترامهم و آيات تقول أنهم كفار و دسوف يهلكون فقلت كيف يستطيع الرب تغيير قرارته. صدمت كثيراً من الحقائق التي وجدتها عن محمد و عن كيف بدأ الإسلام و أحسست بخيبة أمل كبيرة لأني كنت أعيش في كذب. ثم بدأت أبحث في المسيحية لأني دائماً كنت أراه دين سلام ومحبة و قرأت كثيراً و أراحتني جداً فكرة أن المسيح أتى ليموت مكاننا ليخلصنا من حكم الموت جراء الخطية أحسست وقتها أن هناك معنى حقيقي لحياتي و بدأت اقرأ الكتاب المقدس لكن رغم ذلك كان لا يزال هناك شك في داخلي و خوف أن يكون هذا أيضاً كذبة وصنع بشري ، ثم في يوم صليت وبكيت أمام الرب و طلبت منه أن يعطيني أي إشارة أو علامة أو أي شيء يطمنني و يثبت لي أنه حقاً الطريق والحق والحياة كما يقول الكتاب، الرب لم يتركني بل استجاب لي وتعامل معي عن طريق حلم حيث كان هناك صوت من السماء يناديني و يقول لي اتبعيني لا تخافي أنا الطريق فٱمنت بالرب يسوع المسيح من تلك اللحظة و تغيرت حياتي تماماً.
– نور من تونس
لما كان عمري 16 سنة رحت سألت امي عالمسيح لاني كنت بسمع كتير شغلات عنه وكان مميز فسألتها ليش المسيحيين بيؤمنوا انه رب و بالصدفة امي لحظتها خبرتني إنها مؤمنة بالمسيح منذ عام فتعجبت اني سألتها فتشجعت تخبرّني عن اختبارها، فرحت كثير وحسيت بسلام لما عرفت انو مات من اجل خطايانا فعطيتني كتاب مقدس بس طبعة انجيل قريت متى و ضليت ابحث اعجبتني شخصية المسيح لكن ماكان في ايمان او علاقة معاه فقررت اني افتح قلبي لكن احسست اني وحدي مسيحية و ما في ناس معايا و رغم ذلك اكتشفت محبته الفائقة و تغلبت على وحدتي و قررت اتأكد انو حقا المسيح اله و جاء من اجل ان يخلصني و يخلص العالم فصليت ف ليلة من الليالي و شفت حلم قصته طويلة رح اختصر كنت بمنزلي و كان فيه كتير شياطين و كانو عم يكسروا كل شي بيعترضهم خفت كتير فاستسلمت ولحظتها تذكرت انو فيني استعين بمخلص واحد وعد انو رح يحمينا من الموت فقمت و نظرت لكل الشياطين من دون خوف وصرخت باسم المسيح يسوع هلأ بتطلعو من هالبيت و ما ترجعو طا فهربوا كلهن وفقت من النوم أبكي بفرح حسيت انه ربنا عطاني سلطان عليهم لأني من لما كنت صغيرة كان عندي خوف منهم وحسيت بحرية من القيود
لحظتها قررت سلم حياتي للرب.
في يوم رحت الكنيسة لأول مرة و شفت إنه في كتير مسيحيين ففرحت لكن عرف بابا بالموضوع منذ عامين فمنع عني الخروج مع أمي و بدأ الاضطهاد و لكن بقيت لاقي اعذار لحتى روح و تعمدت بس صار كتير مشاكل بالكنيسة وما عدت روحلها و قررت اني اقرأ الكتاب المقدس لحالي كنت سعيدة لكن كنت محتاجة لكنيسة حقيقية فيني اعتمد عليها و تفرجت ع كتير من فيدوهات أمنا ماغي وتابعتها منذ عام و عرفت المسيح بصورة اوضح و اوضح و تشجعت اني اتواصل معها و اليوم ضافتني لكنيسة الرب.
– هدى من تونس :
أنا كنت طول عمري قريبة من الرب كخالق وبحس انه أبويا ماكنت أميل للشرائع الاسلامية وخصوصا العيد الكبير والصلاة الإسلامية ..وفي فترة ما تقريباً من 10 سنين كان عمري 38 تدينت كتير وكان كل همي أحافظ على صلاتي كنت حزينة لأني أنفر من طريقة الصلاة كنت بحاول أحافظ على الصلاة ولبست الحجاب لكن كنت حاسة بثقل وكنت بطلب دائما “يا رب خلصني” مع اني ما كنت أعرف شي وقتها عن العقيدة المسيحية وفي يوم فاتتني صلاة المغرب بكيت من كل قلبي وقلتلو يا رب أنا بسجدلك بروحي شو فائدة الصلاة بالحركات وشعرت بإحساس بحياتي ما حسيته سلام غريب ..وبعدين صارت تجي قدامي فيديوهات تنتقد الاسلام والنبي محمد والغريب إني ما حسيت بغيرة على هذا الدين ولا نبيه وصرت أتفرج على قنوات مسيحية .. باختصار حصلت على الإنجيل ولما وصلت للآيات الي المسيح حكى فيهم مع السامرية عرفت إن الإنجيل حق لأنه رد على صلاتي لما قلت أنا بسجدلك بروحي وكنت كتير بتفرج على قصص العابرين وبعد ما قبلت المسيح واعترفت بعمله على الصليب وفي نفس الليلة حلمت أنه كان في السماء ينظرلي ويبتسم وكان كأنه نهاية الايام على الأرض وبعيونه قالي انت معي لا تخافي ومن وقتها لليوم مريت باختبارات كتير اثبتلي الرب من خلالها انه دائما معي مهما كانت الظروف صعبة و قادني روحياً خلال هالفترة .. وهو حط الأم ماغي في طريقي من خلال اليوتيوب وكلمني من خلالها في حلقة “العشور”.
وتعمدت و بقيت للمسيح كل المجد لإسمه المبارك.
– سمية من تونس
قصتي مع الرب ابتدأت منذ الطفولة عندما كنت اخاطبه و احبه من كل قلبي. ثم مرت الايام و صدمت عند بلوغي فترة المراهقة بغياب عمل الرب في واقع مجتمعي المسلم. ثم اهتزت علاقتي بالرب لسنوات حتى اندثرت تماماً، حتى هاجرت للدراسة بالولايات المتحدة. هناك تعرفت على الجالية العربية المسيحية والتي أغلبها لم يكن داعماً. فقررت البحث و التدقيق في قصص هذه الجالية، حتى تعرفت على الأم الروحية ماغي خزام و الكثير من المصادر الأخرى و ارتوى جفافي الروحي. قبلت التحدي و دعوت باسم الرب، باسم يسوع المسيح، و سلمته حياتي لأنه كان مجيباً. انني لشديدة السرور لجمع شملي مع الرب.
– منى من تونس
سلام المسيح. أنا من خلفية مسلمة و لكن من عيلة منفتحة.منذ طفولتي كنت فضولية و كنت أطرح العديد من الأسئلة الوجودية و لكن عندما يتعلق الأمر بالإله كنت أصطدم بحائط.
كان هذا الإله بالنسبة لي إله غضوب، أصمّ، غائب.
لما صرت بعمر ال12 , حكيت مع أهلي و خبرتهم انه أنا برفض إلاههم و ما رح صوم رمضان السنة و ما رح صلي. من وقتها و أنا ملحدة لحد ما قريت الانجيل و قابلت الرب المحب اللي بيسمع لما أناديه اللي يمسح دموعي بإيديه اللي يسخرلي كل شيء لحتى يسهلي الطريق لقيت الرب الحي، الإله الحق و حضنني الرب و أخذني بين إديه و سماني بنته و نقش إسمي على كفّيه. ربنا إللي فداني بدمه الطاهر عالصليب و قام من الموت و هزم الموت ليعطيني الأبدية والخلاص و أنا اليوم مت و قمت معو بالمعمودية .ليتمجد إسم الرب و بصلي لحتى إللي مازال ما عرفه يعرفه و يترمى بأحضانه و يركع و يبكي و يطلب من ربنا يفتح عيونه و قلبه لحتى يشرب من الينبوع الأزلي و يأكل من خبز الحياة.
– أروى من اليمن
عرفت ان الإسلام باطل وجدت اشياء ليست مقبوله وألحدت ودامت فترة الحادي فترة طويله جداً لحد مالمس الرب قلبي خرجت من اليمن وقلت يارب اذا انت تريد ان اعرفك سهل لي طريق الى الامام حتى اعرفك واذا انت تريد ان تقول لي ان الاسلام حق خليني ارجع للوراء ومستحيل اقبل فيه خليني بالالحاد افضل طبعاً كنت اقصد اله المسيح سافرت وبعد سفري بفتره حصل لي حادث مروري بعدها بيومين طلبت مني احد صديقاتي ان ادخل معها الكنيسه فقلت لها كيف امشي وانا الحمام مااقدر ادخل الحمام قالت صلي قلت بنفسي اذا قمت من السرير غدا ورحت الكنيسه بتمسك بيك ومابتركك ابدا ونمت ولمن صحيت قدرت امشي ورحت الكنيسه وكانت اول مره ادخل كنيسه كنت سعيده جدا ومن هنا بدأ مشواري مع الرب يسوع المسيح وتعمدت كانت يوم معموديتي في الشتاء وكانت الساعه ٥ صباحا والميه لم تكن سخنه بل بارده جدا فقلت يارب انت وصلتني الى هذا اليوم انت وحدك تقدر ان تدفيني تعمدت وانا اشعر بان الرب كان يدفيني لم أشعر بالبرد اشكر الرب وانا متمسكه بالرب لانه مخلصي.
– وليد من اليمن
انا تعرفت على المسيح من بعد ما ماتو اهلي. كنت دايماً اسأل: ليش الله قصف أعمارهم رغم انو اهلي متدينين؟ ليش الله ما بيموت الا الناس الملتزمين بالإسلام والقرآن؟ فهمونا مشايخ الإسلام انو الله اذا حب العبد ابتلاه (بموته) كان عندي تساؤل هل معقولة اله يقصف اعمار ناس ويهلكهم لأنهم حبوه ؟
وانا قاعد اتفرج ع اليوتيوب طلعت قدامي الأم ماغي خزام وكان فيها شبه كبير من اختي الكبيرة، خشيت اشوف مين هذه الي تشبه اختي وانا جالس اقلب في فيديوهاتها، لقيت عندها كل الأجوبة الي بتدور في راسي فاكتشفت من خلال كلامها انه الاله محبة والاله كل ما احب الشخص زاده بركه ورزق وراحة بال وتصالح مع الذات واكتشفت من خلالها انه من وعود الرب في المسيحية انه الشخص ما يموت إلا شيخ شبعان ايام. وانو المهلك هو الشيطان. لانو الهلاك من صفات الشيطان.
نزلت الأم ماغي في فترة الكورونا حلقة وكانت تقول: المسيح قال اطلبوا تجدوا اقرعوا يُفتح لكم. يومها كنت كانت زوجتي حامل. وطلبت من ربنا يرزقني بنت ع شبهها وفعلاً رزقني ربنا بنت نسخه منها ومن اختي. وقتها في هذاك الفترة كنت أدخن بشراهة صليت باسم المسيح انو ابطل الدخان وماني قادر بعدها مرضت نص شهر. ولما قمت من المرض ما عاد حسيت بطعم السكاير وكأني اشربها لأول مرة وصار لي سنتين معاد بدخن نشكر ربنا.
وقبل شهر ونص لما كنت أقرأ في العهد القديم. حصل داخلي زي الشك في الإيمان. وقتها بكيت وصليت وطلبت من الرب يورجيني لو بالمنام و فعلاَ حلمت وعرفت انه الاله في المسيحية اله حي ويسمعنا وقريب منا.
انا بشكر الرب انو حط أمنا ماغي خزام في طريقي هذه الأم الروحية المباركة الي تلمذتني وطلعتني من الظلمات للنور. وعلا يدها تسهلت معموديتي. وصرت مسيحي. وبنصح كل شخص غير مسيحي. جرب المسيح في المسيح نور وحلاوة ومحبة . إلى جربها صعب يتركها.
لأنه إلهنا حي.
– انجي من اليمن
اسمي انجي من يهود اليمن تعرفت على المسيح من خلال رؤيا
عندما ماتت أمي بكيت وكنت اتكلم الي الرب واصلي وظهر لي الرب في الحلم وسألته عن اسمه قال يسوع الناصري ومسك بيدي واراني منطقه خضراء وقلي بتسكني هنا
عندما سالت من يكون يسوع الناصري لم اجد اجابة بحثت بنفسي عن طريق النت وعرفت وقرات الانجيل كاملاً وآمنت ثم عدت قراءة التوراه ورأيت أنه قد انبئ عنه الكثير من الأنبياء.
تركت اليمن وسافرت ودرست وتعمدت بدأت رحلتي مع يسوع والتبشير عنه والعمل بمشيئه رأيت تغيرات كبيره في حياتي ومعجزات كانت تصير معي كنت ارى يديه وعمله في كل خطوة من حياتي والتوفيق بكل شي أعمله.
انا ممنونة ليسوع بكل حياتي وعمله القدوس معي.
– ماجدة من اليمن
اسمي ماجدة من اليمن تعرفت وقبلت الرب يسوع بطريقة غريبة جدا وغير مخطط لها .. سنة 2020 فترة الكورونا تم تشخيصي بالتهاب في الاعصاب والم حاد في ثلاثة اماكن للديسك بالعمود الفقري (الفقرات العنقية) .
كان الوضع صعب والألم شديد وما كنت استطيع تحريك الجزء الايمن من جسمي بسبب ضغط الاعصاب عشت فترة مؤلمة خسرت شغلي لاني اضطريت استقيل و عشت وحدة فظيعة .. عرفت الرب من يوتيوب فيديو للقسيس مكاري يونان مع العلم انو انا كنت مسلمة ولا سامعة بحياتي عن اسم يسوع أو فكرت بالمسيحية أو بحثت .. وكانت هي أول رسالة لي انه الرب اشفق علي ونظر لحالي وتحنن .. انصدمت طبعاً لأنه أنا كنت وقتها مسلمة وملتزمة وسنية وما فكرت بالمسيح ومافهمت كيف وصل هالفيديو لقناتي ..
شفت الفيديو وكان عن قوة اسم يسوع وكان القسيس بيصلي صلاة شفاء للمرضى ..صليت واستخدمت اسم يسوع وباسبوعين بس حياتي تغيرت ولمسني الرب بمحبته وفرح عظيم صابني وكان رفيق وطبيب شافي وبديت رحلة الخلاص ..رحت لكنيسة بمدينتي واخذت نسخة الكتاب المقدس قرأته في السر والخفاء ..وبعدها بسنة تعرفت على الأم المباركة ماغي خزام ودرست وتتلمذت معها في كنيسة الرب وتعمدت .
بشكر الرب يسوع أنه غير حياتي كنت عايشة في الظلام ووجدت النور ..الرب غيرني أخلاقياً وروحياً ..كنت عصبية كثير وعندي غضب ورفض لأمور كثيرة في حياتي الاسلامية .. انضربت في الشارع من جماعة اسلامية لما كان عمري ٦ سنين لاني ماكنت لابسة الحجاب و صار عندي تروما وصدمة نفسية والم بالمنطقة المضروبة فيها ..لكن شاء الرب انو يكون مرضي في العمود الفقري ليتمجد الرب في حياتي ..
بصلي انو الرب يكمل معنا للمنتهى ويثبت فينا حتى مجيئه .. آمين
– رغد من العراق
اول رؤية للمسيح عام 95 في المنام قال يارغد ان كنت ترغبين ان تعرفين عني فتلاميذي 12عندهم الحقيقية ثم رأيته بالحقيقة في عام 2001 أنقذني من موت محقق بعدها استمرت الرسائل منه ثم رأته ابنتي وكان عمرها 13عام أيضاً بالحقيقة وبلغها باسمها فسألته من أنت قال أنا يسوع المسيح قولي لأمك إني احبها ثم ظهر بالحقيقة لابني عمره ثلاث سنوات الى اربع سنوات استمر اكثر من سنة وابني يتحدث عن يسوع ومريم ويوسف بحيث الحضانه سألتني هل تقرأون الانجيل في البيت لان ابنك بيحكي كثير عنه قتلها لا احنا مسلمين، واستمرت الرسائل الى نهاية 2019 وبديت أتابع فيديوهات أمنا ماغي صدفة اجا صوت عذب قال ماغي ابنة السماء تعلمي منها وستكونين معاها ذات يوم.
طلبت من ربي يريح روحي حكيتلو أنا أحبك أعطني إشارة يارب تعبت أنا شاعره دين الاسلام مو طريقك وإذ يمر طير لم أرى بجماله بحياتي إطلاقاً و نطق لساني الروح القدس ( كان عندي شاهد يشوف خاف ومقدر ) لأن السماء أنارت وكانت دنيا بذاك اليوم ليل وقلت في نفس اللحظة المسيح هو الله و آمنت، بعدها عم افتح اليوتيوب ولقيت امنا ماغي طالعة بنور الرب وتتحدث عن الروح القدس وبدأ الايمان الحقيقي وهناك رسالة لكي أختي: الرب بيحبك كثير ومسميكي مدرسة الايمان وأنا اشهد لكي أمام الرب كان لكي دور كبير في ايماني بسبب رسالتك البسيطة الروحانية كيف توصليها للروح قبل القلب شكرا الك اخت ماغي.
– أحمد من العراق
من انا صغير كانوا جيراننا مسيحيين وكنت أرى كل الرحمة عندهم وأشوفهم يساعدون الناس ومسالمين غير باقي أهل المنطقة اللي كنت فيها إلى أن رحلوا من البلد. ومن أنا صغير كنت كلما أتضايق أروح للكنيسة لكن لم أدخل انظر من بعيد وارتاح وكأني أريد أبكي لكن ما أعرف شنو السبب.
وعندما بلشت عنا الطائفية انقتلوا وتهجروا آلاف الناس وكنا نرى كيف نفقد أعز الناس لنا من أقارب وجيران فعندما بحثت تبين ان هذا له جذور قديمة من ألف وأربعمائة سنة بسبب حربهم وخلافهم عالسلطة، فقلت هل من المعقول دين من الله يسبب طائفية ومو ناس عاديين الي هم القدوة المفروض مثل حرب الجمل ثلاثه وعشرين ألف انقتلوا، معركة صفين سبعين ألف هل الله ينزل دين يسبب حروب؟ حاشا لله. والسبي طلع موجود في زمن أول ظهور الدين، واذا هو صدق نبي ليش تورث النبوة لحتى يتحاربون عليها من أجل الخلافة فتبين انها سلطة وليس دين وماذنب الملايين اللي قتلوا وتهجروا بسبب خلافة؟
اذاً هذه فعلاً دولة وسلطة وخلافة وليس دين من الله بالإضافة للاختلافات بموضوع العقيدة بين الاسلام والمسيحية مثل يا اخت هارون ومريم بنت عمران وكثير امور خاطئة ( هذا الي قلته جداً قليل ) إلى أن الرب يسوع فتح عيني ومثل ماقالت الأخت ماغي صلي من كل قلبك في غرفتك قول ياربي عرفني عليك، كنت أشاهد مقاطع الأخت و الأم ماغي اللي غيرت فيّ الكثير بعد أن عثرت عليها فجأة في السوشال ميديا والرب فتح عيني، فتتلمذت على يدها و تعمدت و عرفت الحق و الحق حررني.
– محمد من العراق
انا من خلفية اسلامية سنية وهابية سلفية. في فترة من حياتي رفعت عيني للسماء للإله المزيف ( الصنم ) الي عرفوني عليه وگلتله انت إله ظالم واني اكثر انسانية منك. ما كدرت ألحد وأنكر وجوده عقلي ما استوعب ماكو إله لكن استوعب انو ذاك الإله كان إله ظالم واستمرت هاي الفترة برحلة البحث عن الإله الحق لحين ما دخلت كنيسة طقسية اول مرة بحياتي كنت داخل كنيسة وكانت غايتي ادرب موسيقيا ضمن اختصاصي الموسيقي وهناك التقيت بالرب التقيت بالآب اختبرته اختبار محبة حقيقي حسيت بحنانه وعطفه ومحبته إلي وشلون رد الابن الضال الى أحضانه من بعد وحدة قاتلة قاسية من بعد كل أهلي وناسي واصحابي تخلوا عني. بعد ايام من دخولي لهذه الكنيسة اتصلت بالكاهن وطلبت منه يعرفني عن هذا الرب الإله الحقيقي الي كنت ادور عليه من زمان لكن هذا الكاهن خاف ورفض يعرفني وقلي ابقى على دينك لكن بسبب اختبار المحبة الشديد الي اختبرته ما قدرت اسمع كلامه. رأساً دخلت لغرفتي ورفعت عيني للسماء وقلتله يارب هو انت الإله الي كنت ادور عليك من زمان فارجوك عرفني عنك اكثر، ورا هاي الصلاة مباشرة طلعتلي امنا الحنونة ماغي خزام على اليوتيوب من اول فديو تفرجته إلها رجعت صليت گلتله يارب اريد اتعرف عليك من خلالها واتلمذ يمها وكان الرب يسمعني وباللحظة يستجيب وهذا اني اليوم اتلمذت يم امنا ماغي خزام واليوم كسبت خلاصي بالايمان والمعمودية على أسم الاب والابن والروح القدس آمين.
– حسن من العراق
أنا مواليد 1997 عايش بالمانيا مسلم سني الولادة، بعد فترة صعوبات بألمانيا وتعب صرخت للرب بكل قلب صادق لأن مالي احد غيره .
الرب حط بطريقي اشخاص مؤمنين عرفوني الإنجيل والمسيح والكنيسة انجذبت وحسيت براحة و لمست وجود الرب بحياتي، طلبت الرب من قلبي فأظهرلي ذاته، قبلت المسيح رب و مخلص لحياتي وتذوقت لذة الإيمان بالمسيح يسوع و تعمدت وتغيرت حياتي باسم يسوع للأحسن.
– حسين من العراق
الشكر والتقدير والاحترام أمنا ماغي، أمنا أكتب عن سبب ترك الإسلام واعتناق المسيحية اكتب والدمع يملئ عيوني بفرحتي أنني الآن مسيحي. أمنا ماغي الدين الإسلامي الذي هجرني من بيتي وبلدي منذ أربع سنوات وحرمني من أعز انسانة عندي. اربع سنوات وانا محروم من شوفت امي. الدين الذي هدم بيتي واستولى على أملاكي وحرمني من أبسط الحقوق. هذا هو الإسلام هو داعش.
والشي الأهم الذي جعلني أتبع المسيح هو الفرق بين القرآن والإنجيل المقدس. القرآن كل آياته تقريباً عن القتل والعداوة و سبي وحروب وغنائم ووو ، اما الإنجيل المقدس كله تسامح ومحبة وحتى محبة أعدائك. رسالة ربنا يسوع المخلص رسالة المحبة بين الشعوب.
تتلمذت عندك أمنا ماغي و تعمدت مبارح 24 ايلول 2021 و أنا للمسيح.
– زينة من العراق
انا عراقية عمري ٣٦ سنة من خلفية مسلمة شيعية بس كنت بعيده عن الطقوس الشيعية وتعرضت لعدد لا يوصف من المشاكل والتحرشات والاعتداءات الجسدية من أهلي لأتفه الأمور وحاولت اهرب من اهلي والتجئ الى اخو امي لحتى يكون سندي اتفاجئ بتحرشات جنسيه منه خلاني اكره حالي وأحاول انتحر لان ما اقدر احكي لاهلي راح يلوموني ليش تركتهم والغريب مؤكد ما رح يصدقني وان صدقني راح ينظرلي نظره دون المستوى
بعدها كل الي حولي خبروني الأمور دتسوء ويايه بسبب بعدي عن الطقوس الشيعية الخاصة باللطم وحب الائمة وطلب التشفعات وزيارة الأضرحة ولكوني انسانه تايهه لا حول ولا قوة دخلت هذا الطريق والتزمت اسلامياً وتغيرت طريقه لبسي وصرت انسانة معقدة مثل ما صاروا يطلقون علي، بعدها تزوجت و بالظاهر كان زواجي احسن زواج أصل وفصل وحسب ونسب ومال وعمر مناسب وكل الأمور الايجابية لكن الحقيقه كانت أتعس زواجة وبلشت المشاكل والخيانات الزوجية الإهانات والتعالي وما كنت اعرف وين التجئ أهلي كانوا ما يسمعون أو يصدقون أي حرف انطق بيه كانوا كلهم ضدي واكيد طبعا أهله كذلك وهو استغل الموضوع وبلش يدوس علي وكأنه ينتقم مني على الرغم بأني أعلى منه مستوى ثقافي واجتماعي اما المستوى المادي فكان مقارب.
وما كان عندي إلا رب محمد الي أعرفه وكنت الجئ اله لكن دون جدوى بالعكس الإهانات تتصاعد .
فجأة اجاني اتصال من صديق مقرب لي أثق به بصورة مطلقة وخبرني راح ابعثلك فيديو وأتمنى تحضريه وكان الفيديو لأمنا ماغي وحلقه الديانة الزردشتية شفت الفيديو وتفاجأت لأن أول مرة اعرف واسمع عن أصل الاسلام كان عندي كثييرررر تساؤلات وكل ما أحاول أسأل يخرسوني بجمله نفذ ولا تناقش حرام تشككين وتسألين كل شي حرام حرام حرام بعدها اليوم الثاني من طلع زوجي من البيت اتصلت بالصديق وبقينا نتناقش عن الموضوع، بهذي اللحظه بلش المسيح يدخل بحياتي بشهر الرابع 2019 بس طبعاً مو الانقلاب الكامل بقيت مشتته تركت الإسلام مباشر بس كنت لا أزال غير مستوعبة للمسيح بصوره كامله قلباً وروحاً مع العلم بلشت ألمس كثير أمور تتغير بحياتي وما كنت أتوقعها تصير.
المهم بشهر 8 بنتي الصغيرة وصلت للموت واضطريت أسافر بيها وأنيمها مستشفى 5 أيام شفت الويل بيها لجئت لربنا قلت له أرني وجودك.. هذي اللحظة كانت الانقلاب بحياتي انشفت بنتي ورجعت خلال شهرين صرت حامل بالولد الي ينتظروه لأن عائلة زوجي يعتبرون البنيه هم والولد عزوة ومباشرة بعد الولادة سفرني لبلد ثاني وسكني في مكان مستقل عن أهله الي كان رافض يتركهم لحظة.
واستمرت حروب ابليس عليي لحتى يحاول يسرقني ويرجعني لكن ببركة ربنا ووجود أمنا ماغي بحياتي اتلمذت ونجحت وكدرت اتعمد بال8 /5 / 2021 وصرت ابنه للرب الحي الي يسمع ويستجيب وما يسمح لأولاده بالذل والمهانة
وبصلي لحتى اثبت بالمسيح وامتلئ بالروح القدوس وتخلص عائلتي ويستخدمني الرب لخدمته وخلاص النفوس.
– مرتضى و زوجته حوراء من العراق
كان عندنا حدا خارج العراق آمن بالمسيح وكان ابن اختي عنده تواصل معه كان يرسل له آيات وقصص من الكتاب المقدس بعدها آمن ابن اختي بالرب يسوع
انا كنت مريضة بذلك الوقت كان عندي مشكلة في عيني بالظلمة ارتاح بس بالضوء تأذيني عيني، ماكنت أعرف المسيح فكان ابن اختي يقولي ادعيلج من ربي بوقتها صلالي ودعالي بأسم يسوع
كانت حالتي الماديه ضعيفه وعمليتي تكلف هواي بهذاك الوقت
بالشهر الي صلالي ابن اختي ودعالي من الرب انجمعت الفلوس بسرعة مفاجئة وسويت العمليه بنفس الشهر الي هو دعالي فيه وبوقتها طابت عيني وصرت اشوف
بعدها صرت كل ما أمر بضيق ادعي باسم الرب يسوع وهو يسهل كل شي فآمنت بالرب وحبيت اتعمق واقرأ الكتاب المقدس واعرف من هو يسوع تابعت فيديوات إمنا ماغي، بوقتها أدركت ان يسوع المسيح هو ابن الله الحي وهو الذي بذل نفسه حتى يخلص كل من آمن به فحبيت أشارك الي أحبهم بأن الرب حي وبأن يسوع المسيح بذل نفسه من اجلنا اضطهدوني أهلي وهددوني اذا ضليت احكي بالموضوع.
اتعرفت على مرتضى بوقتها وكلمته عن الرب أحب الموضوع وصار يبحث عنه وصار يآمن بالرب، سهل الرب زواجنا وأدركت انه الرب استخدم مرتضى لخلاصي فتواصلنا مع أمنا ماغي حتى نتلمذ ونتعمد نشكر الرب لانو نجحنا بالتلمذة وبعدها امنا ماغي ارسلتنا لقسيس تعمدنا عنده بمشيئته الرب يسوع وصرنا من أبناء الرب.
– أم البنين من العراق
سلام المسيح اسمي بعد المعمودية كيرا من خلفية اسلامية كنت فاقدة شعور المحبة بداية من اهلي وصولا لاقاربنا ومجتمعنا وابتعدت عن الكل وبعدها بسبب امور سلبية صارت تحت اسم ديانتي السابقة ألحدت وبعدها الرب تعامل معي عن طريق أحلام وشفاني من مرض كنت بعاني منه ل5 سنين وقريت الإنجيل وآمنت وبعدها تعمدت بدون أي تلمذة فقط دخلت عكنيسة و طلبت اتعمد وعمدني الكاهن ولكن كانت احلى صدفة فحياتي لما شفت فيديو للأم ماغي كانت تتكلم عن المعمودية وكتير حبيت طريقتها بالكلام وصرت مدمنة ع قناتها وحالياً بدي اتلمذ عندها وفوت لكنيسة الرب وكون من ابنائها وبشكرها كتير عكل اللي عم تعمله.
– ثامر من العراق
كان لدي صديق مسيحي كانت صداقتنا محبة واخلاص ففكرت كيف أكون مسيحي ؟ ولكن ماقدرت اعمل شي لان الحرب بدأت.
وكانت حرب طاحنة خفت فصرخت باسم ربنا يا يسوع احميني حسيت انو معي بكل مطرح يحميني نمت فحلمت انو انا اتصفح في دفتر وكل صفحات الدفتر مرسوم فيها الصليب زاد ايماني وحبي للمسيح.
انتهت الحرب سافرت ع لبنان وانا اتبضع من السوبر ماركت وازا حدا يهديني الصليب بس صليب حلو كتير حافظت ع الصليب 12سنة يكون معي بالسفر بالسيارة في البيت لكن لما عرفت زوجتي انو انا اؤمن بالمسيح حاربتني وسرقت مني الصليب وبلشت : انت حرام عليك وكلمات دينهم الجاهل الكذاب.
بلشت عملت صفحة عالفيسبوك كنت تابع كل صفحات الكنائس واخواني المسيحيين واتفاعل معهم وبعد ذلك شفت انو حدا من السعودية عبر للمسيح فحسيت انو في امل كون مع ربنا المسيح كنت اتابع كل يوم الى ان شفت صفحات ومنشورات أمنا ماغي دخلت ع الخاص مع أمنا وخبرتها أنه أنا بدي أكون مسيحي قالتلي : ليش ؟ قلتلها لأنو ربنا والهنا ومخلصنا يسوع المسيح سترنا واعاننا وهو طريق الحق والحياة الابدية بعتلها اسمي وعنواني ودخلت مع اخوتي بكنيسة الرب تتلمذت ع ايد أمنا وانهيت التلمذة وسافرت الى سوريا و تعمدت وجهزت للمعمودية وتعمدت .
– ميعاد من العراق
أنا مسلمة سابقة تزوجت من شخص مسيحي اسمي وفي العراق لايجوز مسلمة تتزوج مسيحي وكان الحب بيننا صادق أسلم زوجي في المحكمه وتزوجنا سنة 1984وانجبت بنت وولد كنت أصوم واصلي في رمضان فقط واتفقنا على كل منا يحترم دين الآخر ولا اعرف اي شيء عن المسيحية سوى الأعياد وشجرة كرسمس سافرنا إلى المانيا عام 1997ولحد الان توجد جاره لي أيضا عراقية انسانة طيبة وعرفت انا مسلمه وزوجي مسيحي قالت لي انا ايضا لي اخت في أمريكا صارت مسيحيه تعجبت وقلت لها كيف مجنونه قالت لا أدري لكن عندي كتاب اختبار عائد لها اتحبين تقرأي قلت ماكو مشكلة اخذت الكتاب من جارتي وكان بعنوان خروجي من الظلمة إلى النور وبدأت اقرأ بالكتاب وكانت الساعه الحاديه عشر ليلا ولغاية الساعه الخامسه صباحا وانا متلهفه للتكملى وخلال يومين كملت الكتاب وكانت تشرح اختبارها والفرق بين الإسلام والمسيحية ومحمد وأعماله المخجلة وزوجاته والغزوات وتحكي عن الرب يسوع والأعمال التي قام بها والمعجزات وموعظة الجبل وقلت في نفسي أنا أريد هذا الإله.. اسمها الاخت ريتا البدران اخذت رقم هاتفها وصلت بها وأخذت تشرح لي عن يسوع الحي وعن الكتاب المقدس وقالت لي اذهب الى الكنيسة وذهبت وتتلمذت 6 شهور وتعمدت .
– أحمد من العراق
انا احمد من العراق عمري 18 سنة من أب سني وأم شيعية بدأت قصة عبوري لما كنت عمري 13 او 14 ما اذكر بالضبط شفت قنوات مسيحية على التلفزيون لطائفة كاثوليك فشفت السلام والمحبة الي كنت افتقدها وانا بهالعمر ابحث و دور عن هالحب والسلام والامان المهم بحثت على الانترنت لقيت بنت مسيحية فخبرتها فرفضت انها تساعدني صير مسيحي.
بعد 4 سنوات دخلت في السحر والتبصير والروحانيات والوساطة الروحية وكنت مستبصر ووسيط تعبت من هذا الشي وحياتي ودراستي تدمرت وعشت الجحيم على الارض بعدها كنت بغرفتي وقلت يارب انت الي خلقتنا وينك انا عم دور عليك وما لقيتك انت الرب الحقيقي الي خلقت كل شي وتبت وبطلت التبصير وغيرها فشفت قصص عابرين نفس قصتي كانو اجانب وكيف ربهم تعامل معهم فا انا قلت ليش ربي ما تعامل معي نفسهم مو على اساس هم كفار فصرت ابحث ما لقيت جواب مقنع المهم شفت الاب مكاري كيف السلطان الي بيطالع فيه ارواح شريرة وشياطين ما شفت مثلو ابدا فضل قلبي يدق ويريد يسوع وانا قول هذا من الشيطان وبطلت احضر الاب مكاري فصارت فيديوهات الام ماغي تطلع و قصص العابرين فصار كل قصة بتجاوب على الشك الي جواية انو اذا هذا من الشيطان لو من الرب فعرفت انو من الرب وصلت مرحلة انو خلاص اذا ما امنت وقبلت دمي على رقبتي وفعلا رسمت الصليب وقل انا بدي صير مسيحي كان في الليل فوقتها الفرحة والسعادة وصرت اقفز من مكان لمكان من الفرحة وبعدين تواصلت مع الام ماغي وخبرتها ليش بدي صير مسيحي وتلمذتني و تعمدت يوم 29 شهر 11 الساعة 11:30 تقريبا نشكر ربنا على خلاصي ونشكر ربنا على أمنا ماغي.
– زينب من العراق
أنا من أم عراقية شيعية وأب عراقي سني والاثنين متشددين بعقيدتهم أول 15 سنه تقريباً كنت سنية متشددة وبعدها أصبحت شيعية متزمتة.
صار احداث معي كثير في يوم طلعت ع تركيا وابدا ماكان يخطر ببالي أكون مسيحية قدمت ع يو ان وفي يوم قالو الي بدو يسافر يروح ياخذ ورقه من الكنيسه ويسافر لكندا انا قمت اتصلت بكذا شيخ قالو انو عادي مشي مصلحتك المهم نيتك وبالفعل اخذني جاري ع كنيسه بروتستانت ورحنا وحكينا وعطاني الكتاب المقدس وبلشنا دروس تلمذة انا كنت احضر كل الدروس بس كأنه درس عادي مو ايمان الي صار بعد كم درس صرت ضايعه مين الصح مين الخطأ ؟ في الله ولا لا؟ انا كنت ساكنه لوحدي بالبيت واطلع لشغلي مثل الانسان الضايع مو عارفه وين الصح لحتى شي يوم تخبرني الأخت الي كانت تلمذني قالت شو اي ساعه حتطلعي بعد يومين التعميد وانتي مستحقه في ناس ماكن بدهم انا اتعمد حاولو يخربو كثير انا لا اراديا ولاول مرة بحكي بصوت عالي قلت يايسوع اذا انت حابب اني اتعمد بدي انت تدعيني وبالفعل صار امر غريب الي عملو المشكلة ما راحو
هون انا كنت بعيدة عن الكنيسة 12 ساعة يعني لازم الحق ارجع ع بيتي واخذ اذن من البوليس التركي لحتى اروح ع الكنيسة صدقا انا اول ماطلعت بالباص وانا بطلب شي واحد ياربي اذا المسيح الصح شوفني إثبات واذا الاسلام الصح اثبتلي أنا ضايعة ومافيني أكون ملحدة وابكي واطلع بالسما بلكي ينرسم شي وصلت ع بيتي وتسطحت ع سرير ومن تعبي غفيت الي بيصير بيجي حدا شكلو اسود اضافيره طوال شكلو مرعب وبيقلي قومي صلي يلا قومي تشاهدي حتحترقي بالنار وانا ارجف من الخوف وقلبي راح يوقف فجأه عندي باب الصالون سلايت وكبيره فجأه تنفتح الباب وباب البالكون كمان ويصير ضو مابعرف اوصفو وبيجي لعندي وبيمد ايده ويقلي ماتخافي قومي معي وانا حقيقه قمت ولما صحيت ع حالي لقيت نفسي انا واصله الباب هون قلت شكرا يارب بتعرف أنا عنيدة واثبتلي الحق ورحت اتعمدت ومن عندها كلشي تغير بحياتي
– مروان من العراق
أنا كنت مسلم سني من العراق وأصبحت ملحد لعدة أسباب ما خلتني أقتنع بالأسلام، وكنت أبحث عن الحق.
وصار معي مشاكل هربت لتركيا وكنت دائماً هاجم الاسلام في الفيسبوك وعلى الجروبات، ودخل عليي شخص بشّرني وعلمني عن الرب يسوع وآمنت، وطلبت من الرب يعطيني شي اقدر آمن فيه، فحلمت بيوحنا المعمدان اجا طلّعني من سجن.
تعمدت سنة 2020 وعمدوني قس مصري وقس إيراني في تركيا.
ومن وقت ما آمنت حياتي تغيرت ومن وقتا تعاملات الرب ما وقفت بحياتي أشكر الرب يسوع اللي خلّصني.
– راكان من الاردن
انا عابر من خلفيه مسلمة من عامين كنت شاب ملتزم دينياً بالفروض المطلوبه مني بالمساجد
باحث عن الرب الإله، ورغم التزامي وتقربي لكن لا يوجد بداخلي سلام دائما خائف من الرب شاعر بتقصير، عايش في مشاكل وبنادي ولا مستجيب، عايش وما عندي ضمان بدخولي الجنة ودائما كان يوجد شيء في داخلي بحكيلي اعرف عن المسيحية وطبعاً كنت أرفض بسبب الصورة المعطاة النا هي انو الكتاب المقدس محرف وما تتعب وتغلب نفسك في بحث غير صحيح.
ومن خلال المواقع شفت شغلات عميقة غلط بالاسلام وهالإشي خلاني اوصل بين ملحد ومسلم، وفي عز مشاكلي وبسبب موقف مع شخص مسيحي قررت اعرف وابحث عن المسيح ، وهدفي الله هدفي اكون مع الله.
وبعد البحث ومساعدة من أشخاص الرب يباركهم وامنا ماغي اللي الها تأثير علي وخلال بحثي تتلمذت و تعمدت و صرت مسيحي .
أنا الآن تحولت من عبد ضال تائه عايش وحيد بمشاكل سببها ديني القديم إلى ابن رجع لأبوه ، من شخص عايش في مرض لشخص الرب شفاه، من شخص لا يعرف التسامح إلى شخص مسامح، من شخص متروك إلى ابن ملك. لمست عمل المسيح بحياتي، بعد إيماني صرت أشعر بوجود الرب بحياتي.
في كلام بقلبي كثير واختبارات مع الرب بتخليني أحزن بشدة ع حالي عالوقت الضيعته بعيد عن ربنا و ع الناس الي حولي.. بشكرك يا ربي ع النعمه المعطاة الي انا الغير مستحق يا رب.
– عدنان من الاردن
الاسلام بنظري كمسلم سابق كله امور غير منطقية امور مخالفة للعقل وللمنطق وحتى للإنسانية .ومطلوب مننا نؤمن فيها ايمان اعمى بحجة ان التفكير في امور الدين يؤدي للكفر . وبرأيي لو ربنا طالب ايمان اعمى ما كان خلقلنا عقل نفكر.
لذلك كنت دائما بفكر و ببحث وبحاول افهم واقتنع لكن دون فائدة ، لحتى يئست من الاسلام وقررت ابحث بالمسيحية .
وفي يوم شفت حلقة ل امنا ماغي خزام وشفتها كيف قويه بالمسيح وعندها لكل سؤال رد قوي و إجابة واضحة ومقنعة من الكتاب المقدس .
صراحه ارتحت لكلامها واجاباتها وحسيت انها بتحكي بالحق ، وحسيت اني بدي اسمع اكثر واكثر .
وفعلا كملت وسمعت كل الحلقات وفي كل حلقه كنت برتاح اكثر كنت افرح واحس اني بقرب للحق اكثر .
كانت امنا ماغي خزام تطلب مننا نقرأ الكتاب المقدس وفعلا فتحت الموقع وبلشت اقرأ العهد الجديد .
وما اخدت كثير وقت لحتى آمنت ايمان حقيقي ان يسوع المسيح
(( لا يمكن يكون مجرد انسان او مجرد نبي))
يسوع المسيح اله حي حقيقي ، يسوع ربنا ومخلصنا افتدانا بدمه الطاهر حبنا ودفع ثمن خطيئتنا ليخلصنا من الهلاك الابدي ،
حبيته من كل قلبي وعقلي واخدت قراري أكون معه للابد فتتلمذت و تعمدت و انا اليوم مع امنا ماغي بكنيسة الرب ومستعد اموت شهيد على اسم المسيح وما بتركه .
بصلي لربنا يفتح عيون اهلي واحبابي وكل الناس للحق ويخلص انفسهم من الهلاك .آمين.
– فرح من الأردن ،
بسنة ال ٢٠١٦، تركت اي شعائر دينية اسلامية، لاني من سنة ال ٢٠٠٧ وانا بصلي ومافي مستجيب، وبيوم اجوني ناس مسيحيين فقلتلهم شو الفايدة من فكرة الإله اذا ما بيستجيب، بل و بزيد عليك الويلات كل ما ترفع ايدك وتصليلو، فقالولي صلي صح، صلي باسم الابن عشان يستجيبلك الآب. طنشت الكلام ومرّت سنة، وكان عندي امتحان ما كنت قادرة ادرسله وقبل ما ادخل تذكرت كلامهم، وفي قلبي قلت الصلاة الربيّة زي ما علموني اياها، وفتحت الموبايل وقرأت بشي اربع مواضيع عالسريع، ودخلت الامتحان الشفهي وسحبت ورقة وطلعولي المواضيع بالضبط، ونجحت ورسبو كل الباقين. كانت هاي اول هديّة، قلت معقول؟ اكيد صدفة، ودارت الايام، و مرة حلمت بشي كتير غريب، شفت يسوع المسيح، صورتو بإيطار من دهب، وفوق الصورة كلام بحروف من دهب بتشبه العربي بس مش عربي، على كل الحيط الي فوق الصورة، وجنب صورتو باب، وصوت قال لي ادخلي، وصحيت، فسألت صديق كان هو اللي طلعني من ايماني السابق، والي هو هلا بكنيسة الرب، قللي احضري المدام ماغي، وضليت اماطل، شو هاي السيّدة؟ وضليت هيك شي ست شهور، ما حضرت وهو عم يحاول وما تركني، وبالاخير حضرت، وتغيّر كلشي، كأني فعلا دخلت، وعلى طول بلشت تلمذة، و تعمدت و انا اليوم بكنيسة الرب.
ما كنت اقول ابانا الذي في السماوات، الا صلاتي تتحقق، من اقوى الامثلة لما تسكر باب بوجهي وصليت، وما صليت كتير، لاني عارفة انو الرب معي، وهادا قبل المعمودية حتى، وبخلال يومين بس تدبّر مبلغ ١٢ الف يورو
قصتي مافيها حزن واسى، فيها ثبات وسكينة وتوكُّل، عمري ما قلتلو ابانا الذي في السموات وما سمعلي.
ورجاني نفسو، سمع صوتي، ما احتجت ابكي، بس حكيتلو عن الي في قلبي، واعطاني امل وسكينة وراحة، وبعد عني ناس مو مناح، وبينلي حقائق، الرب ما برد حدا، لما نصليلو باسمو الحقيقي، آمين.
– لارا من الأردن
تعرفت على اشخاص مسيحيين بشغلي فطلبت منهم الإنجيل لحتى دور على إسم أحمد أو محمد واثبت الهم انه الاسلام هو الدين الصحيح تفاجئت انه غير مذكور اي شيء عن محمد ولقيت حالي أدمنت على القراءة في الإنجيل والتأمل بشخصية يسوع التي تظهر انه ليس نبي عادي ولا انسان فقط ولكن كنت مترددة ورجعت لقراءة القرآن وهون كانت الصدمة بآيات القتل والرجم والإرهاب يلي انا كنت معميّه عنها وبعد ما بحثت في كتب الاسلام والبرامج التلفزيونية قررت الهروب من إله مجرم وقاتل ومهووس يراني عورة وناقصة عقل ودين إلى إله القداسة و المعجزات الذي عرف قلبي وأحبني أولاً ودعاني للحياة الأبدية معه
وبيوم حضرت مقطع للمدام ماغي كانت أول مرة بشوفها لمست قلبي بكلامها ولقيت عندها جواب لكل أسئلتي وبعدها ورجاني الرب حلم وبهالحلم كنت لحالي عم بمشي بطريق طويل أسود معتم ومتعب وملتوي وكله ناس مزعجين وبآخر هالطريق بتكون موجودة المدام ماغي خزام عم تبشر الناس بالرب يسوع قدام عالم مسلّحين وقدرت تطلعني من بيناتهم .
أخدت القرار وبعتت رسالة للمدام ماغي لحتى تتلمذني وبدأت الرحلة مع أب سماوي محب يشعر بي ويتدخل في الوقت المناسب لينقذني من اضطهادات أهلي وأمي التي قالت لي : اذا لم تحتقري اسم يسوع و تؤمني بالرسول محمد “أشرف الخلق” ما بتكلفيني إلا ضربة سكين… اتمسكت بايماني اكتر وصليت بدموع واستجاب وتمجد الرب يسوع بحياتي وعوضني بأمي الروحية ماغي وقالت لي : ( انتي بنتي وأنا للمسيح ولدتك وبوعدك كمل معك للآخر ) وساعدتني لحتى تعمدت على اسم الآب والابن والروح القدس الإله الواحد آمين
هذه قصتي بإختصار و أصلي ليستخدمني الرب يسوع لمجد اسمه واكون سبب بخلاص النفوس لوقت مجيئه .
– مجدولين من الأردن
انا وطفلة ما كنت بفهم أو بهتم بموضوع الاديان و كنت افكر كثير ليش أتباع الدين المسيحي بيلبسوا احلى ليش أعيادهم أحلى وأرقى وكان في فيلم يشدني كتير و كنت اضل احضره يروي قصة الرب يسوع المسيح له كل المجد اتعودت احضره من و أنا طفلة حتى اهلي كمسلمين ما كانو عارفين انه هاي القصه الي عم بحضرها مخالفة للرواية الاسلامية ولا حتى انا كنت بعرف و فعلا بتيجي على أهون الأسباب لمّا ربنا يختار.
كبرت بعائله اسلامية محطمة وعشت طفولة صعبة كتير يوم حلو و عشره لا . الرب يسوع المسيح تكفلني و ترأف فيني حتى و أنا على غير دين له كل المجد بأحداث و مواقف كثير يصعب ان توصف بكم سطر و هكذا حتى بدأ الرب يسوع المسيح له كل المجد يتمجد و يأتي في أحلامي و آخر حلم كان يعطيني عنب هنا أذن الرب إني اصحى و ادور و لما بلشت ادور ربنا فتحلي الباب و صار يحط ناس بطريقي ياخدوا بايدي و منهم الرائعة ماغي خزام و الشباب و الشابات الذين معها ليضعوني على طريق الرب له كل المجد قصصنا مع الرب لا توصف بالكلام ولا بسطور قليلة. و ها قد أذن و اتمم نعمة خلاصه علي و تعمدت اليوم 6 تشرين الأول 2021 شكراً يا رب واقبل صلواتنا لكل من ساعدنا و مد يد العون لينقذنا.
– هبة من الأردن
كبرت بعائلة مسلمة معتدلة دينياً ولكن بنفس الوقت كان ممنوع نطرح اسئلة، كنت من حفظة القرآن والناس الي بقيموا الليل يومياً وبصوم كل النوافل بس عمري ماعشت بسلام وكنت بعيش دايماً داخل صراع فكري وبدي اعرف اجوبة الاسئلة.
بالرغم من خوفي إلا إنه قررت أكون جريئة وابحث وهون بلشت اكتشف شي مختلف كلياً، فتركت الإسلام وقررت أكون لا دينية ، مؤمنة بوجود إله غير متدخل بأمورنا و فقط.
لكن وضعي النفي كان يزيد سوء يوم بعد يوم ، لحد ما مرضت بمرض ما له علاج وهون حياتي بلشت تسوء أكتر وأكتر ، و بيوم وصلت للموت والدكاترة فقدوا الأمل ولكن الرب ما سمح يصير لي شي قبل ما يعلن عن ذاته، كنت عم ابكي مدمرة و عازمة إنهي حياتي، بعتلي الرب بنت عابرة للمسيح من الإسلام، عرفتني عالرب يسوع و هون تغيرت حياتي، آمنت بالرب يسوع وكل شي بحياتي تغير .
بلشت قصة جديدة مختلفة عن قصتي القديمة، عنوانها يسوع المسيح الي أعطاني حياة جديدة ، علمني أسامح وأحب ، نساني كل أوجاعي وبدلها بسلام كبير .
تتلمذت وتعمدت و أنا اليوم مسيحية.
– باسل من الأردن
لما تكون ضايع وتايه وتحس الدنيا سكرت بوجهك، ثق تماماً انه في رسالة ربانية بتجيك بتدلك عالطريق. رح تسمع شي بتحس انه موجه الك انت ومفصل لمشكلتك وانت المقصود فيه مش حدا ثاني غيرك.
و أنا جتني هالاشارة عن طريق أمنا ماغي حظرت فيديو الها على فيسبوك وكأن الفيديو بيحكي عني فتابعتها وصرت احضر كل فيديوهاتها لحتى بعثتلها إنه أنا بدي اتتلمذ واتعمد وهي تلمذتني وعمدتني.
بنشكر الرب اللي بعث امنا ماغي لحياتي هي كانت سبب بخلاصي واخذي الى طريق النور طريق الرب.
– موسى من الأردن
اول إشي في الي صاحب اصله أرمني صاحب من و احنى بصف التاسع لهسا صاحبي طبعاً تأثرت في كثير و لاحظت الفرق بينه وبين المسلمين بعدين لما صار يحكيلي عن يسوع المسيح بلشت افكر و احساسي دلني ع يسوع وكنت أشوف انه المسيحين مش زي المسلمين نسبة كبيرة منهم قلبهم نضيف و صرت أفكر بالشعب الأوروبي كيف عايش بنعمة مو زي العرب وهما نسبة المسيحيين عندهم أكبر من العرب ولما صرت احضر لأمنا ماغي صرت أفهم كل اشي وامنت بيسوع وكنت استنى يوم بيوم حتى اتعمد.
أنا كثير بقرف من تفكير المسلمين احسو غبي لانه القرآن مبين مو كلام رب حتى القصص الصحيحة والعلمية طلعت منقولة من العهد القديم بالإضافة إني ما اقتنعت بمحمد لانه مات زيو زي اي بشر اما الرب يسوع المسيح قام من الموت وانا هسا ابن الرب تتلمذت وتعمدت والك فضل كبير يا أمي ماغي
– كنت مسلمة ولو أتكلم عن سبب عبوري لن انتهي بل قد اؤلف كتاباً بذلك ولكن سأتكلم باختصار وأصلي للآب باسم يسوع المسيح أن تكون شهادة عبوري هذه سبباً لخلاص الكثير من النفوس.
عبرت للمسيح لأنه الحق، بعد أربعين سنة من الضلال وجدت الحق، أربعين سنة من عمري والدين الاسلامي كان يزلني الى أن وصلت لظروف قاسية جداً تبكي الحجر، أصلي أنادي أدعي لإله الإسلام ولم يجبني. كنت ملتزمة تماماً بعبادته وفروضه ولكن لم ألقى سوى بلاء وراء بلاء، إلى أن نكرت الله هذا وتجردت من هذا الدين وأصبحت أصلي قائلة: يا خالقي أين أنت يا من أوجدني في هذه الارض أين أنت دلني عليك وخذ بيدي لنور الحق. من أنت ؟ هل أنت الله أم أنت يسوع ؟ إن كنت أنت يا يسوع الرب الإله الحق دلني عليك ولاتتركني وأبكي وأصلي هكذا إلى أن أتاني فعلاً ودلني عليه وكان السبب الاول بذلك هو أخي ومن ثم أمنا ماغي فكان لها الفضل الأكبر، وأصلي باسم يسوع المسيح شاكرة لقبولي وخلاصي أنا وأولادي حيث تتلمذت على يدها و تعمدت وعمدت أولادي معي اليوم و صرنا للمسيح.
– كارمل من الأردن
انا عندي مشاكل مع ابوي لأنو هوة شيخ من برا و ازعر من جوا فما بنحكي مع بعض، تزوجت اول مرة لأخلص من أبوي وعندي طفلين من طليقي كنت بشتغل بالمطار في الاردن تعرفت على زوجي الحالي ايليا شفت فيه نور جذبني و صرت بدي اعرف شو هاد النور اللي فيه
بعدها دخلنا بعلاقة حب و صار بدو يتزوجني فلأنه ما بينفع نتزوج في الاردن فحكالي هو بصير مسلم فأنا حكيتلو لازم تصير مسلم جد مو بس عشان نتزوج
و انا كنت بشوف شياطين من اول ما نولدت و بحكي معهم و بدهم كون ملكتهم
بس انا ما كنت اقبل فمرة ايليا بحكيلي انو الشيطان اللي فيني صار يحكي معو و ايليا قرأ مزمور من المزامير
و هاد الشيطان شفناه و هوة بيطلع و طار على التريا و صارت التريا و السقف كله يهز
فأنا انصدمت بنفس الليلة حلمت بالرب يسوع فاتح ايديه و بحكيلي هأنا واقف على الباب و اقرع ان سمع احد صوتي و فتح الباب ادخل اليه و اتعشى معه و هو معي
و حكالي تعالي و ما تخافي
بس انا خفت كتير لأنو كان عندي مشكلة مع الثالوث و اهمها كيف رب بينزل على الارض و بصير متلنا بس بعد الحلم صدقت انو موجود
و لما رحت على شغلي تاني يوم لقيت نفس الاية محطوطة على الكرسي اللي بدي اقعد عليه
و انا ما خبرت حدا بالحلم فخفت اكتر و بعديها حلمت الاب و بعديها حلمت بالروح القدس
سافرنا على كندا و بلشت ادرس القرأن لحتى اقنع ايليا بالدين الاسلامي
ما قضيت ٣ ايام بعديها كفرت برب الاسلام و كل شي الو دخل بالاسلام
و فرحت دور على المسيحية رحت على اقرب كنيسة كانت علي كانو بحكو انجليزي و كانت كاثوليك و بيرببو مريم فما عجبتني القصة
واذ بسمع فيديو لأمنا ماغي بتقول اذا كنت مؤمن او لا و طلبت باسم الرب يسوع رح يعطيك اللي طلبته و انا هدا اللي عملته طلبت فاعطاني 3 احلام، انا اتجاوبت ما كان اله اصم و ما برد ، جاوبني فأنا من وقتها امنت و حضرت كل فيديوهاتك و قرأت العهد الجديد مرتين و لسا عم بقرأ بالعهد القديم و رحت على كنيسة تانية اللي تعمدت فيها تتلمذت عندهم و تعمدت و خدمت فيها ، بس لما حكيتي على الشي اللي شفتيه الملائكة و الختم
قلت ما ضل فيها لأنه مافي وقت أنا محتاجة حدا قوي روحياً و عليه صورة المسيح
و بتشرف انو كون معكم و ربنا يثبتنا للمنتهى.
– حمزة من الأردن
في البدايه انا كنت شخص مسلم عادي بعمل زي كل مسلم لكن غير ملتزم كثيرا لكن اهلي جدا ملتزمين و بيجلسو مع شيوخ كتير وكانو ياخدوني عند شيخ كل اسبوع مرتين لأتعلم دين.
في بدايه عبوري رأيت رؤيا الرب يسوع كملت حياتي بشكل طبيعي بعديها بكمن يوم شفت حالي بمكان في ظلمه ومافي غير شباك واحد والغرفه كلها سودا اجا ضو كثير عالي حكالي اتبع يسوع لتخلص صحيت بسعاده لا توصف صدقا بعد هيك انا كنت تارك شغل في اول الكورونا مضيت تقريبا 3 سنين الاشي الوحيد اللي كنت اعملو اني قارن واقرا في المسيحيه واسلام وضليت لاخر شي احاول اني الاقي شي منيح بل اسلام مالقيت بعدين طلبت من الرب قلت يارب انا بعرف انك موجود ساعدني اعرفك و اشوفك انا مارح اذكر اسم اي اله لكني من جوا صدقاً كنت عارف انو الرب يسوع هو الطريق وبنفس اليوم شفت الرب يسوع ماسك ايدي وبعديها بلشت اقرا انجيل وروح على كنيسه لكن مارضيت تعمدني حكالي الكاهن بس تطلع لبرا البلاد.
انا كل حياتي ما كنت احب اسمع او حتى اكتب بالعربي ولا اشوف اي شي عربي لكن طلعولي الفيديوهات تبع امنا ماغي خزام وصرت تابعها كتير و صديقي مسيحي حكالي تواصل مع ماغي خزام اكيد بتساعدك لتتعمد ولما قبلت الرب يسوع كتير اشياء تغيرت بحياتي مع اني مريت بايام كتير صعبه و لحد هلاء اموري صعبه و علاقتي مع اهلي كتير سيئه لكن طريق الرب يسوع اجمل شي صار بحياتي نشكر الرب يسوع وشكرا الك امنا ماغي صدقا انك اعز علي من امي اللي فقط ربتني.
– عمار من الأردن
انا اليوم بتاريخ 2023 /11 Feb تعمدت على اسم الأب والابن والروح القدس والدنيا ما واسعيتني من الفرحه، انا انولدت من جديد بالمسيح. يا أبي السماوي بتشكرك انك قبلتني ابن لالك بعد ما كانت حياتي قرف وذل وخطايا. انت رفعتني من أسفل الأرض للسما بعد ما كنت معطيك القفا وعايش حياتي بعيد عنك وعن ملكوتك. اسمي عمار من الاردن من خلفيه سنيه، انا طول عمري بشوف التناقضات بالاسلام ولا دخلت لمخي نهائيا كل تعاليمه وفروضه. كنت بشوف رسائل من ربنا لحتى اطلع من هالدين بس كان معمي على أبصاري ويسكتونا اللي حوالينا من معلمين المدارس والأهل بحجة انه ممنوع نتسائل وقادونا متل العبيد لهالاله الظالم القاسي والمضل. انا قبل ما اتعرف عالرب يسوع المسيح كنت انسان خاطي وشاذ جنسياً وكنت مفكر انو انا هيك خلقني الله لانو كانوا معلمينا انو الله كاتب لالنا كلشي من اول ما نولد لحد ما نموت وفكرة القضاء والقدر هيه اللي خلتني اكفر بالله الإسلام والله محمد. والشيطان تملكني لحتى يعطيني خيارين يا الإسلام او الإلحاد، أعطاني خيارين متضادين بس تنيناتهم غلط. فاخترت اني الحد بالله الإسلام واعيش حياتي بالخطايا والشذوذ الجنسي المقرف. ما كنت مفكر انو الشذوذ الجنسي شي سيء لاني طلعت عن الإسلام ولسا فكره القضاء والقدر لسا محاوطيتني من جميع الجهات. ليوم دخلت عاليوتيوب وشفت الام ماغي وكان عندها نقاش مع ملحد عن الشذوذ الجنسي، أنا بالبداية كانت أفكاري الحادية ومش قادر اقتنع انو الإله ما خلقني شاذ جنسياً لانو لسا فكرة القضاء والقدر ببالي. بعدين ضليت متابع الأم ماغي وكنت احضرلها حلقاتها لانو كنت بدي اي شي يبينلي انو هالاسلام دين كاذب واله مضل، كنت متعطش اسمع لهالأمور فقط. وبعدين بلشت اسمعلها وقت ما تتكلم عن الرب يسوع المسيح اللي ما كنت اعرفه وسمعت حلقة القضاء والقدر مع ماغي خزام اللي فتحتلي عيوني عالصواب. ولقيت حالي مسلوب القلب لهالاله المحب وبلشت صلي باسمه ولقيت تغيير بحياتي يعني صارت معي مشكله جدا صعبه وانا بالغربه بعيد عن اهلي وبلدي وضليت بدون شغل لمده ٣ أشهر ببلد غريب. كنت مكتئب وواصل لمرحله اليأس. لحتى سمعت حلقة مع الأم ماغي عنوانها الى الآن لم تطلبوا شيئاً باسمي. ضليت اسمعها كل يوم شي مرتين ثلاثه. انا كنت متعطش انادي على حدا ويسمعني فهديك الليلة صليت وبكيت وطلبت باسم الرب يسوع المسيح حكيتلو انا قالولي اسمك ما بيخيب وجربت اسماء كثيره وما نفعت معي، فبدي استخدم اسمك وبدي معجزة لحتى تنحل مشكلتي وحكيتلو بدي آمن فيك وبدي اتبعك بس برهنلي انك الإله الحق واعمل معجزه بحياتي، واللي هيه اني افيق من النوم اليوم التاني وافتح موبايلي والاقي الرساله اللي صرلي ٣ أشهر بستناها من الشغل ويكون مكتوب بهالرساله انو انا مقبول بشغل جديد. ففعلن فقت من النوم اليوم التاني ولقيت وفتحت تلفوني ولقيت نفس الرساله اللي طلبتها، فمن وقتها ما قدرت اللا ما اصير تابع للمسيح وبعدها اعرف موضوع الفداء اللي لقيتو منطقي وصحيح. وبلشت بعدين قصه حب مع المسيح بعد ما كنت ادور عبشر يحبني لقيت المسيح ساكن بقلبي وما حدا عم بشاركه بهالحب. انا اتخلصت من شذوذي الجنسي وصار عندي نفور من الخطايا، وبعدها صارت المعجزات لحالها تتبعني. مشكلتي مع الشذوذ الجنسي كانت متعبيتني ومسيطرة علي. ما كنت مفكر اني اوصل لمرحله اتخلص منها لانو كانت ظاهرة علي بحركات جسمي الانثوية وصوتي لما بحكي، عم بلمس تغيير واضل بكلشي وتحسن كبير حالياً. حاسس حالي نظيف وما عندي انجذاب جسدي لأي حدا. عم بعامل اعضائي على أنها أعضاء المسيح.
الراحه والامن اللي كنت فاقدو لقيتو بالمسيح فقط، وبصلي لربنا يفتح عيون الجميع.
– بولين من الأردن
انا من عائلة مسلمة ولكن انا شخصيا كنت لا دينية، لكمية التناقضات و العنف و عدم وجود الحقوق خاصة لنا كسيدات في الدين الاسلامي و غيره كتير. خاصة ب 2011 من لما حضرت مناظرة لتنين شيوخ من الازهر عن داعش واحد مع و التاني ضد هون حسيت بكمية تناقض اله الاسلام لانه المفروض بشيء زي هيك يكون واضح يا مع القتل يا ضده. بعدها قررت تماما انه ازا هيك خاتم الاديان فكيف اللي قبله فقررت اني لا دينية. لحد وقت الكورونا 2020 بالصدفه البحته بيطلعلي فيديو لسيدة مسيحية قوية متمكنة من ادواتها و كلها ثقة و كان موضوع الفيديو عن الحقوق المدنية بالمسيحية. لفتني جدا الموضوع بما اني مهتمه بهيك مواضيع. من بعد هاد الفيديو صرت افكر هي غير اديان و عندهم حقوق. بدأ الفضول عندي لاعرف اكتر و صرت اتابع الام ماغي بكل فيديو لمدة سنة كاملة و بدات اقرأ بالكتاب المقدس. لعقلي اقتنع تماما و لكن لسا ما كنت حاسة شي بقلبي انو يخليني جد اقرر اني انا مسيحية. لحد ما اجاني حلم و انحكالي فيه انو الرب يسوع جاي لالي انا كمان. هون فرحت اني بدات احس بقلبي بالموضوع مو بس بعقلي. لبعدها صارت معي مشكلة بكوعي وجع رهيب. صليت للرب من قلبي صليت باسم يسوع الذي لا يخيب انو يشفيلي كوعي و تاني يوم صحيت مافي أي شي. هون خلص انا أعلنت و قررت اني مسيحية. هاد الاله الجدير بالتبعيه اله حي بيسمعني و معطيني كل الكرامة و الحقوق.
هيك لتتلمذت و تعمدت بفضل هذه السيدة الرائعة.
الرب عارف كيف يتعامل معي اقنعني بعقلي تماما و بعدين حسيت بقلبي و بعدين شفاء لما يكون إلي اي حجة قدامه او شك بسيط.
انا مسيحية و فخورة جدا باني بتبع ايمان يتناسب مع روحي و عقلي.
شكرا امنا ماغي.
– ماجدة من فلسطين
انا من عيلة مسلمة كنت نسوية وملحدة لانو شفت كيف المرأة مذلوله بلاسلام بعدين صرت ادرس مقارنة بين الاسلام والمسيحية بس ضليت خايفه ادخل دين تاني على الرغم انو شفت النور والمحبة بلمسيح في بداية السنه تعرضت للضرب من ابوي قررت انهي حياتي بللحظة هاي انا شفت المسيح وهو بيعطيني إيده انا قبلت المسيح في حياتي من هاي اللحظه وصرت ادرس الكتاب المقدس وصرت اكبر بلأيمان اكتر لدرجة ماقدرت اخفي ايماني اكتر واعلنتو بين اهلي وماقبلوني وتعنفت مرات كتير عشان انكر المسيح بس حاشا لي ان افتخر الا بصليب ربنا يسوع المسيح وتركت اهلي وماغي خزام كانت بأيمانها وكلامها رفيقه إلي طول هالفترة.
– دينا من فلسطين
هي قصة عبوري بعد ألم طويل، ظهور المسيح كان وانا عمري بالعشرين لكن قالولي هاد ملاك ، فبلشت اتقرب الى الرب لكن بطقوس إسلامية، و بعدها اجاني سفر مفاجئ ، ما كان بعلم مسبق ، ما بعمري طلعت من فلسطين ، عانيت بسفري ، و كان مرافق معي اخي و عيلته ، بلشت الضغوطات ، لما شلت حجابي ، و انتهى المشاكل بقطيعة و حقد ، قرار المعمودية كان لسبب دنيوي ، و لكن بفضل الرب وبسبب حبي من الصغر للمسيح من غير معرفة السبب ، تجلى الرب لي ليكون معمودية روحية أبدية و عبور الى طريق الحق ، بعد المعمودية بلشت اسأل الرب اسئلة لم اسألها من قبل ، و اطلب طلبات لم اطلبها من قبل ، و تكشف كل محجوب عني ، و عرفت انه دين الحق و الحقيقة.
– أحمد من فلسطين
انا أحمد من فلسطين، كنت مسلم ملتزم و ابعد عن الممنوعات و احافظ على الصلاة فجأة طلع قدامي فيديو للأم ماغي حضرته حتى اعرف شو بتحكي و التناقض، بس كانت المفاجأة انها كانت تحكي بالمنطق و تدعم حكيها بالأدلة من القرآن و الانجيل.
من هون بدأت رحلتي الفعلية بدأ الادمان على فيديوهات الأم ماغي و دخلت بمرحلة التلمذة و اليوم تعمدت.. بشكر الرب .
– داليا من فلسطين
من صغري بميل لشجرة الميلاد ومرت علي فترة وانا صغيرة ارسم صليب من غير ما افهم ايش هاد ، احنا بالضفة ممنوع تدريس عن الأديان فقط حصة الدين اسلام و قرآن لكن في كنايس بكل المدن فكبرت وانا اسمع جرس الكنائس ، كنت أحس بداخلي حب غريب مش مفهوم بايامها.
عشت في بيت كل يوم مشاكل أمي وابوي و انا مش قادرة افهم ليش ؟ لكبرت و صرت شوف انو ابوي متزوج غير امي و امي تعيش عند بيت أهلها أكثر من عنا، طالت المشاكل وكان أبوي يضربني بقسوة شديدة لغاية صار عمري 17 تركت المدرسة وقررت اشتغل من الفقر الي عايشين فيه، فدمروني أهلي زوجوني مرتين كل جازة أوسخ من القبلها ووصلت للانهيار .
هيك للرب سمح إني أسافر عدولة اوروبية و أول أشي عملته إني تعمدت و تخلصت من دين بيجعل محمد فوق الله دين بيعيشوا أتباعه عم يؤمروا إللهم يومياً انه يصلي عالههم الحقيقي محمد، بيعيشوا يرتكبوا خطايا و يستغفروا لمحمد، وانا اليوم بنت للمسيح الرب الإله الحق كلمة الاله المتجسد للأرض.
– رامي من فلسطين
بطفولتي كنت أصلي واحضر دروس الدين مع شيخ بالمسجد وكنت بواظب على هالشيء لحد ما صرت بعمر ال15 تركت الصلاة لانه بطلت مقتنع بدين الإسلام منطقياً وماكنت حس حالي إني بصلي صح او للإله الحقيقي لانه ما كنت حسه بيسمع ولا بيستجيب طبعاً كنت بقرأ القرآن كثير ولهالسبب أنا بطلت آمن بالله وعشت فترة كشخص لا ديني مش ملحد وبعدها تدخلت شوي بأمور الاديان وحضرت برامج عن الدين المسيحي لحد ما شفت قناة الأم ماغي خزام وضليت متابع جميع فيديوهاتها على اليوتيوب وآمنت بالرب يسوع شوي شوي لحد ما ظهرلي بالحلم أكثر من مرة بعدين قطعت الشك باليقين وآمنت بالرب يسوع مخلص لي للأبد وتعمدت بمشيئته .
– ايماني من المغرب
انا ولدت بعيلة مسلمة متفتحة نوعا ما..عيلتي كانت كثير معترة كان عنا مشاكل كثير نفسية و مادية و مضروبين أمراض ولعنات، هي المشاكل أثرت على نفسيتي بحيت كنت مكتئب و منطوي على ذاتي ، هالحال يلي كنت فيه دفعني صلي كثير و اطلب من اله الاسلام يساعدني بس ماكان في رد.. فبلشت ابحث عن ثغرات الاسلام واتابع الملحدين.
مع الوقت و البحث اقتنعت بالالحاد و صرت أؤمن انو فكرة وجود الاله هي من اختراع البشر.. حاولت حل مشاكلي المادية بالعلم و الفكر بس ماقدرت وحاولت حل مشاكلي النفسية بالتأمل،اليوغا بس هالشي كان يعطيني سلام مؤقت و بعدا ترجعلي الكآبة وصلت معي للانتحار.. بدأت تابع فيديوهات امنا ماغي بهدف التعرف عالايمان المسيحي و بس لأني كنت مقتنع مليون بالمية بالإلحاد ليوم قالت “جربوا الرب ..اطلبوا باسم يسوع ” الثقة يلي كانت تحكي فيها جذبتني لجرب فجربت وربنا استجبلي فوراً قلت ممكن صدفة و عدة مرات اطلب باسم يسوع و يستجيبلي ،جربت العشور و تباركت ،مشاكلي انحلت صار فيني سلام داخلي فوقتا قررت اتبع يسوع وبلشت اقرأ الكتاب المقدس..
كان في حروب روحية كثيرة عليي بأول إيماني هالشي طبيعي لانو إبليس مابده نخلص بس بالصلاة كلشي بيزول ، مبارح بفضل ربنا كانت معموديتي.
– ابتسام من المغرب
انا عابرة إلى نور المسيح من سنتين بشرني صديق مصري صراحة انا لمست فيه المسيح لان حقيقي انسان رائع في الأول ما كان بدي اسمع لكلامه بس هو ما استسلم كان يجيب تفاسير الشيوخ عن الآيات القرآنية و أدلة أول مرة أسمعها، بدأ قلب يلين لتقبل كلام المسيح لأن كلامه كان كله آيات من الكتاب المقدس حبيت المسيح لي يتكلم عليه وبعد كده شحنت الكتاب المقدس على الجوال وبدأت في قراءة الكتاب المقدس حسيت براحة لا توصف صرت اقرأ الكتاب المقدس كل ليلة وصرت اقول يارب انا عايزة اتعمد وبالصدفة باليوتيوب صرت مدمنة على فيديوهات ماما ماغي لاني أفهم أي سؤال ممكن ما الاقي له إجابة وضليت ابحث كيف اتواصل مع ماما ماغي واتلمذت عندها وتعمدت بالمي عإيد قسيس وهلق بستنى بفارغ الصبر الشهر القادم لتعمدني ماما ماغي بالروح القدس.
– هناء من المغرب
إلى الأم ماغي : كان أبي داعية إسلامي وتربينا على ذلك الدين لكن مع شيىء من التزمت
أهلي كثير طيبين لكن يعتبر الدين الاسلامي خط أحمر ما يقبلو حتى النقاش رغم أن أخواتي جامعيين، واحدة أستاذة علوم الفيزياء والأخرى مهندسة ..الخ، من وأنا صغيرة أكره الظلم، أكره العنف ،هدفي ربنا يكون راضي عني ويبتسم لي يوم أشوفه (هيك كنت دائماً أفكر)
سنين وأنا بتابعك بس من وقت للثاني عشان كنتي بتفشي لي خلقي، جوابك المقنع على أسئلة المسلمين مع ضحكتك المعتادة وكنت دائما أتحسر وأقول مع حالي: ياريتني كنت أنا كمان فخورة بإيماني، ومع ذلك كملت بإسلامي صليت، صمت، صدقت، حجيت، عملت قيام الليل وألف استغفار و و و على أمل ان حياتي تتغير، لكن للأسف، ولا شىء. ما بنلاقي الراحة النفسية. عصبت من بعد الحج وقلت لربي (ربنا يسامحني): شو بدك كمان؟؟؟؟ اذا كان هيك موتني لارتاح لانو ما بقا فيني اتحمل اكثر.
كنت مسلمة لكن ما بعرف ديني منيح كأغلبية المسلمين، لما بحثت، انصدمت، وتأكدت ان الدين الاسلامي أكبر كذبة عرفها التاريخ من وجهة نظري وعصبت أكثر لأن بسبب هالاسلام في كتير عالم عندها انفصام في شخصيتها وعقد نفسية صعب علاجها.
ولما انتهت مرحلة إيماني الإسلامي، صرت أسمع لفيديوهاتك، الي بتحكي عنه يتطابق مع شخصيتي وآمنت بالرب يسوع مخلصي وتعمدت و بقيت مسيحية.
وهلق، باسم يسوع ابن الله الحي أطلب من الآب السماوي، يتعامل مع ولادي ويجيبهم لعنده. ويقويني لأن وضعي مو سهل بالمرة. آمين.
– نور من المغرب
كنت دائماً عندي ميل و حب المسيح ، لليوم اللي مرضت فيه و كنت ضل ابكي و صلي من دون استجابة ، شفت فيديو لإمنا ماغي خزام كنت تابعها لإنها كانت تلهمني و تزرع فيني حب معرفة المسيح ، و قالت بالفيديو جربوا اسم يسوع المسيح اللي ما بيخيب عند الآب و بالفعل جربت و شفت القوة الإلهية كيف جاني بمنامي و الصبح شفيت و كل ما طلبت باسمه نلته .
دخلت لعندها وتلمذتني و تعمدت و اليوم ضافتني لكنيسة الرب.
– أسماء من المغرب
عمري 35سنة، من خلفية إسلامية سنية مذهب مالكي
كنا بالبيت عيلة إسلامية معتدلة،عيشتنا بائسة مليئة باللعنات إلي بنقبلها تحت بند القضاء و القدر و نحنا مسيرين و هيك بدو الله تبع الإسلام. لحتى كبرت و مريت بكثير أزمات نفسية و ضيقات لغاية يوم سألت إله الإسلام بإستخارة بس لإختار بين طريقين ما كان رد و إكتشفت وقتها إني بعبد إله أصم أو مانو موجود أصلا، فسألت و إستفسرت قالولي يمكن ما بدو يرد أكثري من العبادات و أكثرت و اتأزمت حالتي أكثر و دخلت في إكتئاب و تعثير و فقدت الرجاء، و صرت بتمنى إنتحر بس ماكانت عندي الشجاعة الكافية.
عشت حياة بلا طعم أشبه بالموت مرو السنين متشابهة على هالحال لغاية ما بلشت دور على حقيقة الإسلام من خلال مراجع إسلامية فإكتشفت أنه إله الاسلام حدوده بلاد قريش قبل 1400 سنة
إلى أن طلعولي فديوهات إمي ماغي خزام و بعدين ترانيم و بعدين الكتاب المقدس بصوت ماما ماغي و بلش إحساس جديد و فهمت ربي يسوع عم يتواصل معي أنا غير المستحقة، واجهت صعوبات و تضييقات من أقرب الناس
أول ما بلشت إفتح الباب لربنا لقيت الرب عند بابي
طلبتو ما يتركني إطلع لورا، طلبتو يثبت فيني ما إتأخر علي، أبي السماوي قدملي أكثر ما أستحق أنا فعهد نعمتو بعيش في نعمة و بركة، ربي يسوع مخلصي من الهلاك
كان معي حتى في التفاصيل الصغيرة
حطيت علاقتنا انا و ربي يسوع هي مغزى الحياة، كنت بركض عالبيت لسكر بابي و إحكيلو و صليلو مستمتعة بإلهي و لساتني ماشبعت منه .
لأنه إلهي حي يسمعني و بيعطيني علامات إنه سامعني و بيستجيب لشكري و يسدد إحتياجي أنا غير المستحقة. هي شهادتي لربي و مخلصي يسوع بإختصار و اليوم تعمدت و بقيت مسيحية.
– سلمى من المغرب
انقذني الرب من الموت مرتين بس ما كنت بعرف مين هو .
من لما كنت صغيرة كان عندي حب للمسيح و حب للكنايس و المسيحيين بس كان هالشيء ممنوع يتداول بالبيت او اسأل هالاسئلة انو ليش هني احسن منا بالمعاملة . ضل هالشي بعقلي ل كبرت وبلشت بهالانترنيت بدور لتفسيرات القرآن بلاقي كل مين عم بيفسر على كيفو و كمان كانت شكوك كثيرة كنت بحضر قنوات بتحكي على حقيقة الاسلام و كنت بنفس الوقت بحضر أمنا ماغي خزام وصلت لمرحلة الجنون أنو أي دين صح بلكي مش موجود ربنا أصلاً و بركي البشر هن عملوا الدين.
ركعت و انا ببكي قلتله ما بعرفك مين بس أنا طلعت من الموت مرتين بسببك انت اله المسيحيين أو اله الاسلام أو إله دين من هالأديان . و قلتله بعرفك بتحبني و الا ما كنت تتعامل معي لو ما كنت بصلي لو ما بقرا قرأن لو ما محجبة .
بالليل ببصر منام شباك غرفة انفتح عندي و طلع منو ضو كثير ساطح ما شفت من قبل مثلو و اجا صوت من برا قال (أنا هو نور العالم)
و خلاص لما صحيت ضلت الكلمة براسي كتبتها طلعت آية بالانجيل بنفس اللحظة ركعت و سلمت حياتي للرب و اتلمذت عند أمنا ماغي و اتعمدت.
– مجتبي من السعودية
أنا كنت مسلم سابق و ما كنت متعمق في الدين و كنت فقط اعمل طقوس و عايش حياتي بناموسي أنا. يوم كنت أسمع ترنيمة كان فيها لفظ ” يا رب” فقط كنت أردد معها يا رب و كنت أحبها. بعد ايام ظهر لي فديو لأمنا ماغي خزام تعلن فيه أن يسوع هو أبن الإله، في تلك اللحظة صدقت انه هو فعلا الابن. تتلمذت على يد ماغي و هي دبرت معمودية لي.
تعمقت في الإيمان المسيحي وأدركت المحبة الحقيقة، ووصايا الرب الحق العادلة.
– علي من السعودية
انا سعودي، من وانا صغير كان نفسي اكون في كلية دراسية معينة، اذا كبرت وكنت دايم بصلي وانا مسلم انو يتحقق الشي ذا، وكنت تقريبا 7سنين ادعي واروح الحرم واصلي عند باب الكعبة، وللاسف لما تخرجت وجيت بقدم للكلية هاذي انرفضت مباشرة، وبعدها بفتره دخلت في اكتئاب وبديت اشك هل هناك رب لهذا الكون، وكنت ابحث في اليوتيب اول مقطع ظهر لي كان شخص يتكلم عن المسيحية واستمريت ابحث الي ان وصلت لقناة الأم ماغي خزام وبعدها قلت لازم أصلي ليسوع وانا لسع مو مؤمن مرة،قلت بجرب، وفي نفس اليوم حلمت بنور عظيم في سحابة، وكنت تحت جبل وماسك بيدي صليب وبعدها باسبوعين تحقق الي طلبته وهنا عرفت ان الرب قريب ويجيب لنا وبشكر الرب على النعم الي عطاني هيا. تتلمذت و تعمدت و أنا اليوم مسيحي.
– علي من السعودية
كنت مسلم ومن صغري وأنا عندي أسئلة مالها أجوبة، ليش عايشين وهل نحن مسيرين وايش النهاية الاكيدة وغيرها الكثير، ولم أكن مقتنع بالصلاة الاجبارية والصوم القاسي وغيرها من الطقوس والعبادات الغير مجديه لإله لا يستجيب وجلاد كعذاب القبر والنار في الآخرة ، وكنت كضايع بلا هدف.
فلما تعرفت على المسيح الحق عن طريق القنوات التلفزيونية المسيحية ، وكيف بينت حقيقة الإسلام بآيات وأحاديث أول مرة اسمعها غضبت في البدايه ولكن وجدت كلامهم مقنع وبالأدلة والبراهين عندها عرفت الرب الإله الحق يسوع المسيح وقرأت الكتاب المقدس كاملاً بإرشاد من الرب الإله ، وكنت كضايع أيضا مرة كاثوليكي المعتقد ومرة ارثوذكسي ومرة انجيلي.
الي ان جعل الرب يسوع المسيح أمنا ماغي خزام في طريقي في أحد الفيديوهات على اليوتيوب، ومن يومها وانا معها في جميع وسائل التواصل الخاصة بها.
ولم تكن خبرتي في الفيسبوك كبيرة سوى مجرد متصفح ومشاهد خاصة لصفحاتها.
الي ان طلبت ان تقبلني في جروبات التلمذة لأكون في كنيسة الرب، وفعلاً تم قبولي واجتزت المرحلة بنجاح والشكر للرب يسوع ومجهود مسؤولي كنيسة الرب وأمنا ماغي ، وتم ترتيب معموديتي وتمت اخيراً وكانت فعلاً لحظة ممزوجه بفرح ورهبة لا يمكن نسيانها وأصلي للرب بأن يثبتي للمنتهى ويبارك جميع من في كنيسة الرب وراعيتها الأم المباركة ماغي خزام.
– مطلق من السعودية
أنا مسلم من الطائفة السنية من لما كنت صغير ما احب أصلي لان يجيني ألم في رأسي صداع قوي حتى لمن أصلي و أطلب مافي مستجيب كنت بقول يمكن انا ذنوبي واجد يوم من الايام شفت امي بتصلي و بتطلب انو اخي يشفى من المخدرات بس ما في مستجيب وكان لمن نصلي بتجينا لعنات يتضاربو اخوان يعني ضرب مو طبيعي لحتى ينزل الدم منهم بعدها بطلت أصلي يعني أصلي لمن أبوي يجبرني وحتى لمن ارجع أصلي يجيني نفس الألم .
لمن وصل عمري ٢٠ بديت اتابع مقاطع امنا ماغي خزام وعرفت انو عيسى غير يسوع ..
عيسى شخص ثاني و آمنت بالرب يسوع المسيح هو ابن الله الآب و انصلب فداء عنا بعدها بديت اتلمذ عند امنا ماغي.
و صليت للرب يسوع اول مره و طلبت بإيمان انو يشفيني من الألم وصدقاً راح الالم و الصداع وكل شي و اليوم تعمدت مع أنه المعمودية من المستحيلات بالسعودية و لكن ربنا هو رب المعجزات.
– يارا من اسرائيل
اختباري هو انه انا وصغيره كنت شوي قريبة من ربنا بعديها بعمر ل12 تقريبا بلشت ابعد وابعد… لحد مبطلت امن بوجود ربنا…
بعدها كبرت ومرقت بشغله، هي عدة شغلات مرتبطه ببعضها تقريبا وكانت فترة صعبه بيوم من الايام انا رحت جبت الانجيل وفتحته ونا مش عارفه ليش هيك سويت، يعني اليوم انا بسال حالي ليش هيك سويت ومش ملاقي جواب للاشي… طلعتلي جمله بوقتها مفهمتاش ومفهمتش شو المقصود بهاي الجمله بس وقتها صورتها ورحت نمت.
بهاي الفترات الي هي تقريبا شهر انا كنت اقضيها بالغرفه دراسة عالزوم واحضر يوتيوب بس.
صارت تطلعلي فيديوهات عاليوتيوب وصار عندي فضول اتجاه هاي الفيديوهات انه اشوف شو بحكو وشو فيها هاي الشغلات وهي الفيديوهات كانت بمضمون مسيحي والي بتقدمها ماغي خزام..
كيف بتزكر انه الفيديو كان عن كيف نسمع صوت الرب وكيف هو بتكلم معنا، كان من ضمن البنود انه احنا منسمع كلامه عبر كلمته في الكتاب المقدس وكان الشرح بشكل اعمق فانا تذكرت انه انا كنت مصوره قبل الايات الي بالكتاب فرجعت للصفحه الي انا مصوريتها وبلشت اقرا اقرا اقرا وشي لمس قلبي وتزكرت حالي فهداك الموقف كيف كنت وكيف انا اليوم بعد مامرق وقت، وصرت احس انه هاد بالفعل الرب بتكلم معي انه في موت روحي وفي قيامة ان آمنا بالرب وصرت افهم انه انا كنت مقيدة بخطايا كتيرة بترضيش ربنا وكمان كنت بموت روحي باكتئاب بفراغ بس لما بلشت احضر هاي الفيديوهات صار عندي شغف انه انا بدي اسمع اكتر واكتر وحب للايات الي عمتنحكى وصار بدي اخلص كل الفيديوهات لانه حسيت انها عمتشبع الفراغ وبتشبع روحي وبعديها صرت احس بربنا انه في اشي عمبتكلم معي وصار انه احس انه عنجد هاد الاله موجود واله حي وبسمع وبعديها صرت حابه اتلمذ تلمذت مع أمنا ماغي خزام عن طريق الفيسبوك وكنا نصلي بمجموعات سوا وسمعت من امي انه بعد فترة راح يكون في عماد وحسيت انه خلص اجا الوقت الي اخد فيه هاي الخطوة ادفن فيها كل الاشياء العتيقة وابلش بعديها حياة جديدة مع المسيح واعلن فيه ايماني بالرب مخلصي.
وتعمدت اليوم 25 / 9 / 2022
– محمد من إسرائيل
من وقت كنت طفل كان في بقلبي شعور بالانجذاب للصليب ولكل امر يتعلق في المسيحية ورموزها، وطبعا حب كبير لشخصية الرب يسوع المسيح، كل هذه المشاعر لم اكن اعرف مصدرها.
بدأت من عمر صغير التعرف على الرب يسوع من خلال مشاهدة أفلام تجسد حياته بالجسد على الارض، وكنت اشعر بسعادة كبيرة وقت أشاهد، وبشكل غير مخطط له وعلى فترات زمنية طويلة ومتباعدة من عمري استمريت اسمع كل شيء يتعلق بالمسيحية ودخلت بفترة في البحث بالطوائف المختلفة والطقوس.
لوقت بلشت اشاهد حلقات امنا ماغي خزام لمجرد مشاهدة أي شيء ايا كان يتعلق بالمسيحية. وبعد مرور وقت طويل من مشاهدتي وتعمقي بالحلقات، تعرفت على الرب يسوع المسيح والايمان المسيحي بحق وفق الكتاب المقدس من خلال حلقات أمنا ماغي، وقررت بنعمة ربنا أنه ابلش علاقة حقيقية بالرب، تواصلت مع أمنا ماغي وبدأت بالتلمذة ونجحت بالاختبارات، وبفضل ربنا أصبح ايماني أعمق وتعمدت.
– فاطمة من إيران
انا كنت مسلمه بس بنفس الوقت كنت ملحده لدرجه كنت اقول الله كذبه و ماله وجود قبل سنتين صار بيني و بين طليقي مشاكل كبيره و كنت وحيده و مدمره نفسياً فقت الصبح و رحت على الحديقه و صرت اصرخ و ابكي و اعاتب الإله صرت اقوله الكل بيقول الك وجود اذا صدق انت إله و قادر على كل شي طلعني من هاي الحاله و غير حياتي انا مدمره و ضايعه بعد مارجعت للبيت ايجاني مسج من صديقه اربع سنين ماكنت حاكيه معاها قالتلي بدي اشوفك ضروري رحت يوم ثاني شفتها و عرفت قصه حياتي و قالتلي بدي اخدك مكان ترتاحي في قلتلها وين قالت الكنيسه طلعت هيي كانت مختبره الرب 8 شهور.
رحت للكنيسه بس دخلت من باب الكنيسه ماعاد حسيت بجسمي كأنو تخدرت لما بلشو بترانيم صرت ابكي و اصرخ مثل المجانين و كأنه أول مره ابكي لما خلص الاجتماع كتير كنت خفيفه كأنه كل الاثقال الي كنت حاملتهم على كتافي راحو جسمي صار مثل الريشه بنفس اليوم القس صلى معي ومن يومها آمنت و حبيت الرب و متمسكه في لان غيّر كل حياتي وهلق قررت انضم لكنيسة الرب مع الأم ماغي خزام.
– ألين من إيران
انا اختباري عبارة عن قصة كتير طويلة بلشت ببنت كانت عم تجهز حالها لتكون داعية اسلامية وانتهى فيني هلق ببنت عطت حياتها للتبشير بالرب يسوع
لما انتقلت لألمانيا كنت عم فكر اني لازم ادعي الناس للإسلام على أساس انو دين الحق بس انصدمت كتير لما حسيت في فرق كتير كبير بين حياة الناس اللي جايين من دول أوربية وبين اللي جايين من دول عربية وإسلامية وكنت اسأل حالي وين العدل وكأنهم عايشين بكوكب تاني.. بعدها في مرة حصلت على كتاب بيحكي عن الكتاب المقدس ماقرأتو بوقتها بس كان يضل معي وين ما بروح وين ما بسافر وبعدها مرضت وتعبت كتير وقعدت فترة طويلة بالمستشفى ولما طلعت فكرت اني لازم ابحث عن الشي اللي أنا محتاجته لتصير حياتي منيحة وطبيعية ومرة انتبهت للكتاب انو لسا معي وما فتحتو ولا مرة وبلشت اقرا فيه.. وبعد ٣ صفحات بس حسيت اني حبيت المسيح كتير وبلشت حس بأشياء جديدة وفرح وحسيت اني عم اسمع أخبار حلوة.. بعدها رجعت تعبت ودخلت المستشفى وبهي المرة صليت للرب اللي انا بهاد الوقت كنت حاسة اني مو متأكدة اذا بعرفو أو لاء وطلبت منو يدلني..
بعدها في حدا ضافني عالفيس بوك وحكالي عن المسيح يسوع وبلشت اتعرف اكتر واكتر عالمسيح واقرا بالكتاب المقدس واكتشف انا كنا عايشين بكزبة كتير كبيرة بدين الإسلام اللي حرمنا من الإيمان بالرب الحق وبعدها مرة سمعت صوت الرب وبعدها الرب شفاني بمعجزة وبشكر الرب اني وصلت لليوم اللي تعمدت فيه لحتى صير مسيحية بشكل رسمي وحس لما بشر الناس اني حققت حلمي وهدفي بدعوة الناس للإيمان الحق.
– لينا من دبي
عرفت المسيح وانا في الثانويه ولما كبرت وتزوجت تكرر اجهاضي وحملت ببنتي كل جيراني واصحابي المسيح صلوا لي في الكنيسه وأوصوا امي لو جتني بنت اسميها ع اسم العذراء وبالفعل سميت بنتي مريم ونفس اصحابي صلوا لي لما طاح زوجي اول هبة لوباء كورونا ودخل غيبوبه واعتبروه الأطباء ميت سريرياً وصارت صاحبتي تتواصل معي ع التلفون وتصلي وتخليني اردد الصلاة معها واصرخ بأعلى صوتي يامسيح انقذ زوجي ..
وحدثت المعجزة اللي حيرت الأطباء واستفاق بصحة جديدة زوجي بعد 20 يوم غيبوبة حيث فتك فيه الوبأ و تسبب بمشاكل ضغط و سكر وضرر للقلب و الكلى و الكبد .
المسيح رب المعجزات انقذه فقررت اتعمد و فعلاً تتلمذت عند الأم ماغي خزام و تعمدت.